ملک بھر میں کورونا مثبت کیسز کی شرح میں کمی آنے لگی

45 / 100

فائل:فوٹو

اسلام آباد:ملک بھرمیں چوبیس گھنٹوں کے دوران کورونا کے مزید 98 کیسز سامنے آگئے جبکہ مثبت کورونا کیسز کی شرح 0.68 فیصد رہی ۔

قومی ادارہ صحت کے مطابق ملک بھر میں چوبیس گھنٹوں کے دوران 14 ہزار 467 کورونا ٹیسٹ کئے گئے جن میں سے 98 افراد کے کورونا ٹیسٹ مثبت رپورٹ ہوئے ۔

این آئی ایچ کاکہناہے کہ چوبیس گھنٹوں میں کئے گئے مثبت کورونا ٹیسٹ کی شرح 0.68 فیصد ریکارڈ کی گئی تاہم اس دوران موذی وائرس سے کوئی بھی مریض جاں بحق نہیں ہوا ۔

این آئی ایچ کے مطابق ملک بھرمیں مہلک وائر س سے متاثرہ 85 مریضوں کی حالت اب بھی تشویشناک ہے۔

Comments are closed.