قومیں متحد ہو کر مشکل اور برے وقت سے نکل جاتی ہیں، وزیراعظم

13
0 0
Read Time:2 Minute, 53 Second

کراچی(ویب ڈیسک)وزیراعظم عمران خان نے کراچی میں مصروف دن گزارہ اورواضح کیا کہ تحریک انصاف سندھ میں ایک اور صوبہ بنانے کے خلاف ہے۔

عمران خان سے اتحادی جماعتوں کے وفد نے گورنر ہاوٴس میں ملاقات کی جس میں سندھ اسمبلی میں اپوزیشن لیڈر فردوس شمیم، خرم شیر زمان، حلیم عادل اور فیصل واوڈا سمیت دیگر رہنما شریک تھے۔

ملاقات میں گرینڈ ڈیموکریٹک الائنس (جی ڈی اے) کے ارباب غلام رحیم، نندکمار، نصرت سحرعباسی اور صدرالدین شاہ راشدی بھی موجود تھے۔ اس موقع پر سندھ کی سیاسی صورتحال، وفاقی حکومت کے جاری منصوبوں اور اتحادی امور پر تبادلہ خیال کیا گیا۔

وزیراعظم عمران خان کا کہنا تھا کہ تحریک انصاف سندھ میں ایک اور صوبہ بنانے کے خلاف ہے، پی ٹی آئی کے نئے بلدیاتی نظام کے بعد صوبے میں تقسیم کی ضرورت نہیں رہے گی۔

وزیر اعظم نے اس سے پہلے فیڈریشن آف پاکستان چیمبرز آف کامرس اینڈ انڈسٹری اور تاجر برادری کے وفد نے ملاقات کی جس میں
دیگر کاروباری نمائندے، گورنرسندھ عمران اسماعیل، وفاقی وزیربحری امور، مشیرتجارت بھی ملاقات میں موجود تھے۔

وزیراعظم کا کہنا تھا کہ چاہتا ہوں ہماری حکومت سب سے زیادہ تاجر اور سرمایہ کار دوست حکومت جانی جائے، میرا مشن پاکستان سے غربت مٹانا ہے جس میں تاجر برادری میرا ساتھ دے۔

انہوں نے کہا کہ گزشتہ حکمرانوں نے معیشت کو کرپشن سے تباہ کردیا، ہمیں ایک خستہ حال معیشت ملی، میں چوروں کو نہیں چھوڑ سکتا، اس وقت حکومت کی توجہ معاشی استحکام پر مرکوز ہے، ایف بی آر اور اسٹیٹ بینک میں ماہرین تعینات کیے ہیں۔

ان کا کہنا تھا کہ تاجر برادری سے التماس ہے کہ ایمنسٹی اسکیم سے فائدہ اٹھائیں، چاہتے ہیں نجی شعبہ معیشت کے استحکام میں کردار ادا کرے، حکومت سرمایہ کاری اور تجارتی سرگرمیوں کے فروغ میں تعاون کرے گی۔

وزیر اعظم نے کہا کہ کاروبار میں سہولت، ایف بی آر کی اصلاحات اور تجارت کے لیے سازگار ماحول ترجیحات ہیں۔

عمران خان نے کراچی کے نجی ہوٹل میں شوکت خانم اسپتال کیلئے فنڈ ریزنگ تقریب سے بھی خطاب کیا

عمران خان نے کہا کہ شوکت خانم اسپتال میں غریبوں کے علاج پر اب تک 40 ارب روپے خرچ ہوئے، خوشی ہے کہ ہر گزشہ سال سے زیادہ فنڈز جمع ہوتے ہیں، اسپتال بڑے مشکل حالات سے گزرا لیکن ہم پیچھے نہیں ہٹے۔

انہوں نے کہا کہ جب الزام لگایا گیا کہ چندے کے پیسے سے الیکشن مہم چلائی جائے گی تو اسپتال کی فنڈنگ رک گئی، اس سال اسپتال کا خسارہ ساڑھے 8 ارب روپے تھا۔

وزیراعظم عمران خان نے کہا کہ دیگر قوموں پر ہم سے زیادہ برے وقت آئے ہیں جب قوم متحد ہوجائے تو ہر مشکل سے نکل آتی ہے، ہمارے دو مہینے صرف مشکل ہیں۔

وزیراعظم نے مثال دیتے ہوئے کہا کہ گھر پر جب قرضے بڑھ جاتے ہیں تو مشکل وقت آتا ہے، جب قوم کھڑی ہوجاتی ہے تو پھر مشکل وقت سے نکل آتی ہے۔

وزیراعظم کا کہنا تھا کہ برے وقت میں لوگ اکھٹے ہوجاتے ہیں، ڈالر نہیں خریدتے، ہم دو تین مہینے میں اس مشکل صورت حال سے نکل جائیں گے۔

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %
Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *