اسلام آباد( زمینی حقائق ڈاٹ کام)کرتار پور گوردوارہ میں ماڈلنگ کا وزیراعلیٰ پنجاب نے نوٹس لے لیا،وزیراطلاعات فواد چوہدری نے بھی مذہبی مقام پر ماڈلنگ پر تنقید کی تھی۔
وزیراعلیٰ پنجاب عثمان بزدار نے سکھوں کے مذہبی مقام کرتارپور گوردوارہ کے احاطے میں ماڈلنگ کے واقعے کا نوٹس لیتے ہوئے چیف سیکرٹری سے رپورٹ طلب کرتے ہوئے انکوائری کاحکم دے دیاہے۔
سوشل میڈیا پر کرتار پور گوردوارہ میں ماڈلنگ پر سکھ کمیونٹی نے بھی ناپسندیدگی کااظہار کیا جب کہ اسلام آباد کے نامور صحافی ہرمیت سنگھ نے حکومت سے واقعہ کانوٹس لینے کامطالبہ کیا تھا۔
وفاقی وزیراطلاعات فواد چوہدری نے ٹوئٹر پر بیان میں ڈیزائنر اور ماڈل سے سکھ برادری سے معافی مانگنے کا مطالبہ کیا اور کہا کہ کرتار پور کوئی فلم سیٹ نہیں، ایک مذہبی مقام ہے۔
سکھوں کے مذہبی مقام کرتارپور صاحب کے احاطے میں ماڈلنگ کے واقعہ پر پر وزیراعلیٰ پنجاب عثمان بزدار نے نوٹس لیا اور چیف سیکرٹری کو حکم دیا کہ ماڈلنگ کی اجازت دینے والے عملے کے خلاف کارروائی کی جائے۔
وزیراعلیٰ پنجاب عثمان بزدار نے کہا کہ پاکستان میں بسنے والی ہر اقلیتی برادری کے جذبات کا احترام کرتے ہیں، واقعے سیکھ برادری کے جذبات مجروح ہونے پردکھ ہے۔
The Designer and the model must apologise to Sikh Community #KartarPurSahib is a religious symbol and not a Film set….. https://t.co/JTkOyveXvn
— Ch Fawad Hussain (@fawadchaudhry) November 29, 2021
عثمان بزدار نے یقین دہانی کرائی کہ اس واقعہ میں ملوث ذمہ داروں کے خلاف نہ صرف کارروائی ہوگی بلکہ یہ کارروائی ہوتی ہوئی نظربھی آئے گی۔
Comments are closed.