اسلام آباد(زمینی حقائق ڈاٹ کام) وفاقی وزیر اسد عمر نے سوشل میڈیا پر برطانوی عدالت کے جج کی طرف سے لکھی تفصیلات شیئر کرتے ہوئے کہا ہے کہ زرا غور سے پڑھیں لکھا ہے شریف خاندان کی چھپائی دولت میں ایون فیلڈ فیلٹ شامل ہیں جنھیں ڈھونڈکا معاوضہ20.5ملین ڈالر بنتاہے۔
سماجی رابطے کی ویب سائٹ ٹوئٹر پر اسد عمر کی طرف سے شیئر کی گئی دستاویز برطانوی عدالت کی ہے جس میں شریف خاندان کے ایون فیلڈ فلیٹ کا واضح درج ہے جس سے شریف خاندان ایک عرصہ تک انکار کرتارہا۔
اسد عمر نے کہا ہے کہ براڈ شیٹ ایوارڈ کی تفصیلات سے ثابت ہو گیا کہ سابق وزیراعظم نواز شریف نے پارلیمنٹ، سپریم کورٹ اور قوم سے جھوٹ بولا۔
یہ صفحہ حکومت پاکستان کا لکھا ہوا نہیں. نا ہی یہ نیب کا لکھا ہے. یہ انگلینڈ کے جج کا لکھا ہوا ہے اور صاف الفاظ میں کہتا ہے کے شریف خاندان کی چھپائی ہوئ دولت جس میں لندن کے ایون فیلڈ فلیٹ شامل ہیں ان کو ڈھونڈنے کا معاوضہ 20.5 ملین ڈالر بنتا ہے جسکا حق دار بروڈشیٹ ہے 1/2 pic.twitter.com/QRKGpvaWsx
— Asad Umar (@Asad_Umar) January 18, 2021
وفاقی وزیر اسد عمر کا اپنے ٹویٹس میں کہنا تھا کہ براڈ شیٹ ایوارڈ کی تفصیلات منظر عام پر آ گئی ہیں۔ ثالث نے بتا دیا کہ شریف خاندان 2000ء سے ایون فیلڈ اپارٹمنٹ کا مالک ہے۔
اسد عمر نے براڈ شیٹ سے متعلق فیصلے کو شیئر کرتے ہوئے کہا ہے کہ یہ ڈاکومنٹس پی ٹی آئی حکومت یا نیب کے نہیں لکھے ہوئے، یہ انگلینڈ کے جج نے لکھا ہے۔
With the broadsheet award details now public in which it is stated clearly by the arbitrator that sharif family owned the avenfield apartments as far back as 2000 at least, it is conclusively established that nawaz sharif lied to the Parliament, the Supreme court & the nation
— Asad Umar (@Asad_Umar) January 19, 2021
دستاویز میں واضح لکھا ہے کہ شریف خاندان کی چھپائی ہوئی دولت جس میں لندن کے ایون فیلڈ فلیٹ شامل ہیں، ان کو ڈھونڈنے کا معاوضہ 20.5 ملین ڈالر بنتا ہے جس کا حقدار براڈ شیٹ ہے۔
اسد عمر کا کہنا تھا کہ شریف خاندان کی چھپائی ہوئی دولت 100 ملین ڈالر یعنی 16 ارب روپے ڈھونڈنے پر یہ 20 ملین معاوضہ ملا کیونکہ معاہدے کے مطابق 80 فیصد پاکستان اور 20 فیصد براڈ شیٹ کو حصہ ملنا تھا۔
100 ملین ڈالر یعنی 16 ارب روپے کی شریف خاندان کی چھپائی ہوئ دولت ڈھونڈنے پر یہ 20 ملین معاوضہ ملا کیونکہ معاہدے کے مطابق 80٪ پاکستان اور 20٪ بروڈشیٹ کو حصہ ملنا تھا. 100 ملین ڈالر پاکستان کے عوام سے لوٹا اور اوپر 20 ملین ڈالر کا ہرجانہ کیونکہ شریف حکومت نے اثاثے واپس نہیں لئے
— Asad Umar (@Asad_Umar) January 18, 2021
انھوں نے کہا کہ100 ملین ڈالر پاکستان کے عوام سے لوٹا اور اوپر 20 ملین ڈالر کا ہرجانہ کیونکہ شریف حکومت نے اثاثے واپس نہیں لئے۔
