فوٹو: فائل
اسلام آباد(زمینی حقائق ڈاٹ کام) پاکستانی اداکاراؤں کی رمضان نشریات میں شرکت پر ہمیشہ لوگ معترض رہے ہیں لیکن اس بار ٹک ٹاک پر فحاش حرکتیں کرنے والی حریم شاہ نے بھی دعویٰ کیاہے کہ انھیں کسی ٹی وی چینل نے رمضان نشریات کی پیشکش کی ہے۔
سماجی رابطے کی ویب سائٹ ٹوئٹر پر حریم شاہ نے یہ انکشاف کیا کہ انھیں رمضان نشریات کرنے کیلئے کسی ٹی وی چینل نے پیشکش کی ہے اس کے ساتھ ہی انھوں نے لوگوں سے بھی رائے مانگی ہے ۔
I have been approached by a Leading TV Channel to host their 2020 Ramadan transmission .. Do you want to see me host it? Share your thoughts.
— Hareem Shah (@_Hareem_Shah) March 30, 2020
حریم شاہ کہتی ہیں کہ میں جاننا چاہتی ہوں کہ اس حوالے سے قارئین یا سامعین کا کیا موقف ہے، کیا وہ مجھے ٹی وی پر بطور میزبان دیکھنا پسند کریں گے؟
اللہ تبارک وتعالیٰ ہمیں کورونا وائرس جیسی وبا سے محفوظ رکھے۔ امین۔ pic.twitter.com/oifIxxWQg8
— Hareem Shah (@_Hareem_Shah) March 25, 2020
سوشل میڈیا پر ان کے سوال کے جواب میں زیادہ تر لوگوں نے مخالفت اور طنز میں جوابات دیئے ہیں، ایک شخص عدنان نے لکھا ہے کہ یہ وقت بھی آنا تھا کہ اللہ پاک ہمارے دین اور ایمان کی حفاظت فرمائے۔
ایک لڑکی فرح نے حریم شاہ کی حوصلہ افزائی کی اور کہا کہ اگر اللہ آپ کو اپنی طرف لانا چاہتا ہے تو یہی نشریات اللہ سے رجوع کا وسیلہ بن سکتی ہیں ہم سب گناہ گار ہیں اللہ پاک ہمیں معاف کرے بے شک وہ غفور رحیم ہے۔
سوشل میڈیا پر لوگوں کی اکثریت حریم شاہ کی سابق ویڈیوز اور گفتگو کے حوالے دے کر اس کی مخالفت کررہے ہیں جب کہ بعض نے تو پیشکش کرنے والے ٹی وی چینل پر بھی تنقید کی ہے۔
