سعودی عرب میں بزم یاران کی محفل موسیقی

رپورٹ: شاہ جہاں شیرازی سعودی عرب کے دارالحکومت ریاض پاکستانی شعرا کی تنظیم بزم یاران نے محفل موسیقی کا انعقاد کیا جس میں مقامی گلوکار عقیل قریشی نے اردو اور پنجابی غزلوں کے ایسے سر بکھیرے کہ شرکاء انہیں داد دئیے بغیر نہ رہ سکے. سعودی دارالحکومت ریاض میں اگر ایک طرف سردی کا موسم اپنے جوبن پر ہے تو ایسے میں بزم یاران ریاض نے سرمئی شام کو گرمانے اورحسین بنانے کے لئے سُروں کا سہارا لیا اور مقامی ہوٹل میں محفل موسیقی کا انعقاد کیا. عرصہ 40 سال سے سعودی عرب میں مقیم گلوکار عقیل قریشی نے سروں کے تار ایسے چھیڑے کہ سننے والے داد دئیے بغیر نہ رہ سکے انہوں نے اردو پنجابی گیت گا کر خوب سماں باندھا اور سرد موسم میں محفل کورات گئے تک گرمائے رکھا. https://twitter.com/MehboobTanoli/status/1353895556112936961?s=19 اس موقع پرعقیل قریشی کا کہنا تھا کہ وہ چالیس سال سے سعودی عرب میں مقیم ہیں اور گانے کا شوق رکھتے ہیں اور دوست احباب کی نجی محفلوں میں اپنے شوق کی تکمیل جاری رکھے ہوئے ہیں. اس موقع پر عقیل قریشی کو سننے والے احباب کا کہنا تھا کہ وہ عرصہ سے عقیل قریشی کی گائیکی کے دلدادہ ہیں اور بڑے شوق سے ان کو سنتے چلے آرہے ہیں. سردی کی ان شاموں میں ان کے سُرمزید محظوظ کرتے ہیں اس عمر میں بھی عقیل قریشی کی گائیگی میں جو لذت و مٹھا س ہے وہ کسی بڑے گلو کار سے کم نہیں۔
معروف مزاح نگار انور مقصود بھی کورونا کا شکارہوگئے

فوٹو: فائلکراچی: ممتاز و معروف دانشور و مزاح نگار انور مقصود بھی کورونا وائرس کا شکار ہوگئے ، انور مقصود کئی ماہ سے ادبی سرگرمیوں سے بھی دور ہیں۔ ملک میں کورونا وائرس کی دوسری لہر میں شدت کے دوران ہی انورمقصود بھی اس مہلک وائرس میں مبتلا ہوئے ہیں، دوسری لہر نے فنکاروں کی بھی بڑی تعداد کو بھی ا پنی لپیٹ میں لے لیا ہے۔ معروف مزاح نگار85سالہ انور مقصود بھی کورونا کی گرفت میں آگئے ہیں۔ انور مقصود کے اہل خانہ نے ان میں کورونا وائرس مثبت آنے کی تصدیق کی ہے۔ انور مقصود کے بیٹے بلال مقصود کے مطابق اب ان کے والد کی طبعیت پہلے سے بہتر ہے او وہ جلد ہی ٹھیک ہوجائیں گے، انور مقصود کراچی میں اردو کانفرنس کے بعد سے ادبی سرگرمیوں سے دور ہیں۔ آج صبح بھی آرٹس کونسل آف پاکستان کراچی کے صدر محمد احمد شاہ نے بھی انور مقصود کی طبیعت کی خرابی کی اطلاع دیتے ہوئے کہا تھا کہ انور مقصود صاحب شدید علیل ہیں۔ اس کے ساتھ ہی انہوں نے تمام اہل وطن سے ان کی صحت یابی کے لیے دعا کی اپیل بھی کی تھی، اس کے ساتھ ساتھ انھوں نے انور مقصود کی اردو کانفرنس کے کچھ ویڈیو کلپس بھی شیئر کئے ہیں۔
ڈنمارک کے سفارتکار خان پور میں

یاورحیات ڈنمارک کے سفارتکاروں نے بھمالہ سٹوپہ خان پورکادورہ کیا اور سیاحت کے حوالہ سے پاکستانی حکومت کے اقدامات کی تعریف کی اور کہا کہ پاکستان پرامن ملک ہے بین الاقوامی سطح پر سیاحت کے شوقین افراد کے لیے توجہ کا مرکز بھی بنتا جارہا ہے. اس موقع پر ڈنمارک کی سفیر Lis Rosenholm A نے اپنے تاثرات میں کہا کہ خان پور میں موجود بدھ مت دور کے سٹوپہ سمیت دیگر تاریخی مقامات کی سیر یادگار رہے گی ان کی حفاظت سمیت دیگر اقدامات پر پاکستانی حکومت کو خراج تحسین پیش کرتے ہیں. پاکستان میں موجود ڈنمارک کی ایمبیسی کے سفارتکاروں کے وفد نے سیاحت مقامات کے دورہ کے بعد لوکل میوزک سے بھی لطف اٹھایا پاکستانی خاتون سیاح طیبہ ملک نے انھیں گیٹار کے ساتھ گانا بھی سنایا. اپنے دورہ کے دوران دیگر سفارتکاروں کا کہنا تھا کہ آثارقدیمہ کے مقامات کی سیر سے تاریخ سے بھی روشنائی حاصل ہوتی ہے ان تاریخی مقامات کی دیکھ بھال پر اطمینان ضرور ہے مگر اس کے ساتھ ساتھ راستوں پر ان کے بورڈز بھی نصب ہونے چائیے تھے جس سے سیاحوں کو مزید سہولت فراہم کی جاسکتی ہے. یاد رہے کہ اس قبل ڈنمارک ایمبیسی کے سفارتکاروں کی جانب سے ایک ہفتہ قبل بھی دورہ کیا گیااس دورہ کے دوران ڈنمارک اسلام آباد ایمبیسی کے سفارتکاروں کے ہمراہ پاکستانی سیاح بھی موجود تھے جنھوں نے خان پور آثار قدیمہ خان پور ڈیم بھمالہ سٹوپہ سمیت سر کپ سر سکھ کا بھی دورہ کیا. مقامی سیاحوں نے بتایا ہے کہ بلاشبہ پاکستان کو قدرت نے سیاحت کے حوالہ سے مالا مال کررکھا ہے غیر ملکی سیاح پاکستان میں موجود قدرتی حسن نظاروں سے لطف اندوزہونے کے لیے پاکستان کے شمالی علاقہ جات کا رخ کرتے ہیں جس سے پاکستان کے مثبت امیج سامنے آتا ہے. پاکستانی حکومت سیاحوں کو بہتر سے بہتر سہولیات فراہم کرنے کی کوشش کررہی ہے غیر ملکی سیاح اور سفارتکار بھی سیاحتی مقامات کی تعریف کرنے پر مجبور ہیں غیر ملکی سیاحوں کے لیے ہر سیاحتی مقامات پر معلوماتی بورڈ نصب کرنے سے ان تاریخی مقامات کی اہمیت میں بھی مزید اضافہ ہوسکتا ہے. خیبر پختوانخواہ حکومت نے سیاحت کو شعبہ میں جو ترقی کی ہے وہ گزشتہ ستر سال میں نہیں ہوسکی ہے پاکستانی خود بھی زمہ داری کا مظاہرہ کریں تو پاکستان دنیا میں جنت بن سکتا ہے قدرت کے حسین نظاروں کے ساتھ تاریخی مقامات آثار قدیمہ سے بھی زرمبادلہ میں اضافہ ممکن ہوسکتا ہے. ڈنمارک کی سفارت کارLis Rosenholm سمیت دیگر سفارتکاروں اور پاکستانی سیاحوں کا شکریہ بھی ادا کیا اپنے مختصر دورے کے بعد سفارتکار واپس اسلام آباد روانہ ہوگے.
حریت رہنما،سید علی گیلانی، کے الفاظ جب موضوع سخن بنے

رپورٹ = شاہ جہاں شیرازی ریاض مقبوضہ کشمیر کے بزرگ حریت رہنما سید علی گیلانی کے منہ سے نکلا ایک فقرہ، ایک نعرہ اور ایک جستجو نے پاکستان کے بیرون ملک آباد اہل ذوق کو اتنا بھایا کہ اس موضوع پر پوری ایک شعری نشست کا اہتمام کر ڈالا. وہ مصرعہ کیا تھا ,, ہم پاکستانی ہیں، پاکستان ہمارا ہے. اس مصرعے کو پاکستانی صحافیوں، ادیبوں اور شعراء کی تنظیم پاکستان رائٹرز کلب اور لیڈیز چیپٹر نے لے کر انوکھے انداز میں ایک پر وگرام ترتیب دیا کہ اس شعر کے مناسبت سے دوسرا مصرعہ پڑھنے کے لئے سب کو شعرکی زبان میں اظہار خیال کا موقع دیا کہ ہر ایک اپنے جذبات کا اظہار شعری انداز میں کرسکے۔ اس موقع پرپاکستان رائٹرز کلب کے صدر پروفیسر فیاض ملک نے کہا کہ بھارت کے مسلم کش اور اقلیتوں کے خلاف قوانین اور کاروائیوں کا تذکرہ اس وقت عالمی اخبارات کی زینت بنا ہوا ہے۔ بھارتی معاشرے کے اندر سے اقلیتوں کے تحفظ کے لیے آوازیں اٹھنا شروع ہو گئی ہیں۔ پاکستان رائٹرز کلب لیڈیز چیپٹر کی سینیئر رکن اورخاتون صحافی و رائٹر محترمہ عنبرین فیض نے اظہار خیال کرتے ہوئے کہا کہ کشمیر ہماری شہ رگ ہے اور ہر موقع پر مقبوضہ کشمیر کے مظلوم بہن بھائیوں کے ساتھ مکمل ہمدردی کا اظہار کرنا، دراصل عالمی دنیا کو باور کرانا ہے کہ بھارت وہ جابر و فاشسٹ ریاست ہے جنہوں نے گزشتہ72 سالوں سے کشمیر پر غاصبانہ قبضہ کرکے وہاں کے نہتے اور معصوم شہریوں پر عرصہ حیات تنگ کررکھا گیا۔ پاکستان رائٹرزکلب لیڈیز چپیٹر کی کنوینر ڈاکٹر فرح نادیہ نے کہا کہ کشمیر ہمارا شہ رگ ہے آج ہمارے کشمیری بہن بھائی جانوں کا نذرانہ پیش کرکے آزادی کی جوجنگ لڑ رہے ہیں ہم ایسے حالات میں اپنے کشمیری بہن بھائیوں کو اس موقع پر بے یارو مدد گار نہیں چھوڑ سکتے. پاکستان رائٹرز کلب لیڈ یز چیپٹر کے ڈپٹی کنوینر محترمہ شمائلہ ضو پاش ملک نے اپنے خیالات کے موتی یوں بکھیرے. اٹھو کہ اب بھی ماؤں کی دعا اور بہنوں کی رضا کا ……لہو روتی آنکھوں کا قیامت خیز نظارہ ہے یہ آزادی کے پرچم کو کبھی گرنے نہیں دیتے……پاکستان کے ہیں ہم فقط یہی وہ نعرہ ہے. پاکستان رائٹرز کلب لیڈ یز چپٹر کے سابق کنوینر محترمہ مدیحہ ملک نے کچھ یوں کہا کہ اک طویل مسافت ہے جو کٹتی ہی نہیں ……آزمائش کی گھڑیاں ہیں کہ ٹلتی ہی نہیں زمیں سے فلک تک پھر بھی ایک ہی نعرہ ہے …ہم پاکستانی ہیں پاکستان ہمارا ہے۔ پاکستان رائٹرز کلب لیڈیز چپٹر کی سابق کنوینر اور ممتاز آرٹسٹ محترمہ عاصمہ طارق نے علی گیلانی کی مصرعے پر یوں کہا کہ ہم پاکستانی ہیں، پاکستان ہمارا ہے ……اب جاگ کہ اٹوٹ انگ نے پکارا ہے ہم پاکستانی ہیں، پاکستان ہمارا ہے ………کشمیر کیا ہندوستاں بھی ہمارا ہے۔ دعا ہے اس دھرتی کو حبیب خدا کی……اس کی حد دنیا کا آخری کنارا ہے۔ دبئی سے ابو نعمان کوثر یوں گویا ہوئے. نسبت اپنی دین محمد یہی اسلاف کا نعرہ ہے……ہم پاکستانی ہیں پاکستان ہمارا ہے محترمہ آمنہ الطاف نے مصرعے پر یوں طبع آزمائی کی, شہ رگ جو جدا ہو پاکستان سے……اس میں سب کا خسارہ ہے ڈرتے ہیں نہ تیغ سے نہ تلوار سے ……کشمیر ہمارا تھا ہمارا ہے۔ محترمہ حرا نے کہا کہ, کشمیر ہندوستان کا ہو یہ کیسے گوارا ہے …ہم پاکستانی ہیں، پاکستان ہمارا ہے. پاکستان رائٹرز کلب لیڈیز چپٹر کی کنوینرپروگرامز محترمہ انجینیئر مدیحہ نعمان نے یوں أپنے خیالات کا اظہار کیا. دل و جان سے بھی زیادہ ہمیں پیارا ہے ……کشمیر کو ایک پاکستان کا ہی سہارا ہے جان و من نچھاور اے وطن تجھ پر……سب سے پہلے ہمارا چاند و ستارہ ہے۔ ڈاکٹر شازیہ ریاض ہمارے لہو میں ہے عہد وفا……اس دھرتی کا ہر زرہ ہمیں جی جان سے پیارا ہے. نجران سے محترمہ نائیلہ خادم اس کو کیسے کہہ دیں جا! دشمن کے حوالے ہے………وہ کشمیر جو جنت کا گہوارا ہے. اس کی مٹی کا ہر پاکستانی قرض دار ہے ……کشمیر ہندوستان کا ہو یہ کیسے ہم کو گوارا ہے. پاکستان سے محترمہ طیبہ شمس دل کو جسم سے جدا کریں۔۔۔یہ کیسے گوارا ہو……جلا کر راکھ کر دیں یہ ہم کو کیسے گوارا ہو خوشیوں بھرے آنگن کو ہم سسکیوں سے بھر دیں……ہماری غیرت و حمیت کو یہ کیسے گوارہ ہو. ریاض سے طوبا ذیشان اے وادء کشمیر تیری حرمت پر ہم قربان…کہ یہ دنیا فانی ھے اس پر ایمان ہمارا ہے. پاکستان رائٹرز کلب کے سکرٹری فنانس وممتاز شاعر انجینئر زبیر بھٹی نے سید علی گیلانی کی مصرعے پر یوں لب کشائی کی۔ جنت کسی کافر کو ملی ہے نہ ملے گی……پھر کیسے یہ کہہ دیں کہ کشمیر تمہارا ہے۔ محترمہ سبین محبوب ریاض عمر کا رعب اور علی کی جرّات ہمارے خوں میں بہتی ہے ……ہوش کرو ظلم ڈھانے والوں، تم نے کسے کو للکارا ہے۔ آخر میں کشمیر کی آزادی، حریت راہنما سید علی گیلانی کی جلد صحت یابی اور کشمیر میں ظلم و ستم کی خاتمے کی دعا کی گئی۔
وفاقی سیکرٹری برائے قومی تاریخ و ادبی ورثہ ڈویژن کا دورہ اکادمی

فوٹو : پی آر او اکادمی ادبیات اسلام آباد(ویب ڈیسک )وفاقی سیکرٹری برائے قومی تاریخ و ادبی ورثہ ڈویژن انعام اللہ خان نے اکادمی ادبیات پاکستان کا دورہ کیا۔ اس موقع پر وفاقی سیکرٹری نے کہا کہ اکادمی ادبیات پاکستان ادب کے فروغ اور ادیبوں کی فلاح و بہبود کا قومی ادارہ ہے، اس ادارے کی اہمیت اور افادیت سے بخوبی آگاہ ہیں. انھوں نے کہا ہر ممکن کوشش ہوگی کہ اس ادارے کو اپنے اہداف کے حصول کے لیے مزید فعال اور موثر بنائیں۔ وفاقی سیکرٹری انعام اللہ خان نے اکادمی کی کارکردگی پر اطمینان کا اظہار کیا. وفاقی سیکرٹری نےادبی منصوبوں کی تکمیل کے لیے تعاون کی یقین دہانی کرائی۔ وفاقی سیکرٹری کو اکادمی کی کارکردگی، اشاعتی منصوبوں اور مستقبل کے اہداف کے بارے میں چیئرمین اکادمی محمد سلمان نے بریفنگ دی۔ انعام اللہ خان نے اکادمی ادبیات کے مختلف شعبوں اور فیض احمد فیض آڈیٹوریم دیکھا اور آڈیٹوریم کے کام کو جلد از جلد مکمل کرنے کی ہدایت کی۔
جامن کا پیڑ

کرشن چندر رات کو بڑے زور کا جھکڑ چلا۔ سکریٹریٹ کے لان میں جامن کا ایک درخت گرپڑا۔ صبح جب مالی نے دیکھا تو اسے معلوم پڑا کہ درخت کے نیچے ایک آدمی دبا پڑاہے۔ مالی دوڑا-دوڑا چپراسی کے پاس گیا۔ چپراسی دوڑا-دوڑا کلرک کے پاس گیا۔کلرک دوڑا-دوڑا سپرنٹنڈنٹ کے پاس گیا۔ سپرنٹنڈنٹ دوڑا-دوڑا باہر لان میں آیا۔منٹوں میں گرے ہوئے درخت کے نیچے دبے ہوئے آدمی کے گرد مجمع ‘ اکٹھا ہو گیا- بیچارا! جامن کا درخت کتنا پھل دارتھا۔ ایک کلرک بولا۔ اس کی جامن کتنی رسیلی ہوتی تھیں۔دوسرا کلرک بولا۔ میں پھلوں کے موسم میں جھولی بھر‌کےلے جاتا تھا۔ میرے بچے اس کی جامنیں کتنی خوشی سے کھاتے تھے۔تیسرے کلرک نے تقریباً آبدیدہ ہوکر کہا۔ مگر یہ آدمی؟مالی نے دبےہوئے آدمی کی طرف اشارہ کیا۔ ہاں، یہ آدمی! سپرنٹنڈنٹ سوچ میں پڑ گیا۔ پتہ نہیں زندہ ہے کہ مر گیا! ایک چپراسی نے پوچھا۔ مر گیا ہوگا۔ اتنا بھاری تنا جن کی پیٹھ پر گرے، وہ بچ کیسے سکتا ہے! دوسرا چپراسی بولا۔ نہیں میں زندہ ہوں! دبےہوئے آدمی نے بہ مشکل، کراہتے ہوئے کہا۔ زندہ ہے! ایک کلرک نے حیرت سے کہا۔ درخت کو ہٹاکر اس کو نکال لیناچاہیے۔ مالی نے مشورہ دیا۔ مشکل معلوم ہوتا ہے۔ایک کاہل اور موٹا چپراسی بولا۔درخت کا تنا بہت بھاری اور وزنی ہے۔ کیا مشکل ہے؟ مالی بولا۔ اگر سپرنٹنڈنٹ صاحب حکم دے تو ابھی پندرہ-بیس مالی، چپراسی اور کلرک زور لگاکردرخت کے نیچے سے دبے آدمی کو نکال سکتے ہیں۔ مالی ٹھیک کہتا ہے۔بہت-سےکلرک ایک ساتھ بول پڑے۔ لگاؤ زور، ہم تیار ہیں۔ ایک دم بہت سے لوگ درخت کو کاٹنے پر تیار ہو گئے۔ ٹھہرو!، سپرنٹنڈنٹ بولا،میں انڈر-سکریٹری سے مشورہ کر لوں۔ سپرنٹنڈنٹ انڈر-سکریٹری کے پاس گیا۔ انڈر-سکریٹری ڈپٹی سکریٹری کے پاس گیا۔ ڈپٹی سکریٹری جوائنٹ سکریٹری کے پاس گیا۔ جوائنٹ سکریٹری چیف سکریٹری کے پاس گیا۔ چیف سکریٹری نے جوائنٹ سکریٹری سے کچھ کہا۔ جوائنٹ سکریٹری نے ڈپٹی سکریٹری سے کچھ کہا۔ ڈپٹی سکریٹری نےانڈر سکریٹری سے کچھ کہا۔ ایک فائل بن گئی۔ فائل چلنے لگی۔ فائل چلتی رہی۔ اسی میں آدھا دن گزر گیا۔دوپہر کو کھانے پر دبے ہوئے آدمی کے گرد بہت بھیڑ ہو گئی تھی۔ لوگ طرح-طرح کی باتیں کر رہے تھے۔ کچھ من چلے کلرکوں نے معاملے کو اپنے ہاتھ میں لینا چاہا۔ وہ حکومت کے فیصلے کا انتظار کئے بغیر درخت کو خود سے ہٹانے کا تہیہ کر رہے تھے کہ اتنےمیں سپرنٹنڈنٹ فائل لئے بھاگا-بھاگا آیا، بولا-ہم لوگ خود سے اس درخت کو یہاں سے ہٹا نہیں سکتے۔ ہم لوگ محکمہ تجارت سے متعلق ہیں اور یہ درخت کا معاملہ ہے جو محکمہ زراعت کی تحویل میں ہے۔ اس لئے میں اس فائل کو ارجنٹ مارک کرکے محکمہ زراعت میں بھیج رہا ہوں۔ وہاں سے جواب آتے ہی اس کو ہٹوا دیا جائے‌گا۔ دوسرے دن محکمہ زراعت سے جواب آیا کہ درخت ہٹوانے کی ذمہ داری محکمہ تجارت پر عائد ہوتی ہے۔یہ جواب پڑھ‌کر محکمہ تجارت کو غصہ آ گیا۔ انہوں نے فوراً لکھا کہ درختوں کو ہٹوانے یا نہ ہٹوانے کی ذمہ داری محکمہ زراعت پر عائد ہوتی ہے۔ محکمہ تجارت کااس معاملے سے کوئی تعلق نہیں ہے۔ دوسرے دن بھی فائل چلتی رہی۔ شام کو جواب بھی آ گیا۔ ہم اس معاملےکو ہارٹی کلچرل ڈپارٹمنٹ کے سپرد کر رہے ہیں کیونکہ یہ ایک پھل دار درخت کا معاملہ ہے اور ایگریکلچرل ڈپارٹمنٹ صرف اناج اور کھیتی باڑی کے معاملوں میں فیصلہ کرنے کامجاز ہے۔ جامن کا درخت ایک پھل دار درخت ہے اس لئے درخت ہارٹی کلچرل ڈپارٹمنٹ کےدائرہ اختیار میں آتا ہے۔ رات کو مالی نے دبے ہوئے آدمی کو دال-بھات کھلایا حالانکہ لان کے چاروں طرف پولیس کا پہرا تھا کہ کہیں لوگ قانون کو اپنے ہاتھ میں لےکر درخت کو خود سےہٹوانے کی کوشش نہ کریں۔ مگر ایک پولیس کانسٹبل کو رحم آ گیا اور اس نے مالی کودبے ہوئے آدمی کو کھانا کھلانے کی اجازت دے دی۔ مالی نے دبے ہوئے آدمی سے کہا،تمہاری فائل چل رہی ہے۔ امید ہے کہ کل تک فیصلہ ہو جائے‌گا۔ دبا ہوا آدمی کچھ نہ بولا۔ مالی نے درخت کے تنے کو غور سے دیکھ‌کر کہا،حیرت گزری کہ تناتمہارے کولہے پر گرا۔ اگر کمر پر گرتا تو ریڑھ کی ہڈی ٹوٹ جاتی۔ دبا ہوا آدمی پھر بھی کچھ نہ بولا۔ مالی نے پھر کہا،تمہارا یہاں کوئی وارث ہو تو مجھے اس کا اتہ پتہ بتاؤ۔ میں اس کو خبر دینے کی کوشش کروں‌گا۔ میں لاوارث ہوں۔دبے ہوئےآدمی نے بڑی مشکل سے کہا۔ مالی افسوس ظاہر کرتا ہوا وہاں سے ہٹ گیا۔ تیسرے دن ہارٹی کلچرل ڈپارٹمنٹ سے جواب آ گیا۔ بڑا کڑا جواب تھا، اورطنز آمیز۔ ہارٹی کلچرل ڈپارٹمنٹ کا سکریٹری ادبی مزاج کا آدمی معلوم ہوتا تھا۔ اس نےلکھا تھا ؛حیرت ہے، اس وقت جب ‘ درخت اگاؤ ‘ اسکیم بڑے پیمانے پر چل رہی ہیں، ہمارے ملک میں ایسے سرکاری افسر موجود ہیں جو درخت کاٹنے کا مشورہ دیتے ہیں،وہ بھی ایک پھل دار درخت کو!اور پھر جامن کے درخت کو! جس کا پھل عوام بڑی رغبت سےکھاتے ہیں!! ہمارا محکمہ کسی حالت میں اس پھل دار درخت کو کاٹنے کی اجازت نہیں دےسکتا۔ اب کیا کیا جائے؟ ایک منچلے نے کہا۔اگر درخت کاٹا نہیں جا سکتا تو اس آدمی کو کاٹ‌کر نکال لیاجائے! یہ دیکھیے، اسی آدمی نے اشارے سے بتایا۔ اگر اس آدمی کو بیچ میں سے یعنی دھڑ کے مقام سے کاٹا جائے تو آدھا آدمی ادھر سے نکل آئے‌گا اور آدھا آدمی ادھر سےباہر آ جائے‌گا، اور درخت وہیں کا وہیں رہے‌گا۔ مگر اس طرح سے تو میں مر جاؤں‌گا! دبے ہوئے آدمی نے احتجاج کیا۔ یہ بھی ٹھیک کہتا ہے! ایک کلرک بولا۔ آدمی کو کاٹنے والی تجویز پیش کرنے والے نے پرزور احتجاج کیا،آپ جانتے نہیں ہیں۔ آج کل پلاسٹک سرجری کے ذریعے دھڑ کے مقام پر اس آدمی کو پھر سےجوڑا جا سکتا ہے۔ اب فائل کو میڈیکل ڈپارٹمنٹ میں بھیج دیا گیا۔ میڈیکل ڈپارٹمنٹ نے فوراًاس پر ایکشن لیا اور جس دن فائل ملی اس نے اسی دن اس محکمے کا سب سے قابل پلاسٹک سرجن تحقیقات کےلئے بھیج دیا۔ سرجن نے دبے ہوئے آدمی کو اچھی طرح ٹٹول‌کر، اس کی صحت دیکھ‌کر، خون کا دباؤ، سانس کی ….more….

Ads by Google

صحت و تعلیم

راولپنڈی میں ہولی ہیلپ سکول کی نئی برانچ کا افتتاح کر دیا گیا
راولپنڈی(زمینی حقائق ڈاٹ کام)راولپنڈی میں ہولی ہیلپ سوسائٹی ویلفئر آرگنائزیشن کے تحت چلنے والے سکول ہولی ہیلپ سکول کی ایک اور برانچ کا افتتاح کر دیا گیا. گرجا روڈ عمر کالونی میں ہولی ہیلپ سکول کی نئی برانچ کا افتتاح رابعہ عبداللہ پرنسیپل ہولی ہیلپ سکول سسٹم نے ایک خصوصی تقریب میں افتتاح کیا. راولپنڈی میں نئی برانچ کے افتتاح کے موقع پر صدر ہولی ہیلپ راجہ محمد اصغر چیئرمین ہولی ہیلپ عبداللہ صابر جنرل سیکرٹری عرفان بھی موجود تھے. اے سی کینٹ راولپنڈی میڈم نوشین اسرار، والدین اور بچوں نے بھی ہولی ہیلپ سکول کی نئی برانچ کی افتتاحی تقریب میں شرکت کی. افتتاحی تقریب میں اظہار خیال کرتے ہوئے اے سی کینٹ میڈم نوشین اسرار نےسوسائٹی انتظامیہ کے سماجی بہبود کے کاموں اور اپنے سکولوں میں مستحق بچوں سے تعاون کو سراہا. چیئرمین ہولی ہیلپ عبداللہ صابر کا کہنا تھا کہ ہم نے تعلیم کو عام کرنے کی عمل میں اپنی طرف سے کوششیں جاری رکھی ہوئی ہیں اور اب تک بہتر نتائج سامنے آئے ہیں. صدر ہولی ہیلپ راجہ اصغرنے تقریب سے خطاب میں ہولی ہیلپ کی کارکردگی کا جائزہ پیش کیا اور والدین پر زور دیا کہ وہ اس کارخیر میں ہماری حوصلہ افزائی جاری رکھیں. نوشین اسرار نے اس موقع پر سکول انتظامیہ کو اپنی طرف سے ہر ممکن مدد تعاون کی یقین دہانی بھی کروائی،تقریب میں تعلیمی سال میں بہترین کارکردگی پر ٹیچرز کو انعامات دئیے گئے.
جنوبی وزیرستان میں موبائل فون آپریٹرز کی ڈیٹا سروسز بحال
اسلام آباد :وزیراعظم کے دورے کے دوران کئے گئے اعلان کے مطابق جنوبی وزیرستان میں موبائل فون آپریٹروں (سی ایم اوز) کی ڈیٹا سروسزبحال کردی گئی ۔ پی ٹی اے نے جنوبی وزیرستان میں ٹیلی کام سروس کی صورتحال کا جائزہ لینے کے لئے کوالٹی آف سروس (کیو او ایس) سروے کیا تھا۔ جنوبی وزیرستان کیلئے موبائل فون آپریٹروں کو اس حوالے سے نہ صرف سروسز کے معیار کو بہتر بنانے کی ہدایات کی گئیں بلکہ تھری جی ڈیٹا سائٹس کی اپ گریڈیشن کے لئے بھی کہا گیا ہے۔ اس سے قبل جاز جو جنوبی وزیرستان میں تھری جی ڈیٹا کی خدمات مہیا کررہا تھا، نے اپنی تمام تھری جی سائٹس کوفورجی میں اپ گریڈ کردیا۔ پی ٹی اے علاقے میں مزید سائٹیں لگانے کے لئے سی ایم اوز کے ساتھ مسلسل رابطے میں ہے تاکہ وزیراعظم پاکستان کے ویژن کی مناسبت سے صارفین کے لئے بہتر آوازاورڈیٹا خدمات کو فروغ دیا جاسکے۔
موت رات پیشاب کیلئے اٹھنے والوں کی منتظر رہتی ہے
اسلام آباد : موت رات کو پیشاب کے لئے اٹھنے والوں کی منتظر ہوتی ہے، کیا آپ بھی ایسی کوئی غلطی کرتے ہیں جس سے فوری موت واقعہ ہونے کا خدشہ موجود رہتا ہے. رات پیشاب کیلئے اٹھنے والے افراد کے مر جانے کے واقعات کے پیش نظر ماہرین صحت نے تحقیق کی ہے اور اس حوالے سے ایک ہدایت بھی جاری کی گئی ہے. بتایا گیا ہے کہ جو لوگ نیند سے رات کو پیشاب کے لئے یا کسی اور مقصد کے لئے اٹھتے ہیں اور اچانک کھڑے ہو جاتے ہیں تو اس سے دماغ کو خون کی رسد کم ہو جاتی ہے۔ جلدی جلدی بستر چھوڑنے سے دماغ کو خون کی رسد پوری نہیں ہوتی اور دل کی دھڑکن رک جاتی ہےاور اس عمل سے فوری طور پر ہارٹ اٹیک ہو جاتا ہے یا ہونے کا خطرہ ہوتا ہے۔ اس حوالے سے ڈاکٹرز کا کہنا ہے کہ اس سے بچنے کے لئے ضروری ہے کہ دو یا تین منٹ کا وقفہ کر کے اٹھا جائے تاکہ فوری اٹھنے کے فوری منفی ردعمل سے بچا جا سکے. بہتر طریقہ یہ ہے کہ جب نیند سے جاگیں تو پہلے ایک یا دو منٹ بستر پر لیٹے رہیں، پھر تقریباً ایک منٹ بستر پر بیٹھیں اور پھر بستر سے ٹانگیں نیچے لٹکا کر 30 سیکنڈ چارپائی پر بیٹھیں۔ اسطرح کی دو تین منٹ کی مشق سے دماغ کو خون کی رسد کی کمی کا خدشہ کم ہو جائے گا، جو ہارٹ اٹیک /دل کی دھڑکن کے بند ہو جانے اور اچانگ موت کا امکان کم کر دے گا۔
پاکستان میں فائیو جی ٹیکنالوجی کا کامیاب تجربہ
فوٹو: فون ورلڈ فائلاسلام آباد: پاکستا ن میں فائیو جی ٹیکنالوجی کا کامیاب تجربہ کرلیا گیا ابتدائی طورپر فائیو جی کا ٹرائل غیرتجارتی بنیادپرمحدود ماحول میں کیا گیا۔ پی ٹی سی ایل گروپ نے فائیو جی ٹیکنالوجی کا کامیاب تجربہ کیا اس موقع پر سفیر یوایای نے فائیو جی ٹیسٹ خوش آئند قرار دیتے ہوئے کہا یو اے ای آئی ٹی ٹیلی کام میں سرمایہ کاری میں دلچسپی رکھتا ہے۔ فائیوجی ٹیکنالوجی کے ذریعے ریموٹ سرجری کابھی عملی مظاہرہ کیا گیا ، فائیو جی ٹرائل کی تقریب میں وزیر آئی ٹی سید امین الحق کی شرکت کی جبکہ یوایای سفیر حماد عبید ابراہیمی اور چیئرمین پی ٹی اے عامر باجوہ شریک ہوئے۔ پی ٹی سی ایل کے قائم مقام سی ای او نے کہا کہ فائیو جی پاکستان کیلئے گیم چینجر اور ڈیجٹل پاکستان کیلئے فائیو جی مددگار ہوگا۔ متحدہ عرب امارات کے سفیر حماد عبید ابراہیمی کہا پی ٹی سی ایل کا فائیو جی ٹیسٹ خوش آئند ہے ، یو اے ای پانچواں ملک ہے جس نے اپنا مشن مریخ پر بھیجا ہے۔ واضح رہے اگست 2019 میں پاکستان میں پہلی بار فائیوجی ٹیکنالوجی کا کامیاب تجربہ کیا گیا تھا، موبائل کمپنی زونگ نے فائیوجی ٹیکنالوجی کا اسپیڈ ٹیسٹ کامیابی سے مکمل کیا تھا۔
پی ایچ ڈی اسکالرز کے 2 سال تک بیرون ملک جانے پر پابندی عائد
اسلام آباد (ویب ڈیسک) ہائرایجوکیشن کمیشن نے پی ایچ ڈی اسکالرز کے 2 سال تک بیرون ملک جانے پر پابندی عائد کردی ہے اور نئی پی ایچ ڈی پالیسی2021ء سے ہی نافذ العمل ہوگی۔ ہائرایجوکیشن نے نئی پی ایچ ڈی پالیسی2021ء کا نفاذ کردیا ہے، جس کے تحت پی ایچ ڈی اسکالرز پر ملک سے باہر جانے پر پاپندی عائد کی گئی ہے اور ان پرپی ایچ ڈی ڈگری کرنے کے بعد دو سال تک پاکستان میں ہی رہنے کی شرط عائد کی گئی ہے۔ چیئرمین ایچ ای سی طارق بنوری کابدھ کو پریس کانفرنس سے خطاب کرتے ہوئے کہنا تھا کہ تعلیمی نظام اورصنعتی ضروریات کے مابین موجود تفاوت نے پاکستانی جامعات کے فارغ التحصیل طلباء میں ضروری صلاحیتوں کے فقدان سے متعلق خدشات کو درست طور پر جنم دیا ہے۔ انڈرگریجوایٹ تعلیمی پالیسی اِن خدشات کو دور کرنے کے لیے تشکیل دی گئی ہے۔ انہوں نے کہا کہ یہ پالیسی طلباء میں عملی اور عمومی تعلیمی صلاحیتوں کو پروان چڑھانے کے ساتھ ساتھ ضابطہ جاتی نصاب کے معیار کی بہتری پر توجہ مرکوزکرے گی۔ طلباء میں عملی صلاحیتوں کے فروغ کے لیے جامعات کو یہ بات یقینی بنانا ہو گی کہ اُن کے طلباء ڈگری حاصل کرنے سے پہلے نو ماہ کی انٹرن شپ کرنے کے علاوہ غیر نصابی تربیت کے عمل سے گزر رہے ہیں۔ چیئرمین ایچ ای سی نے کہا کہ جامعات کو اعلیٰ تعلیم یافتہ گریجوایٹس، جن کی تعلیمی سطح مجموعی طور پر معیار کے مطابق ہو، پیداکرنے کے لیے پُرعزم ہونا چاہیئے ۔ انہوں نے بتایا کہ ضابطہ جاتی تعلیم کے معیار میں بہتری کے لیے پیشہ ورانہ کونسلز کو مزید مستحکم بنایا جا رہاہے۔ انھوں نے کہا کہ ہمارا ارادہ یہ ہے کہ ہم اپنے فارغ التحصیل طلباء کے معیار میں اضافہ کے ساتھ ساتھ ملازمت دہندگان کا اپنی ڈگریوں پر اعتماد بھی بڑھاسکیں۔ انڈرگریجوایٹ ایجوکیشن پالیسی کی ساخت کے حوالے سے چیئرمین ایچ ای سی کا کہنا تھا کہ دو سالہ بی اے/بی ایس سی اور ایم اے/ایم ایس سی پروگرام بند کرکے چار سالہ بی ایس پروگرام اختیار کر لیا گیا ہے۔ کریڈٹ آورز پر مبنی ایسوسی ایٹ ڈگری پروگرام نے دو سالہ بی اے/بی ایس سی پروگرام کی جگہ لے لی ہے، تاہم وہ طلباء جو ایسوی ایٹ ڈگری کے بعد تعلیم جاری رکھنا چاہتے ہیں اُن کے پاس چار سالہ پروگرام کی طرف جانے کے راستے بھی موجود ہیں۔ پی ایچ ڈی پالیسی کی وضاحت کرتے ہوئے چیئرمین ایچ ای سی نے کہا کہ پی ایچ ڈی پالیسی کو بین الاقوامی معیار سے ہم آہنگ کرنے کے لیے بہتر بنادیا گیا ہے اور اس پالیسی کا اطلاق یکم جنوری 2021 سے ہوچکا ہے۔ بی ایس کے گریجوایٹس اب براہ راست پی ایچ ڈی میں کسی مختلف ضابطے میں داخلہ لے سکتے ہیں، تاہم جامعات ان طلباء کی تیاری اور عزم کو پرکھ کر داخلہ دے سکیں گی،تیاری سے مراد یہ ہے کہ آیا داخلہ کے خواہشمند طلباء کے پاس اتنا علم اور صلاحیت موجود ہے کہ وہ پی ایچ ڈی پروگرام میں کامیاب ہوسکیں گے۔ جامعات درخواست دہندگان کے عزم اور ارادے کو بھی پرکھیں گی۔ داخلے کے معیار پر پورا اترنے کے علاوہ پی ایچ ڈی کے طلباء کو اپنی تعلیم مکمل کرنے سے پہلے امتحانی عمل سے بھی گزرنا ہو گا۔ ُپی ایچ ڈی طلباء کے لیے تدریس و راہنمائی کے نظام کو بھی پرانے صوفی نظام العلم کے طرز پر از سرنو ترتیب دیا گیا ہے تاکہ طلباء اساتذہ سے بہتر طریقے سے مستفید ہوسکیں۔ انہوں نے کہا کہ جامعات بی ایس یا ایم ایس / ایم فل میں سے کسی بھی سطح کی تعلیم کو پی ایچ ڈی میں داخلے کے لیے کم از کم معیار کے طور پر اختیار کرسکتی ہیں۔ تاہم پی ایچ ڈی میں داخلے کے لیے کم از کم معیار بی ایس ہے۔ اگر طلباء بی ایس کے بعد براہ راست پی ایچ ڈی میں داخلے کے لیے آتے ہیں تو انہیں ایم ایس/ایم فل کے مقابلے میں زیادہ کریڈٹ آورز مکمل کرنا ہوں گے۔ پی ایچ ڈی اسکالرز کو 50 فیصد کورس یونیورسٹی کے اندر ہی مکمل کرنا ہو گا جو کہ دو سالہ رہائش پر محیط ہو گا. انہوں نے بتایا کہ دونوں پالیسیوں کی تشکیل سے قبل وسیع غورو خوض اور اسٹیک ہولڈرز جن میں وائس چانسلرز، پروفیسرز، اور ماہرین تعلیم شامل ہیں سے مشاورت کی گئی ہے۔
سکالرشپس کے خواہشمند طلبہ و طالبات کیلئے خوشخبری
اسلام آباد(زمینی حقائق ڈاٹ کام) وفاقی وزیر تعلیم وپیشہ وارانہ تربیت شفقت محمود نے پاکستانی طلبہ وطالبات کی مشکل آسان کردی ہے اور تمام ملکی وبین الاقوامی سکالرشپس کی تفصیلات کو وفاقی وزارت تعلیم کی ویب سائیٹ پر لنک کر وا دی ہے۔ وفاقی وزیر کی ہدایات پر طلبہ کی آسانی کو مدنظر رکھتے ہوئے یہ سہولت متعارف کرائی ہے۔ اگر ایک ہی پروگرام کے لئے مختلف ڈونر ایجینسیز کی سکالرشپس موجود ہیں تو اس سے طلبہ کے پاس چوائس ہوگی تا کہ زیادہ موزوں سکالر شپ کا انتخاب کرسکیں۔ بیرون ممالک میں تعلیم کے خواہشمند طلبہ وطالبات کو اب مختلف ویب سائیٹس پر جا کر سکالرشپس ڈھونڈنے کی ضرورت نہیں رہے گیاور تمام قابل اعتماد و مفید معلومات ایک ہی جگہ پر میسر ہونگی۔ وفاقی وزارت تعلیم وپیشہ وارانہ تربیت کی ویب سائٹ پر ایچ ای سی کی ملکی وغیر ملکی سکالرشپس کے علاوہ کی تفصیلات بھی دی گئی ہے جن میں مختلف ممالک کے ڈونرز کے نام بھی شامل ہیں۔ ان میں نیسٹ سکالرشپس، جائیکا سکالرشپس، کوآئیکا سکالرشپس، شیوننگ سکالرشپس، فل برائیٹ سکالرشپس، آسٹریلین ایڈ سکالرشپس، فرانس سکالرشپس، ہنگری سکالر شپس، یو ایس ایجوکیشنل فاؤنڈیشن سکالرشپس، جرمن اکیڈیمک ایکسچینج سروس، چائنہ سکالرشپس کونسل، ترکی سکالرشپس اور ورلڈ بینک، ایشین ڈیویلپمنٹ بینک اور اسلامک ڈیویلپمنٹ بینک کی سکالرشپس کے لنکس شامل ہیں۔
ایف جی سکول چکلالہ میں 20 سال بعد طلبہ و اساتذہ کی ری یونین تقریب
راولپنڈی(واجد مسعود)سکول، کالج، یونیورسٹی ہو یاپرانا دفتر ہو جب کئی دہائیوں بعد’ری یونین’ یعنی برسوں کے بچھڑے لوگ ملتے ہیں تو یہ لمحے ناقابل فراموش اور ماضی کی یادوں سے بھرے ہوتے ہیں. ایسی ہی ایک ری یونین کا اہتمام ایف جی پبلک سکول نمبر 3 بوائز چکلالہ (ایف جی ٹیکنیکل ہائی سکول چکلالہ راولپنڈی) میں اولڈ سٹوڈنٹس ایسوسی ایشن کے تحت اولڈ سٹوڈنٹس نے کیاتو سماں بندھ گیا. تقریب میں 1999ء میں ادارے سے فارغ التحصیل ہونے والے طلباء نے اپنے اساتذہ کرام کے ساتھ وقت گزارا. اس موقع پر طلباء اور اساتذہ کرام نے اپنے اپنے خیالات کا اظہار کیا اور ایک دوسرے کو ماضی اور حال روداد سنائی. سکول کے سابق اور موجودہ اساتذہ قاضی مسعود الحسن،فضل الرحمن،شیخ ثناء اللہ، محمد حسین نظامی، محمداصغر اعجاز، محمدالیاس،محمد ایاز، سید عازم حیدر زیدی، گلزار احمد، قیوم ساجد،فیض احمد فیض اور سید صابر حسین نقوی بھی شریک ہوئے. اس موقع پراساتذہ نے خطاب کرتے ہوئے کہا کہ دنیا میں وہی قوم کامیاب ہوتی ہے جو اساتذہ کی قدر کرنا جانتے ہیں۔طلباء اپنی تمام ترتوجہ حصول علم پر مرکوز کریں تو کامیابی آپ کے قدم چومے گی۔ انہوں نے کہا کہ طلباء قوم کی مستقبل ہے اور قوم کو ان سے بڑی توقعات وابستہ ہیں ۔ایک طالب علم کا مقصد صرف تعلیم ہونا چاہئے ۔ اساتذہ نے کہا کہ اس مادرعلمی کویہ اعزاز حاصل ہے کہ اس میں پڑھنے والے بیشتر طلباء نے ملکی و بین الاقوامی سطح پر ادارے کا نام روشن کیا اور ایک پہچان بن گئی ہے۔ تقریب سے خطاب کرتے ہوئے طلباء نے کہاکہ ایف جی ٹیکنیکل ہائی سکول چکلالہ کے اساتذہ کا خلوص اور محبت کبھی فراموش نہیں کرسکتے۔ اساتذہ نے جس خلوص اور دلچسپی سے رہنمائی کی وہ سنہرے حروف میں لکھا جائے گا۔ طلباء نے کہا کہ ایف جی ٹیکنیکل ہائی سکول چکلالہ صرف ایک مادر علمی ہی نہیں یہ ہمارا گھر تھا یہاں کے اساتذہ نے جس خلوص اور محبت کیساتھ ہمارے لئے محنت کی۔ ہمیں پڑھایا،لکھنا سکھایا اور ہماری بہتر رہنمائی کی وہ ہمیشہ یاد رکھا جائے گا۔ ان کا کہنا تھاکہ ہم خوش قسمت تھے جنہیں اتنے اچھے اساتذہ میسر ہوئے۔انہوں نے ساتھی جونیئر طلباء کو ہدایت کی وہ زندگی میں کامیابی کے لئے اساتذہ کی اہمیت پہچانیں اور ان کی عزت کرنا سیکھیں۔ طلباء اپنی تمام ترتوجہ حصول علم پر مرکوز کریں تو کامیابی آپ کے قدم چومے گی۔طلباء قوم کی مستقبل ہیں اور قوم کو ان سے بڑی توقعات وابستہ ہیں ۔انشاء اللہ کل کو آپ اس ملک کے لیڈر ،ڈاکٹر،انجینئرز اور اعلیٰ آفیسر بنیں گے اور ملک کی باگ ڈور آپ کے ہاتھوں میں ہوگی.

خواتین

یوم خواتین کو ‘میرا جسم میری مرضی’ نہ سمجھا جائے

نجمہ جیلانی (متحدہ عرب امارات) خواتین کے حقوق کا عالمی دن 08 مارچ کےدن امریکہ میں خواتین کے ساته ہونے والی زیادتی کے احتجاج میں منایا جاتا هے .جو رفتہ رفتہ ساری دنیا میں ایک روایت کے طور پہ منایا جانے لگا.عالمی یوم خواتین بین الاقوامی سطح پہ 8 مارچ کو منایا جاتا هے.اس دن کو منانے کا مقصد معاشرے میں خواتین کی اہمیت سے آگاہ کرنا ہےاور لوگوں میں خواتین پہ ہونے والے ظلم وتشدد کی روک تهام هے. یوم خواتین کے پس منظر کو دیکهاجائےتو هم کو معلوم هوتا هے کہ آخر یہ دن خاص عورتوں کے لئے ہی کیوں منایا جاتا هے.چونکہ اس دن امریکا جیسے لبرل ملک میں خواتین نے اپنی ماہانہ اجرتوں کے مسائل پہ عوامی احتجاج کیا تها.لیکن ان کے اس احتجاج کو گهڑ سورا دستوں کے ٹاپوں سے کچل دیا گیا.اور کئی خواتین گهوڑوں کے ٹاپوں تلے روند دی گئیں. اس کے بعد 1908میں امریکا کی سوشلسٹ پارٹی نے خواتین کے مسائل حل کرنے کے لئے.”وومین نیشنل کمیشن” بنایا.اور اس طرح بڑی جدوجہد کے بعد فروری کی آخری تاریخ کو “خواتین کا عالم دن”منایا جانے لگا.”عالمی یوم خواتین” سب سے پہلے 28 فروری 1909میں امریکا میں منایا گیا.پہلی عالمی خواتین کانفرنس 1910 میں کوپن هیگن میں منعقد کی گئی. .08 مارچ 1913کو یورپ بهر میں خواتین کی ریلیاں نکالی گئیں.اور خواتین کے لئے پروگرام کئے گئے. اور اب برسوں سے 08 مارچ کو یوم خواتین عالمی سطح پہ منایا جاتا هے.چین،روس،نیپال،کیوبا اور بہت سے ممالک میں اس دن خواتین ورکرز کی عام تعطیل هوتی هے. اسی طرح سے برصغیر میں بهی یہ دن بہت جوش وخروش س منایا جاتا هے. لیکن یہاں ایک سوال اٹهتا هے.هم جو دنیا بهر میں کئی طرح کے خاص دن مناتے هیں .کیا اس دن کو منا لینے سے وہ حقوق پورے هو جاتے هیں؟آج بهی هم احتجاج کرتے هیں.اپنے حقوق کے لئے.چونکہ اس وقت میں خواتین کے حقوق کے حوالے سے بات کررہی هوں.تو بات عورت کی ہی کروں گی. عورت ایک ایسی شہ هےجس کی حیثیت کے تعین میں ہر دور میں مردوں نے اپنی ذهنی سوچ کو اعلیٰ وارفع دکهانے کی خاطر عورت کو کوئی نہ کوئی روپ دینے کی کوشش کی هے.کبهی اس کو دیوی کا نام دیا اور کبهی اس عورت کے عروج اور باعزت مقام کو برداشت نہ کر کہ اس کو پستی کی انتہا تک پہنچا دیا گیا. کبهی مذهب اور روایتوں کے نام پہ برہنہ کر دیا تو کبهی اپنی ذاتی انا کی تسکین کی خاطر عورت کورسوا کردیا.افسوس کہ همارے مردوں نے عورت کو همیشہ تنقیدی نظر سے هی دیکها.اور وہ مناسب مقام جو عورت کو اس کے خالق نے عطا کیا.وہ مقام نہ دےکر مرد نے خود معاشرے کا بگاڑ پیدا کیا.مغربی معاشرہ اس کی جیتی جاگتی مثال هے.جہاں کا خاندانی نظام بالکل درهم برهم هے. معاشرے کی اس ابتری سے پریشان لوگ ان مسائل کے حل کے لئےطرح طرح کے اصول و ضوابط بنا رهے هیں.آج کی عورت خود بهی ایک پرسکون باعزت ماحول و اطوار کی متلاشی هے.جبکہ مرد نےعورت کو ماں،بیٹی،بہن اور بیوی کے روپ میں تو تسلیم کر لیا.لیکن اس کے باوجود عورت کو معاشرے میں آزادانہ ماحول میسر نہ کر سکا. عورت همیشہ سے اتنی باشعور اور همت والی رهی هےکہ وقت پڑنے پہ یہ ہی عورت مرد کے شانہ بشانہ کهڑی هو کہ اپنے خاندان کی بخوبی کفالت بهی کر لیتی هے جس کہ بیشمار مثالیں موجود هیں.اور وہ تمام ذمہ داریاں اٹهاتی هے جو ایک مرد انجام دیتا هے.بس فرق مرد عورت کی جنسی تخلیق کا هے.جس کا امتیاز اس کے تخلیق کار نے رکها هے. آج ضرورت اس بات کی هے کہ هماری خواتین اپنے حقوق کو منانے کے لئے باهر تو نکل آئیں .لیکن کیا وہ حقوق ان کو مل گئے .کیوں کہ همارے مشرقی معاشرے میں اور اسلام کی رو سے یہ سب قطعی نامناسب سمجها جاتا هے.لہزا ضرورت اس بات کی هے کہ هماری مائیں،بہنیں،بیٹیاں یوم خواتین کے بجائے اپنے مقام اور مرتبے کو پہچانیں.اور اس نظام کو اپنے اوپر نافذکریں.جس سے معاشرے میں باعزت مقام حاصل هو. اس دنیا میں نبی کریم آقا دو جہاں حضرت محمد صل للہ علیہ وآلہ وسلم جو دین لے کر آئے.اس نے عورت کو ایک ایسے بلند مقام پر پہنچا دیا جس کا اس تاریک دور میں تصور بهی نہیں کیا جاسکتا تها.اسلام میں عورت کی پیدائش پہ جنت کی خوشخبری دی گئی عورت کو انسان کی تخلیق کا ذریعہ بنایا.عورت کےلئے وراثت میں حق مقرر کیا.نکاح میں حق مہر مقرر کیا. قرآن پاک میں جگہ جگہ عورت کے ساته اچهے سلوک کرنے کا حکم دیا گیا.ماں کے درجے کو اس قدر بلند کردیا کہ اس کے قدموں تلے جنت کی بشارت کر دی.سبحان اللہمیری آج کی خواتین سے درخواست هے.کہ اگر آپ کو عورت کے حقوق منوانا هے تو حضرت عائشہ رضی اللہ کی تقلید کرو.کنیز فاطمہ رض اللہ کا صبر لائو.مادر ملت بنو فاطمہ جناح اور رانا لیاقت علی کی طرح .مدر ٹریسا کی جیسی محبت اور نرم دلی پیدا کرو. بیشمار خواتین دنیا میں ایسی هیں جنہوں نے عوام کی خدمت کی آزادی اور عزت سے .پاکستان میں آج بهی جمہوریت کی ماں محترمہ نصرت بهٹو کو کہا جاتا هے.شہید بینظیر بهٹو جنہوں نے خواتین کے حقوق کےحصول کے لیے جدوجهد کی.محترمہ کلثوم نواز نے تحریک آزادی چلائی اور کامیاب رہیں. آج میری بہنوں سے گزارش هے.کہ عورت کےحقوق کا عالمی دن میرا جسم میری مرضی نہیں هے.بلکہ کشمیر کی وہ خواتین کے حقوق هیں. جن کے لئے وہ بہتر سال سے جدوجهد کر رهی هیں.یہ دن عورت کے ان جائزحقوق اور تقدس کے حصول کا هے. جس کا اللہ پاک نے بهی حق دیا هے.لہزا آج هم محترمہ ماروی سرمد کے نعرے میرا جسم میری مرضیکی نفی کرتے هوئے .آج کے ٹوٹے پهوٹے اصولوں میں گهری فیشن ایبل عورت کو بتائیں کہ هماری جدوجهد عورت کی عزت کی پاسداری هے. اپنی ملت پر قیاس اقوام مغرب سے نہ کر خاص هے ترکیب میں قوم رسول ہاشمی
خواتین کا عالمی دن

رابعہ عبداللہ خواتین کا عالمی دن منانے کا مقصد عالمی سطح پر خواتین کے مسائل کو اجاگر کرنا اور ان کے حقوق کا تحفظ کرنا ہے۔ اگرچہ پہلے خواتین کے عالمی دن کے لئے مختلف ایام تھے مگر اب باقاعدہ طور پر آٹھ مارچ کو ہی منایا جاتا ہے۔ اب یورپ سمیت دنیا بھر عورتوں کو حقوق دینے کے دعویدار ہیں مگر اسلامی تاریخی کا مطالعہ کیا جائے تو ان کے حقوق کا تحفظ تقریبا ساڑھے چودہ سو سال پہلے کیا۔ اسلام نے عورت کو وہ چاہے جس روپ میں اس روپ میں مقام و مرتبہ عطا فرمایا ِ ماں ہے تو جنت اس کے قدموں کے نیچے ہونے کی بشارت دی۔ بیٹی ہے تو اس کا اپنا مقام اور بیوی ہے تو الگ مقام رکھا۔ جس دور میں عورت کو نفرت کی علامت سمجھا جاتا تھا اور بیٹی کی پیدائش پر افسوس کا اظہار کیا جاتا تھا بلکہ بیٹوں کو زندہ درگور کیا جاتا تھا۔ ایسے دور میں اسلام کی آفاقی تعلیمات عورت کے عزت ومقام کا پرچار کرتے ہوئے دکھائی دیتی ہیں بلکہ اس کے ساتھ عورت کے حقوق کاتحظ بھی کرتی نظر آتی ہیں۔اس دور میں جب عورت کو حقارت کی نظر میں دیکھا جاتا تھا آپﷺنے بیٹوں کی پرورش اور تربیت اور ان کی شادی کی ذمہ داری نبھانے پر بھی آخرت میں انعام و اکرام کی خوشخبری دی۔ فرمایا ”جس شخص نے تین لڑکیوں کی پرورش کی پھر ان کو ادب سکھایا اور ان کی شادی کی اور ان کے ساتھ اچھا سلوک کیا تو اس کے لیے جنت ہے“ (ابوداؤد) ا قرآن وحدیث میں کثیر تعداد میں ایسے احکامات موجود ہیں جس سے اسلام میں عورت کے مقام، اہمیت اور اس کے حقوق کا تعین ہوتا ہے۔جبکہ مغربی دنیا میں جو کچھ عورت کو ملا ہے بظاہر وہ حیرت انگیز ہے. فمینزم کی تحریک کی دین بہت کچھ ہے۔ جو اصلی سوال یہاں پر پیش کیا گیا ہے، وہ یہ ہے کہ اس وقت جہاں پر مغربی عورت کھڑی ہے، کیا اس انفرادی اور اجتماعی آزادی کے بعد اس کی شان اور انسانی تکریم کو تحفظ ملا ہے؟ بہ الفاظ دیگر کیا آج کی مغربی عورت کو سکون ملا ہے یا یہ کہ اضطراب اور بے آرامی کی حالت میں ہے؟ اس کے جواب میں کہنا چاہئیے کہ: مغربی دنیا میں ایک تحریک کے بعد عورتوں کی آزادی کا نتیجہ: حق رائے، بلاوجہ طلاق حاصل کرنا ، مالی آزادی، جنسی آزادی، سیاسی، اجتماعی اور اقتصادی امور میں وسیع پیمانے پر شرکت، ازدواج کی عمر کا بڑھنا، مجرد زندگی بسر کرنے میں افزائش، خاندان کی نابودی، طلاق میں افزائش، زن و مرد میں لڑائی جھگڑے کا پیدا ہونا، نسوانیت کا تباہی سے دوچار ہونا، عورتوں میں شناخت کا بحران، ، ہم جنس پرستی کا رواج وغیرہ ہے۔ جس چیز کی اہمیت ہے، وہ عورت کے معاشرہ میں سرگرمیوں کے اثرات ہیں۔ جو عورتوں کی خصوصی صلاحیتوں ، خاص کر جسمانی اور روحانی قابلیتوں اور عورتوں کی انسانی تکریم کے پیش نظر ہو سکتے ہیں،لیکن فمینزم کے مختلف گروہوں نے عورتوں کے اس اثر کو عورت کے جسمانی ظہور تک محدود کر کے رکھ دیا ہے. اس اعتبار سے، عورت ، مغربی تمدن کے لحاظ سے انفرادی آزادی حاصل کرنے کے باوجود صرف ظاہری جہت سے قابل توجہ قرار پائی ہے، یہ وہ نظریہ ہے جس نے آج کی مغربی عورت کو بے چارہ اور بے بس کر کے رکھ دیا ہے۔(رائٹر رابعہ عبداللہ ہولی ہیلپ آرگنائزیشن کی ایڈمینسٹیٹز اور ہولی ہیلپ سکول راولپنڈی کی پرنسپل ہیں)
ڈس ایبیلیٹی تسلیم کرلی، پی ایچ ڈی کرنا چاہتی ہوں، فرزانہ کوثر ٹوانہ

ثاقب لقمان قریشی نام: فرزانہ کوثر ٹوانہرہائش: اسلام آباد (گاؤں: خوشاب مٹھہ ٹوانہ)تعلیم: ا۔ ایم ایس سی میتھس ب۔ ایم ایس سی کمپیوٹر سائنسزشعبہ: ریسرچ آفیسر (بیسک ایجوکیشن کمیونٹی اسکولز) ‎خاندانی پس منظر والدین کا تعلق مٹھہ ٹوانہ کے ایک سادہ زمیندار خاندان سے ہے۔ والد صاحب مختلف کاروبار سے وابستہ رہے۔خاندان پانچ بہنوں پر مشتمل ہے۔ والدین کو تعلیم سے اتنا لگاؤ تھا کہ بچیاں جب سکول جانے کی عمر کو پہنچیں تو گاؤں کو خیر آباد کہہ کر اسلام آباد منتقل ہوگئے۔’زمینی حقائق ڈاٹ کام’ کو خصوصی انٹرویو کا احوال کچھ یوں ہے. ‎سوال: بہنوں کی تعلیم کیا ہے؟ کیا سب شادی شدہ ہیں؟ گھر کا ماحول ابتداء سے ہی علم کا گہوارہ رہا۔ بڑی بہن پی ایچ ڈی ہیں۔ باقی چار بہنیں ماسٹرز ہیں۔ ایک بہن کے علاوہ سب نوکری کر رہی ہیں۔ تین بہنیں شادی شدہ ہیں اور خوشحال زندگی بسرکر رہی ہیں۔ ‎سوال: آپکی معذوری کی وجوہات کیا ہیں؟ پیدائش کے بعد سے ہی صحت کے مسائل کا سامنا رہا۔ بچپن میں ٹائیفائڈ ہوا اس کے بعد مستقل ہڈیوں میں درد رہنے لگا جس نے والدین کو پریشانی میں مبتلا کر دیا۔ جب ننھی فرزانہ نے نارمل بچوں کی طرح چلنا شروع نہ کیا تو والدین نے مختلف ڈاکٹرز سے رابطہ کیا۔اسلام آباد کے پمز ہسپتال سے لمبے عرصے تک ایکسرسائزز اور تھراپیز کا سلسلہ چلتا رہا۔ آ کیوپنکچر ایک چائینیز طریقہ علاج ہے۔ اس علاج کو اس زمانے میں بہت شہرت حاصل تھی۔ چائینز ڈاکٹرز سے بھی رائے لی۔ آکیوپنکچر بھی لمبے عرصے تک کرایا لیکن خاص افاقہ نہ ہوا۔”آسٹیوپراسز سکیلٹل ایمپرفیکٹ” کا مرض لاحق ہے۔یہ ہڈیوں کا مرض ہے۔ جس میں ہڈیوں کے بھرنے اور ٹوٹنے کا عمل عمر کے ایک حصے تک جاری رہتا ہے اس کے بعد یہ عمل رک جاتا ہے۔ سال میں دو چار بار فریکچر کا ہونا معمول سمجھا جاتا ہے ۔ ننھی فرزانہکو بچپن میں متعدد بار فریکچرز کا سامنا رہا. ‎سوال: بچپن کو کیسا قرار دیتی ہیں؟ معذوری کی وجہ سے بچپن میں کن مسائل کا سامنا کرنا پڑا؟ فرزانہ نے بچپن سے ہی اپنی معذوری کو دل سے قبول کر لیا تھا اس لیئے انھیں زندگی میں ذیادہ مشکلات کا سامنا نہیں کرنا پڑا۔بچپن کو بھر پور قرار دیتی ہیں۔ والدین اور بہنوں کی توجہ کا مرکز رہیں۔ بیٹھ کر کھیلنے والے کھیل اور شرارتوں سے خوب لطف اندوز ہوتی تھیں۔ہر کام خوب دل لگا کرتی تھیں اور جو نہیں کرسکتی تھیں دوسروں کو کرتا دیکھ کر خوش ہو لیتی تھیں۔ سوال: ابتدائی تعلیم کے حصول میں کن مشکلات کا سامنا رہا؟ فرزانہ کی معذوری کو دیکھتے ہوئے کوئی سکول داخلہ دینے پر راضی نہیں تھا۔ خصوصی تعلیمی ادارے کا آپشن بھی موجود تھا۔ لیکن والدہ کی خواہش تھی کہ فرزانہ عام سکول سے تعلیم حاصل کریں۔ عام بچوں سے مقابلہ کرنا سیکھیں۔والدہ کی کوششوں سے ایک سرکاری سکول نے فرزانہ کو پڑھانے کی حامی بھر لی۔ میٹرک اچھے نمبروں سے اسی سکول سے کیا۔ سکول لانے لے جانے کی ذمہ داری والدہ نے اٹھا رکھی تھی۔ سوال: کیسی طالبہ تھیں؟ کیا غیر نصابی سرگرمیوں میں بھی حصہ لیا کرتی تھیں؟ والدہ کو بہت شوق تھا کہ فرزانہ تعلیم کیساتھ ساتھ غیر نصابی سرگرمیوں میں بھی حصہ لیں۔ اسی لیئے فرزانہ گانے، کوئز اور تقاریر میں نہ صرف بھر پور حصہ لیتی تھیں بلکہ ہمیشہ پہلی تین پوزیشنوں میں سے کوئی پوزیشن لیا کرتی تھیں۔مقابلوں میں والدہ صاحبہ فرزانہ کے ہمراہ ہوا کرتی تھیں۔ اچھی کارکردگی پر بھر پور حوصلہ افزائی کرتیں اور غلطیوں پر محبت کے ساتھ سمجھانے کی کوشش کیا کرتیں تھیں۔والد صاحب کو یقین ہوا کرتا تھا کہ فرزانہ کا رزلٹ بہترین آئے گا اس لیئے رزلٹ کی سالانہ تقریب میں بڑی شان سے جایا کرتے تھے۔ سوال: کالج کی تعلیم پرائیویٹ حاصل کرنے کو کیوں ترجیح دی؟ میٹرک کے بعد کالج میں داخلے کیلئے مختلف کالجز کے دورے کیئے گئے۔ کالج آنا جانا، رسائی اور بھاگ دوڑ کو دیکھتے ہوئے پرائیویٹ تعلیم کو ترجیح دی۔میتھس اور سٹیٹس پسندیدہ مضامین رہے ہیں۔ انہی مضامین میں ایف ایس سی اور بی ایس سی کی ۔ میتھس میں گہری دلچسپی کی وجہ سے میتھس میں ایم ایس سی کی۔ تعلیمی سفر میں فیملی کی بھر پورسپورٹ فرزانہ کے ساتھ رہی۔ والدین سے صرف اتنا کہنا پڑتا تھا کہ فلاں مضمون کی ٹیوشن کی ضرورت ہے۔ فوری طور پر ہوم ٹیوٹر کا بندوبست ہو جاتا۔ اسطرح تعلیمی سفر پوری آب و تاب کے ساتھ چلتا رہا اور اس میں کبھی خلل نہ آیا۔ سوال: کمپیوٹر سائنسز میں ماسٹرز کہاں سے کیا؟ پی ایچ ڈی کرنے کی خوائش رکھتی ہیں، رسائی کو تعلیم کے راستے کی سب سے بڑی رکاوٹ قرار دیتی ہیں۔ ایم ایس سی میتھس کے بعد بھی حصول علم کا شوق ختم نہ ہوا تو ورچوئل یونیورسٹی سے کمپیوٹر سائنسز میں داخلہ لے لیا۔ ورچوئل یونیورسٹی کا بیشتر تعلیمی نظام آن لائن تھا۔ لیکن امتحانات کیلئے کمرہ امتحان جانا پڑتا تھا۔ اکثر کمرہ امتحان دوسری، تیسری یا چوتھی منزل پر ہوا کرتا تھا جس کی وجہ سے شدید پریشانی کا سامنا رہتا تھا ۔ والدہ صاحبہ کا ساتھ اور حوصلہ افزائی نے کبھی ہمت میں کمی نہیں آنے دی۔ سوال: فری لانسنگ کیوں شروع کی؟ پہلے پراجیکٹ میں کتنے روپے کمائے؟ فری لانسنگ میں آپ اپنے ہنر کو آن لائن فروخت کرتے ہیں۔ لانسر زمانہ قدیم کی جنگوں میں استعمال کیئے جانے والے تجربہ کار فوجیوں کو کہا جاتا تھا جنھیں جنگ کے اہم موقعوں پر استعمال کیا جاتا تھا جو کمال کے تیر انداز، نیزا باز یا انتہائی تربیت یافتہ گوریلے ہوا کرتے تھے۔ فری لانسر ایسے تجربہ کار افراد کو کہا جاتا ہے۔ جو گھر بیٹھے اپنے ہنر کو آن لائن فروخت کرتا ہے۔ یہ کسی کمپنی کا باقاعدہ ملازم نہیں ہوتا بلکہ کسی مخصوص پراجیکٹ کی تکمیل کیلئے خدمات سر انجام دیتا ہے۔ فری لانسر وقت اور پابندی کی قید سے آزاد ہوتا ہے۔ یہ اپنی مرضی کے مطابق کام کرتا ہے۔فرزانہ نے فوٹو شاپ سے اپنے فری لانسنگ کے کیرئیر کا آغاز کیا لیکن اس سے پیسہ نہیں کمایا۔ باقاعدہ فری لانسنگ کا آغاز آن لائن میتھس اور سٹیٹس پڑھانے سے کیا۔ فری لانسنگ سے پہلی آمدنی پچاس …
ماہواری! عورتوں کا ٹیسٹ میچ

سعدیہ مظہر عثمان میں شاید 14 سال کی تھی جب پہلی بار مجھ سے سوال ہوا، سب ٹھیک ہے ناں؟ اس سوال کے جواب میں مزید سوالات نے جنم لیا میرے ذہن میں۔ یعنی کیا خراب ہو سکتا ہے؟ حیا،، مروت اور مزید جو چاہے کہیے، ان سب نے بہت فاصلے بنا رکھے تھے ماں بیٹی کے درمیان۔ مجھے میری ماں بتا ہی نہیں پائی کہ یہ ماہواری کیا بلا ہوتی ہے؟ لیکن جب اسے شک ہوا تو سوال ضرور پوچھا کہ سب ٹھیک ہے ناں؟ میرے ٹیسٹ میچ کا آغاز تو یوں ہی ہوا مگر سامان بہت عجیب ملا یعنی کپڑا جسے ہر بار دھونے کے بعد پھر قابل استعمال بنانا پڑتا تھا اور سکھانے کے لیے بھی ایسی جگہ کا انتخاب کرنا پڑتا تھا جہاں کسی کی نظر نہ پڑے۔ ایسا لگتا تھا کوئی کبیرہ گناہ ہر ماہ پانچ دن کے لیے سر پر تھوپ دیا جاتا ہے. مجھے ہمیشہ یہ سوچ کر ابکائی آئی کہ میں اس خون سے بھرے کپڑے کو جس میں سے بو بھی آتی ہو، کیسے دھو سکتی ہوں؟ دوسرا بڑا سوال یہ تھا کہ کیا یہ دوبارہ استعمال کیا جائے تو کیا یہ جراثیم سے پاک ہو گا؟ امی سے تو یہ سوال ہو نہیں سکتے تھے اور انٹرنیٹ تب اتنا عام استعمال میں تھا نہیں، پھر پیڈ کا زمانہ آیا اور اس مصیبت سے نجات ممکن ہوئی مگر! پاکستان کی آبادی کا نصف خواتین ہیں اور ان میں اکثریت دیہات یا ایسے علاقوں میں ہیں جہاں لوگ غربت کی لکیر سے نیچے زندگی گزار رہے ہیں۔ یو این اور کچھ پاکستانی آرگنائزیشنز نے بلوچستان کے کچھ علاقوں میں اس حوالے سے کچھ ورکشاپس وغیرہ کروائی ہیں مگر پنجاب اور سندھ ابھی تک منتظر ہیں، جہاں ماہواری شروع ہوتے ہی لڑکی کا امتحان شروع ہوتا ہے۔ یہ درد بھی حمل کے درد کی سی شدت رکھتا ہے اور گندا کپڑا استعمال کرنے سے بہت سی جسمانی بیماریوں کے ساتھ ساتھ بانجھ پن کا خطرہ بھی رہتا ہے۔ جن کے پاس دو وقت کھانے کو روٹی نہیں، وہ دو تین سو کے پیڈ کا پیکٹ کیسے خرید سکتا ہے؟ یہ پہلا مسئلہ ہے مگر اس سے بہت بڑا مسئلہ اس پر بات نہ کرنا ہے۔ آپ نے کبھی ڈائپرز خریدے ہیں؟ جی بچوں کے ڈائپرز۔ کیا آپ مارکیٹ سے انہیں بھی چھپا کر خاکی لفافے میں ڈال کر لاتے ہیں؟ نہیں ناں! تو پھر یہ سینٹری پیڈ ہی کیوں اتنے حجابوں میں خریدے جاتے ہیں؟سوچیے ذرا۔ جیسے بیاہ کے روز سب دولہا دلہن کو دیکھ کر چہک رہے ہوتے ہیں لیکن دماغ میں سب ان کے سہاگ رات میں ہونے والے سیکس کو تصور کر رہے ہوتے ہیں. ایسے ہی ہر سٹور، دکان اور مارکیٹ میں پیڈ تو پڑے ہوں گے مگر کوئی خاتون مردوں کے سامنے خریدے گی نہیں۔ تعجب تو اس بات کا ہے کہ کچھ مرد حضرات سینٹری پیڈ لینے رات کو نکلتے ہیں تاکہ کوئی انہیں دیکھ نہ لے۔ روایات، رواج، ادب و احترام سر آنکھوں پر مگر عورت کو اس کی زندگی کے بنیادی مسائل اور ضروریات پر بات کرنے کی آزادی تو دیجیے جناب! تعلیم، رہائش اور بنیادی حقوق کے ساتھ ساتھ بچیوں کو ماہواری سے آگاہ کرنا، جسم میں اس کے بعد آنے والی تبدیلیوں سے آگاہ کرنا اور گندے کپڑوں کے استعمال سے پرہیز کروانا اشد ضروری ہے۔ بزرگوں کا کہا اپنی جگہ مگر یہ غلط ہے کہ آپ کی ماہواری شروع ہوئی تو اب آپ نہا نہیں سکتیں جبکہ ان ایام میں نہانا اور جسم کی صفائی کا خیال رکھنا بہت اہم ہے. اس پر بات کرنا بے حیائی نہیں بلکہ لڑکی کا بنیادی حق ہے۔ پیڈ خریدنے میں شرم اور جھجک بلاوجہ کے بوجھ کے علاوہ اور کچھ نہیں۔ دوستی کیجیے اپنی بیٹیوں سے، انہیں ان کے ٹیسٹ میچ کے لیے خود مکمل تیار کیجیے، اپنے گھر میں آنے والی کام والیوں کو بھی اس سلسلے میں صحت اور صفائی کی ضروریات سے آگاہ کیجیے۔ یہ ہماری جسمانی ضروریات میں شامل ہے۔ اس لیے شرمندگی کے احساس کی بجائے سر اٹھا کر جئیں.(بشکریہ ہم سب)
خصوصی خواتین کامیابی چاہتی ہیں تو مایوس نہ ہوں، سائرہ قادر

ثاقب لقمان قریشی نام: سائرہ قادرتعلیم: ایم-اے (آئی آر)رہائش: راولمپنڈیعہدے: جنرل سیکرٹری سائرہ ویلفیئر ٹرسٹ ب۔ جنرل سیکرٹری چھاؤں ویلفیئراعزازات:1۔ انسانی حقوق کیلئے گراں قدر خدمات پر صدر پاکستان کی طرف سے سلور میڈل 2۔ آئی-آر-ایس-اے (انٹرنیشنل رلیشن اسٹوڈنس ایسوسی ایشن) کی صدر رہی ہیں، ارسا کی جانب سے انسانی حقوق کی سرگرمیوں پر یونیورسٹی کی طرف سے متعدد بار شیلڈز اور سرٹیفکیٹس 3۔ موبیلیٹی انٹرنیشنل کی طرف سے امریکہ میں لیڈرشب ٹریننگ کا کورس۔ 4۔ ریڈکراس کی جانب سے ڈس ایبلیٹی موومنٹ کی کارکن کی شیلڈ موصول کرچکی ہیں۔ خاندانی پس منظر: والد صاحب قومی سلامتی کے ادارے سے ریٹائرڈ ہیں۔ خاندان دو بھائی اور دو بہنوں پر مشتمل ہے۔ بڑے بھائی میڈیکل سپیشلسٹ ہیں۔ بہن سائیکالوجسٹ ہیں جبکہ چھوٹے بھائی ٹیلی کام انجینئر ہیں۔ بڑے بھائی اور بہن شادی شدہ ہیں۔سائرہ قادر کا ‘زمینی حقائق ڈاٹ کام’ کیلئے کیا گیا انٹرویو. سوال: معذوری کا شکار کیسے ہوئیں؟ گیارہ ماہ کی عمر میں پولیو کا شکار ہوئیں۔ والد صاحب نے علاج کی ہر ممکن کوشش کی لیکن افاقہ نہ ہوا۔ افسوس اس بات کا ہے کہ ڈاکٹر بیماری کے مزید پھیلاؤ کو روک نہ سکے۔ والد صاحب نے اثرات کو روکنے کیلئے کتابوں کا سہارہ لیا۔ بہت تحقیق کی۔ لیکن مرض اس وقت تک سپائن کو کافی نقصان پہنچا چکا تھا۔ سوال: حصول علم میں کن کن مشکلات کا سامنا کرنا پڑا؟ سائرہ نے اپنا تعلیمی سفر نارمل سکولوں، کالجوں اور یونیورسٹی سے پائیہ تکمیل تک پہنچایا۔ مشکلات تو رہیں لیکن والدین، اساتدہ اور دوستوں کی مدد سے تمام مشکلات عبور کرتی چلی گئیں۔بڑی جماعتوں میں پریکٹیکلز کے سلسلے میں کچھ دشواری کا سامنا کرنا پڑا لیکن وہ بھی اساتدہ کرام کی مدد سے حل کرنے میں کامیاب رہیں۔گریجویشن کے دوران اپنی الیکٹرک ویل چیئر پر کالج جایا کرتی تھیں۔ سوال: پہلی منزل پر واقع بین الاقوامی تعلقات کا ڈیپارٹمنٹ کتنا بڑا چیلنج ثابت ہوا؟ ایم-اے کے دوران ایک مسئلہ پیش آیا کہ بین الاقوامی تعلقات کا ڈیپارٹمنٹ پہلی منزل پر تھا۔ شروع کے دنوں میں والد صاحب اوپر لے کر جایا کرتے تھے۔ لیکن پھر دوستوں اور انتظامیہ کی مدد سے یہ مشکل بھی آسان ہوگئی۔ سوال: آپ کو سکول کے مقابلوں میں حصہ لینے سے کیوں روک دیا جاتا تھا؟ سائرہ کے بڑے بہن بھائی سکول میں ہونے والے مقابلوں میں حصہ لیا کرتے تھے۔ بڑوں کو دیکھتے ہوئے انھیں بھی مقابلوں میں حصہ لینے کا شوق ہوا۔ ٹیچر سے بات کرنے پر انھیں صاف انکار کر دیا گیا۔ جس پر انھوں نے اپنے والد صاحب سے شکایت کی۔ والد صاحب بے پرنسپل صاحبہ سے بات کی جس پر سائرہ کو مویسقی کے مقابلے میں حصہ لینے کا موقع فراہم کیا گیا۔ اس مقابلے میں انھوں نے پہلی پوزیشن حاصل کی۔ سوال: سوشل ورک کا رجحان کیسے پیدا ہوا؟سوشل ورک سائرہ کو ورثے میں ملا ہے۔ والدین لوگوں کی ہرممکن مدد کیا کرتے تھے۔ ہوش سنبھالا تو بڑے بھائیوں اور بہن کو بھی یہی کرتے پایا۔ سوال: ادارہ بحالی معذوران سے کیسے منسلک ہوئیں اور یہ ادارہ کیا کام کرتا تھا؟ تعلیم مکمل کرتے ہی سائرہ ادارہ بحالی معذوران سے منسلک ہوگئیں۔ یہ ادارہ ان کے والدین اور انکی فزیوتھراپسٹ فرحت رحمان (مرحومہ) نے اپنے شوہر صبغت الرحمن صاحب کے ساتھ مل کر قائم کیا۔ ادارہ ملک میں خصوصی افراد کے ساتھ ہونے والی ناانصافیوں کو دیکھتے ہوئے قائم کیا گیا۔ یہاں خصوصی افراد کو وکیشنل ٹریننگ، انکلوسو ایجوکیشن سے لے کر علاج کی مفت سہولیات، مصنوعی ٹانگیں، ویل چیئر، سفید چھڑیاں اور دیگر آلات فراہم کیئے جاتے تھے۔ ادارے نے ملک بھر میں 90 ادارے قائم کیئے۔ اسکے علاوہ ملک بھر میں سیمینارز اور ورک شاپس منقعد کروا کر آگہی کو عام کرنے میں اہم کردار ادا کیا۔ سوال: سائرہ ویلفیئر ٹرسٹ کا قیام کب عمل میں آیا اور اس کا کیا کام ہے؟ “سائرہ ویلفیئر ٹرسٹ” کی بنیاد 2013 میں رکھی گئی۔ ادارہ معذور افراد کی بحالی، عالج، مددگار آلات کی فراہمی، ایڈوکیسی اور روزگار کی فراہمی کیلئے کام کرتا ہے۔ ٹرسٹ مستقبل میں وکیشنل ٹریننگ اور تعلیمی سرگرمیوں کو شروع کرنے کا ارادہ بھی رکھتا ہے۔ سوال: چھاؤں ویلفیئر کیا کام کرتی ہے اور آپ اس کے ساتھ کیوں منسلک ہوئیں؟ سائرہ کی بہت اچھی دوست ماریہ قریشی نے دو سال پہلے چھاؤں ویلفیئر کے نام سے ایک این-جی-او کی بنیاد رکھی۔ ماریہ ایک اچھی ٹیم بنا کر انسانیت کی خدمت کرنا چاہتی تھیں۔ سائرہ کو جنرل سیکرٹری کی ذمہ داریاں سونپ دی گئیں جسے وہ احسن طریقے سے نبھا رہی ہیں۔ چھاؤں ویلفیئر محروم طبقات کی وکالت اور سہولیات کی فراہمی کیلئے کام کرتی ہے۔ سوال: اب تک کتنے ممالک کی سیر کرچکی ہیں؟ سائرہ چار مرتبہ امریکہ اور یورپ کا سفر کرچکی ہیں اسکے علاوہ دو مرتبہ یو-اے-ای اور ایک مرتبہ سعودیہ بھی جا چکی ہیں۔ سوال: سہولیات کے حوالے سے امریکہ کو کیوں بہترین ملک قرار دیتی ہیں؟ امریکہ، برطانیہ، جرمنی، کینیڈا، نیدر لینڈ، اٹلی، فرانس، بیلجیئم وغیرہ کا سفر کرنے کے بعد امریکہ کو سہولیات کے حوالے سے بہترین ملک قرار دیتی ہیں۔ سائرہ کہتی ہیں کہ خصوصی فرد امریکہ میں کسی کی مدد کے بغیر ہر کام کرسکتا ہے۔ ٹرینز، بس سٹاپس، بلڈنگز، پارکس، تعلیمی ادارے یہاں تک کہ سیاحتی مقامات پر بھی رسائی کا خاص خیال رکھا گیا ہے۔گو کہ پورے یورپ کو قابل رسائی قرار نہیں دیتیں تاہم امریکہ کے بعد برطانیہ، کینیڈا، نیدر لینڈ اور سوئٹزر لینڈ کو رسائی اور سہولیات کے حوالے سے بہترین ملک قرار دیتی ہیں۔ سوال: فارغ وقت میں کیا کرتی ہیں؟ فارغ وقت سوشل میڈیا، دوستوں اور گھر والوں کے ساتھ گزارنا پسند ہے۔ ڈرائیونگ اور ٹریولنگ کا بہت شوق رکھتی ہیں۔ سوال: کھانے میں کیا پسند کرتی ہیں؟ ٹریولنگ کے شوق کی وجہ سے مختلف شہروں اور ممالک کے کھانوں کا ذائقہ چھک چکی ہیں۔ دیسی کھانوں کو بہترین قرار دیتی ہیں۔ سوال: خصوصی خواتین کو کیا پیغام دینا چاہیں گی؟ مایوسی ایک ایسی رکاوٹ ہے جو اگر انسان کے راستے میں آجائے تو اسکے بڑھتے ہوئے قدموں کو روک دیتی ہے۔ خصوصی خواتین کو اگر آگے بڑھنا ہے تو مایوسی سے بچنا ہوگا۔
خواتین آن لائن بزنس اور فری لانسنگ کو زریعہ معاش بنائیں

ثاقب لقمان قریشی نام: اقصیٰ شاہدرہائش: کریم پارک لاہورتعلیم: ایم اے اسلامیاتایوارڈ؛ ا۔جدیجتہ الکبریٰ ایوارڈ ب۔ انٹرنیشنل یوتھ آئیکن ایوارڈشعبہ: آن لائن بزنس خاندانی پس منظر: والد صاحب واپڈا سے ریٹائرڈ ہیں۔ خاندان ایک بھائی اور بہن پر مشتمل ہے۔ بھائی کی تعلیم گریجویشن ہے، فیروزسنز میں ایریا مینیجر کے طور پر کام کر رہے ہیں۔ معذوری کی وجوہات: مسکولر ڈسٹرافی کا شکار ہیں۔ بیماری کے اثرات وقت کے ساتھ ساتھ نمایاں ہونا شروع ہوئے جب اقصٰی نے نارمل بچوں کی طرح چلنا شروع نہیں کیا تو والدین پریشانی میں مبتلا ہوگئے۔ شروع کے دنوں میں ڈاکٹر اسے کمزوری قرار دیتے رہے۔ وقت کے ساتھ ساتھ مسائل میں شدت آتی چلی گئی، مختلف ٹیسٹوں کے بعد ڈاکٹرز نے مرض کو مسکولر ڈسٹرافی قرار دیا۔ والدین نے علاج کی ہر ممکن کوشش کی، اپنی استطاعت سے بڑھ کر ڈاکٹر خالد جمیل سے لے کر قاضی ، چلڈرن اور جرنل ہسپتال تک سے علاج کروایا۔ اقصٰی کے انکل میو ہاسپٹل میں ڈاکٹر تھے جنھوں نے علاج میں بہت معاونت کی لیکن خاص فرق نہیں پڑا۔. ‘زمینی حقائق ڈاٹ کام’ کیلئے ان کا انٹرویو نذر قارئین ہے. سوال: بچپن کیسا گزرا کن مسائل کا سامنا کرنا پڑا؟ اقصی عام بچوں کی طرح بھاگنے دوڑنے والے کھیل نہیں کھیل سکتی تھیں اسی لیئے گھر کے اندر کھیلے جانے والے کھیل کھیلا کرتیں۔ بچپن کو بہترین قرار دیتی ہیں۔ تایا ابو ساتھ ہی رہا کرتے تھے۔ سب کزنز مل کر خوب باتیں کیا کرتے تھے۔ لڈو کھیلنا، پرانی کاپیوں کا بلاء اور کاغذ کی بال بنا کر کرکٹ کھیلا کرتے تھے۔ کزنز کے ساتھ مل کر ڈول ہاؤس بنانا، گڑیوں کی شادی کرنا بہت پسند تھا۔رسائی کی وجہ سے آنے جانے میں مشکلات کا سامنا رہتا تھا لیکن گھر والے ہمیشہ سائے کی طرح ساتھ رہتے تھے جسکی وجہ سے کبھی مسائل کا سامنا نہیں کرنا پڑا۔ سوال: ابتدائی تعلیم کے حصول میں کن مشکلات کا سامنا کرنا پڑا؟ تعلیم کا آغاز گھر کے نزدیک لاہور کے ایک مشہور سکول سے کیا۔۔ اقصی کے بھائی اور کزنز بھی اسی سکول میں زیر تعلیم تھے اسلیئے والدین نے اسی سکول کو مناسب سمجھا۔ابتدائی ایام میں والدہ صاحبہ ننھی اقصٰی کو گود میں اٹھا کر سکول لایا لے جایا کرتی تھیں۔ چھوٹی جماعتیں نچلی منزل پر ہونے کی وجہ سے کبھی مشکل کا سامنا نہیں کرنا پڑا۔بڑی جماعتوں میں جاتے ہی مسائل کا آغاز شروع ہوگیا۔ کلاس تک رسائی کیلئے سو سیڑھیاں چڑھنی پڑھتی تھیں جو اقصی کیلئے ناممکن تھا۔بڑے بھائی نے اقصی کے شوق کو دیکھتے ہوئے اٹھا کر اوپر لانے لے جانے کا سلسلہ شروع کر دیا۔ سکول کی انتظامیہ نے اس سلسلے میں بھر پور تعاون کرتے ہوئے اقصی کو نیچے ہی بٹھایا اور کلاس میں جو کام ہوا کرتا وہ انکے پاس بھیج دیا جاتا اور یہ نیچے ہی بیٹھے بیٹھے اپنا کام کر لیا کرتیں۔ سکول والے اس وقت حیران ہونا شروع ہوئے جب اقصی نے نیچے بیٹھے بیٹھے اول پوزیشن حاصل کرنا شروع کی۔ نویں جماعت میں اقصٰی نے لاہور بورڈ میں نمایاں پوزیشن حاصل کر کے سکول اور خاندان کو حیران کر دیا۔ جس کے بعد پرنسپل نے گھر والوں کو بلا کر کہا کہ آپ کی بچی خداداد صلاحیتوں کی مالک ہے یہ بورڈ میں ٹاپ کرنے کی صلاحیت رکھتی ہے۔ اگر جماعت کے ساتھ ریگولر پڑھے تو یہ بورڈ میں ٹاپ کر سکتی ہے۔ اس طرح بھائی کو گرلز سکول میں داخلے کی اجازت مل گئی۔ دسویں جماعت کے رزلٹ میں بھائی اور سکول انتظامہ کی محنت رنگ لائی ۔اقصی نے 1050 میں سے 943 نمبر حاصل کر کے والدین اور سکول کا سر فخر سے بلند کر دیا۔ سوال: کالج کی تعلیم کہاں سے حاصل کی؟ کن مسائل کا سامنا رہا؟ ہونہار طالب علم ہونے کے باوجود کالج آنا جانا اور رسائی کے معاملات اقصی کی تعلیم کے راستے کی سب سے بڑی رکاوٹ ثابت ہوئے۔ بہت سے کالجز کے دوروں کے بعد والدین نے گھر کے نزدیک ترین کالج کو اقصٰی کیلئے مناسب قرار دیا۔ اسطرح کالج کی تعلیم کا سفر گورنمنٹ ڈگری کالج فار وومن بلال گنج سے شروع ہوا۔اقصٰی کیلئے روز آنا جانا ممکن نہیں تھا۔ اس لیے کالج کی پرنسپل سے روز آنے جانے کی رعایت سے متعلق بات کی گئی۔ پرنسپل نے جواب دیا کہ ایسا ممکن تو نہیں ہے لیکن وہ بچی کی ایک ماہ کی تعلیمی کارکردگی دیکھنے کے بعد ہی فیصلہ کر پائیں گیں۔ اقصٰی کی ایک ماہ کی شاندار کارکردگی دیکھنے کے بعد پرنسپل بہت متاثر ہوئیں۔ لیکن ساتھ ہی یہ شرط عائد کی گئی کہ اقصٰی کو ہفتے میں ایک دن کالج ضرور آنا ہوگا۔ اس دن یہ پورے ہفتے کا کام لیا کریں گی اور پچھلے ہفتے کے کام کا ٹیسٹ بھی دیا کریں گی۔ایف ایس سی کرنے کی خواہش رکھتی تھیں۔ لیکن بیماری، اوپر نیچے کی کلاسز اور رسائی کی وجہ سے ممکن نہ ہوسکا۔ ایف ایس سی میتھ، سٹیٹس اور اکنامکس میں کی۔ اسکے بعد امتیازی نمبروں کے ساتھ بی اے بھی اسی کالج سے کیا۔ سوال: ایم اے اوپن یونیورسٹی سے کیوں کیا؟ کیا اوپن یونیورسٹی میں رسائی کا مناسب خیال رکھا جاتا ہے؟ کالج آنے جانے کی ٹینشن سے بچنے کیلئے علامہ اقبال اوپن یونیورسٹی سے ایم اے کرنے کا فیصلہ کیا۔ اوپن یونیورسٹی کے نظام کو خصوصی افراد کے لیئے بہترین قرار دیتی ہیں۔ فاصلاتی نظام تعلیم میں پروفیشنل مضامین کی شمولیت کو وقت کی ضرورت قراد دیتی ہیں۔ورک شاپ اور پرچوں کے لیے رکشہ میں سفر کرنا پڑتا تھا جو کہ اقصٰی کے لیے بہت مشکل تھا۔ ورک شاپس اور پرچے اکثر اوپر کی منزلوں پر ہوا کرتے تھے جس کی وجہ سے مشکل پیش آیا کرتی تھی۔ تمام مشکلات کا بہادری سے مقابلہ کرتے ہوئے اقصی ایک بار پھر امتیازی نمبروں سے ایم اے کرنے میں کامیاب ہوئیں۔ سوال: اسلامی تعلیمات خصوصی افراد کو کس طرح تحفظ فراہم کرتی ہیں؟ اسلامی تعلیمات خصوصی افراد کو عام انسان کے مساوی حقوق اور تحفظ فراہم کرتی ہیں۔”نبی اکرم صلیٰ اللہ علیہ وسلم نے فرمایا کہ مسلمان کے لیے اس سے زیادہ برائی اور کیا ہو سکتی ہے کہ وہ اپنے کسی دوسرے مسلمان بھائی کو حقیر سمجھے””حضرت عمر فاروق رضی …

Website Design: BetterStudio

Translate »

Sign in

Welcome, Login to your account.

Forget password? Remember me

Sign in

Recover your password.

A password will be e-mailed to you.