بُڑھاپا خوبصورت ہے اگر
زرا سا لڑکھڑائیں تو
سہارے دوڑ کر آئیں__!
نئے اخبار لاکر دیں
،پُرانے گیت سُنوائیں__!
بصارت کی رسائی میں
پسندیدہ کتابیں ہوں!
مہکتے سبز موسم ہوں،
پرندے ہوں،شجر ہوں تو!
بڑھاپا خوب صورت ہے__!!!
جنہیں دیکھیں تو آنکھوں میں
ستارے جگمگا اُٹھیں__!
جنہیں چُومیں تو ہونٹوں پر
دُعائیں جھلمِلا اُٹھیں__!
جواں رشتوں کی دولت سے
اگر دامن بھرا ہو تو!
رفیقِ دل، شریکِ جاں برابر
میں کھڑا ہو تو!
بُڑھاپا خوب صورت ہے__!!!
