مندر سے پانی پینے کاجرم؟ گورنر پنجاب نے ویڈیو شیئر کردی


لاہور(ویب ڈیسک) گورنر پنجاب چوہدری محمدسرور نے بھارت میں مندر سے پانی پینے پر مسلمان لڑکے پر تشدد کی ویڈیوشیئر کرتے ہوئے بھارت کے تعصب اور انتہاپسندی کو اجاگر کیاہے۔

سوشل میڈیا پر اس بھارتی مسلمان لڑکے پر تشدد کی ویڈیو کئی دن سے چل رہی تھی اب پنجاب کے وزیراعلیٰ چوہدری محمد سرور نے یہ ویڈیو ٹوئٹر پر شیئر بھی کی ہے اور اقوام متحدہ کو ٹیگ بھی کی ہے۔

چوہدری محمد سرور یہ ویڈیو شیئرکرکے ساتھ لکھا ہے کہ بھارت مکمل طورپر تعصب پسند ہندووں کا ملک بن چکا ہے، بھارتی وزیراعظم مودی آر ایس ایس کے دہشت گردوں کی سر پرستی کر رہا ہے۔

بھارتی سکیورٹی فورسز بھی انتہا پسند دہشت گردوں کی حمایتی ہیں۔ مسلمان ہونا بھارت میں آج جرم بن چکا ہے۔گورنر پنجاب چوہدری محمدسرور نے کہا کہ بھارت میں انسانی حقوق کے قتل پرعالمی ادارے خاموشی ختم کریں۔

اقلیتوں کیلئے بھارت دنیا کا خطر ناک ترین ملک بن چکا ہے۔ اقوام متحدہ کو بھارت میں اقلیتوں کے ساتھ مظالم کا نوٹس لینا چاہیے، یہ ایک ویڈیو ہے لیکن وہاں کمزور طبقتہ کہیں محفوظ نہیں ہے۔

Comments are closed.