سندھ اور بلوچستان کے صوبائی الیکشن کمشنرزسمیت متعدد افسران تبدیل کردیئے گئے

فوٹو: فائل

اسلام آباد:انتخابات سے قبل سندھ اور بلوچستان کے صوبائی الیکشن کمشنرزسمیت متعدد افسران تبدیل کردیئے گئے، الیکشن کمیشن آف پاکستان نے دونوں کا تبادلہ کردیا۔

الیکشن کمیشن نے دونوں صوبائی الیکشن کمشنرز کے تبادلے کا نوٹیفکیشن جاری کردیا۔ نوٹیفکیشن کے مطابق الیکشن کمشنر بلوچستان شریف اللہ کو الیکشن کمشنر سندھ تعینات کیا گیا ہے۔

الیکشن کمشنر سندھ اعجاز انور چوہان صوبائی الیکشن کمشنربلوچستان ہوں گے،اس کے علاوہ الیکشن کمیشن آف پاکستان نے پنجاب، سندھ اور بلوچستان کے افسران کے بڑے پیمانے پر تبادلے کر دیئے ہیں۔

رپورٹس کے مطابق ڈسٹرکٹ الیکشن کمشنر لوئردیرمحمد اقبال کا ملتان میں تبادلہ کردیا گیا جمشید خان کو ڈسٹرکٹ الیکشن کمشنر لوئردیر تعینات کردیا گیا۔

ڈسٹرکٹ الیکشن کمشنرکورنگی خدا بخش کاڈسٹرکٹ الیکشن کمشنرملیر کاتبادلہ کردیا گیا الیکشن افسر سارہ خان ڈی آئی خان تعینات تعینات کردیا گیا ہےحافظ عدیل اشرف کو ڈی ای سی پاکپتن کی ذمہ داریاں سونپ دی گئیں ڈسٹرکٹ الیکشن کمشنر تونسہ نادر علی ہوں گے۔

شوکت علی ڈسٹرکٹ الیکشن کمشنر گجرات جبکہ کوٹ ادو میں ڈی ای سی بہاولپور شجاع اللہ خان ہوں گےسجاد اختر چکوال میں ضلعی الیکشن کمشنر ہوں گےاورکزئی میں ضلعی الیکشن کمشنر کا چارج مقصود حسین کوسونپ دیا گیا ہے۔

سندھ اور بلوچستان کے صوبائی الیکشن کمشنرز کا بھی تبادلہ کیاگیاالیکشن کمشنر بلوچستان شریف اللہ کو صوبائی الیکشن کمشنر سندھ تعینات کیا گیا۔

الیکشن کمشنر سندھ اعجازانورچوہان صوبائی الیکشن کمشنر بلوچستان تعنیات ہوئے ہیں الیکشن کمیشن نے تقرروتبادلوں کا نوٹیفکیشن جاری کر دیا۔