شاہین شاہ نے پہلے رضوان کو غصہ دکھایا ، دوسرے دن اظہار محبت

فوٹو: اسکرین گریب

لاہور( سپورٹس ڈیسک)شاہین شاہ نے پہلے رضوان کو غصہ دکھایا ، دوسرے دن اظہار محبت ، لاہور قلندر کے کپتان نے ملتان سلطانز کے ہم منصب کو بال نہ پکڑ سکنے کے باوجود خالی ہاتھ سے تھرو کرنے کیلئے ایکشن بنایا تو رضوان نے ہاتھ پھیلا کر جواب دیا تھا۔

پاکستان سُپر لیگ کی کے قذافی سٹیڈیم میں کھیلے گئے اس میچ کے اس ایکشن کی ویڈیو سوشل میڈ یا پر وائرل ہے، شاہین شاہ آفریدی نے محمد رضوان کے گلے لگانے کی وائرل ویڈیو پر تبصرہ کرتے ہوئے رضوان کو رول ماڈل قرار دے دیا۔

لاہور قلندرز کے کپتان نے رن آؤٹ کرنے کے لیے غصے میں انہیں ڈرایا، جواب میں محمد رضوان نے غصہ کرنے کے بجائے اشارہ کیا کہ آجاؤ گلے لگتے ہیں، اور تصوراتی طور پر انہیں ہنستے ہوئے گلے بھی لگایا۔

http://

I have my utmost respect and admiration for this man. It’s always a pleasure to share the field with him, be as teammates or as opposition. Always very competitive yet so humble and friendly, he’s set the benchmark for everyone. A proper role model. pic.twitter.com/8Y6fzW4ylm

— Shaheen Shah Afridi (@iShaheenAfridi) February 12, 2022

شاہین شاہ آفریدی نے سوشل میڈ یا پر ہی بیان میں کہا کہ میں اس شخص کی انتہائی عزت اور تعریف کرتا ہوں، محمد رضوان کے ساتھ ٹیم میں ہونا، یا حریف کے طور پر ہونا ہمیشہ خوشی کی بات ہے۔

لاہور قلندرز کے کپتان نے لکھا کہ محمد رضوان نے سب کے لیے شائستہ اور دوستانہ معیار قائم کیا ہے، بلاشبہ وہ میرے لیے ایک رول ماڈل کا درجہ رکھتے ہیں۔