اسلام آباد: پٹرولیم مصنوعات کی قیمتیں بڑھنے کا خطرہ آئندہ 15دن کیلئے ٹل گیاہے اور حکومت کی جانب سے آئندہ 15 روز کے لئے پیٹرولیم مصنوعات کی قیمتیں برقرار رکھنے کا فیصلہ کیا گیا ہے۔
اوگرا نے آئندہ 15 روز کے لیے پیٹرول کی قیمت میں 20 روپے 7 پیسے اور ڈیزل کی قیمت میں 19 روپے 61 پیسے اضافے کی سمری وزارت پیٹرولیم کو بھجوا رکھی تھے۔
حتمی فیصلہ وزیر اعظم کی منظوری سے مشروط تھا تاہم وزیراعظم عمران خان نے پٹرولیم مصنوعات کی قیمتوں میں اضافہ کی منظوری نہیں دی ہے۔
وزیر اعظم کے معاون خصوصی شہباز گل نے پیٹرولیم مصنوعات کی قیمتوں میں اضافے سے متعلق خبروں کی تردید کرتے ہوئے کہا ہے کہ پیٹرولیم مصنوعات کی قیمتوں میں کوئی اضافہ نہیں کیا گیا۔
انھوں نے کہا ہے کہ وزیراعظم عمران خان نے اوگرا کی تجویز منظور نہیں کی ہے ۔ اس وضاحت کے بعد قیمتوں میں مجوزہ اضافے کاخطرہ فی الحال ٹل گیاہے۔
اوگرا نے تقریباً 6 سے 7 روپےفی لیٹر تک پٹرولیم مصنوعات کی قیمت بڑھانے کی تجویز کی۔ وزیراعظم عمران خان نے یہ تجویز منظور نہیں کی۔ پٹرولیم مصنوعات کی قیمتوں میں کوئی اضافہ نہیں کیا گیا۔ عالمی مارکیٹ میں پٹرولیم مصنوعات کی قیمتوں میں مسلسل اضافے کے باوجود وزیراعظم نے اجازت نہیں دی pic.twitter.com/Xwmn3EuhGc
— Dr. Shahbaz GiLL (@SHABAZGIL) February 28, 2021
واضح رہے وزیراعظم نے اس سے قبل 15 فروری کو بھی اوگرا کی جانب سے پیٹرولیم مصنوعات کی قیمتوں میں اضافے کی سمری کو مسترد کردیا تھا اور اب لگا تار دوسری بار اضافے کی تجویز رد کی گئی ہے۔
Comments are closed.