جنوبی افریقہ اور زمبابوے دورہ کیلئے ٹیم کا اعلان، سزا یافتہ شرجیل شامل

لاہور: پاکستان کے دورہ جنوبی افریقہ اور زمبابوے کے لئے 32رکنی قومی اسکواڈ کا اعلان کردیا گیاہے، سعود شکیل اور سلمان آغا بغیر کارکردگی ٹیم کا حصہ بن گئے۔

قومی سلیکشن کمیٹی کے چیئرمین محمد وسیم نے لاہور میں پریس کانفرنس میں دورہ جنوبی افریقا اور زمبابوے کے لیے 32 رکنی قومی اسکواڈ کا اعلان کیا۔

ٹی ٹوئنٹی ٹیم میں فیکسنگ پر سزا یافتہ شرجیل خان کو شامل کیا گیا ہے جب کہ کراچی کنگز کی نمائندگی کرنے والے ارشد اقبال اور اسلام آباد یونائیٹڈ کی جانب سے پی ایس ایل 6 میں ڈیبیو کرنے والے محمد وسیم جونیئر کو پہلی بار اسکواڈ کا حصہ بنایا گیا ہے۔

ٹی ٹوئنٹی ٹیم

ٹی ٹوئنٹی ٹیم کی قیادت بابراعظم کررہے ہیں، دیگر کھلاڑیوں میں شاداب خان (نائب کپتان) حیدر علی ، آصف علی ، محمد حفیظ، محمد رضوان اور سرفراز احمد (وکٹ کیپر) دانش عزیز، فہیم اشرف ، محمد نواز ،محمد وسیم جونیئر ، ارشد اقبال ، حارث روف ، حسن علی ، محمد حسنین ، شاہین شاہ آفریدی اور عثمان قادر شامل ہے۔

ون ڈے ٹیم

ون ڈے ٹیم کی قیادت بھی بابراعظم ہی کررہے ہیں، دیگر کھلاڑیوں میں شاداب خان (نائب کپتان) عبداللہ شفیق، فخر زمان ، حیدر علی ، امام الحق ، سعود شکیل، دانش عزیز، فہیم اشرف ، محمد نواز ، محمد وسیم جونیئر ، محمد رضوان ، سرفراز احمد (وکٹ کیپر) ، حارث روف ، حسن علی ، محمد حسنین ، شاہین شاہ آفریدی ، عثمان قادر شامل ہیں۔

ٹیسٹ ٹیم

زمبابوے کے خلاف ٹیسٹ سیریز کے لیے ملتان سلطانز کی نمائندگی کرنے والے شاہنواز دھانی اور کوئٹہ گلیڈی ایٹرز کے اسپنر زاہد محمود کو پہلی بار اسکواڈ میں شامل کیا گیا ہے جب کہ لیگ اسپنر یاسر شاہ کو ٹیم سے ڈراپ کیا گیا ہے، دیگر ٹیم ان کھلاڑیوں پر مشتمل ہے۔

بابراعظم (کپتان)، محمد رضوان (نائب کپتان)، عابد علی ، عمران بٹ اظہر علی، فواد عالم ، سلمان علی آغا ، سعود شکیل ، فہیم اشرف ، محمد نواز ، سرفراز احمد، حارث روف ، حسن علی ، شاہین آفریدی ، شاہنواز دھانی ، تابش خان، نعمان علی، ساجد خان اور زاہد محمود شامل ہیں۔

Comments are closed.