نیشنل

افغان سرزمین کا پاکستان کیخلاف استعمال روکا جائے، کور کمانڈرز

By Zameeni Haqaiq

راولپنڈی : آرمی چیف جنرل قمر جاوید باجوہ کی زیرصدارت کورکمانڈرز کانفرنس میں افغانستان کراس بارڈ پر بڑھتے فائرنگ کے واقعات کا سختی سے نوٹس لیتے ہوئے شرکاء نے کہا افغانستان میں دہشت گردگروپ سراٹھارہے ہیں، افغان سرزمین پاکستان کیخلاف استعمال ہونے سے روکا جائے۔

ڈائریکٹر جنرل میجر جنرل بابر افتخار کی طرف سے ٹوئٹر پر جاری اعلامیہ میں بتایا کہ آرمی چیف جنرل قمر جاوید باجوہ کی زیرصدارت کورکمانڈرز کانفرنس ہوئی ، کانفرنس میں عالمی،علاقائی،مقامی سیکیورٹی صورتحال پرتبادلہ خیال کیا گیا۔

کور کمانڈرز کانفرنس میں ایل اوسی ،ورکنگ باؤنڈری،پاک افغان بارڈرصورتحال پر بھی غور کیا گیا،ڈی جی آئی ایس پی آر کے مطابقاجلاس میں ملک کودرپیش چیلنجزاورآپریشنل تیاریوں پر بھی غور کیا گیا۔

آرمی چیف جنرل قمر جاوید باجوہ نے پاک فوج کی آپریشنل تیاریوں پراظہار اطمینان کیا،کورکمانڈرز کانفرنس میں افغان امن عمل میں پیشرفت اور اس کے بارڈر پراثرات پر بھی غور کیا گیا۔

شرکا نے علاقائی امن واستحکام کیفروغ کیلئے مکمل تعاون کے عزم کا اعادہ کرتے ہوئے افغانستان کراس بارڈسے بڑھتے فائرنگ کے واقعات کاسختی سے نوٹس لیا۔

شرکاء نے کہا افغانستان میں دہشت گردگروپ سراٹھارہے ہیں، افغان سرزمین پاکستان کیخلاف استعمال ہونے سے روکاجائے ، علاقائی سیکیورٹی صورتحال میں مؤثربارڈرکنٹرول منیجمنٹ ضروری ہے۔

ڈی جی آئی ایس پی آر نے کہا پاکستان نے بارڈرکنٹرول مینجمنٹ کیلئے مؤثراقدامات کررکھے ہیں، افغانستان بھی بہترمینجمنٹ کیلئے ضروری اقدامات کئے جائیں۔

میجر جنرل بابر افتخار کا کہنا تھا کہ ضم قبائلی اضلاع،بلوچستان میں سماجی واقتصادی اقدامات پربھی گفتگو ہوئی ، سماجی واقتصادی ترقی سیامن کومزید تقویت ملے گی۔

آرمی چیف نے کورونا تیسری لہرمیں سول انتظامیہ کی بھرپورمددپرفارمیشنزکیکردارکوسراہا اور کہا فارمیشنزکیتعاون سے وبا کے پھیلاؤ کے روک تھام میں مددملی۔

Zameeni Haqaiq 17550 posts 0 comments
You might also like More from author

Comments are closed.