فوٹو:آئی سی سی
کوالا لمپور(ویب ڈیسک )ویمنز ٹی ٹوئنٹی ایشیا کپ میں بنگلا دیش نے بھارت کو ہرا کر ٹرافی ایشین چمپین ہو نے کا اعزاز حا صل کر لیا۔
بھارتی ٹیم نے مقررہ 20 اوورز میں 9 وکٹوں کے نقصان پر 112 رنز بنائے، کپتان ہرمن پریت کور نے سب سے زیادہ 56 رنز اسکور کیے، بنگلا دیش کی جانب سے خدیجة الکبریٰ اور رومانہ احمد نے 2,2 جبکہ سلمیٰ خاتون اور جہاں آرا عالم نے ایک ایک وکٹ حاصل کی۔
بنگلا دیش نے سنسنی خیز مقابلے کے بعد 7 وکٹوں کے نقصان پر میچ کی آخری گیند پر ہدف عبور کر لیا، آخری اوور میں بنگلا دیش کو 9 رنز درکار جبکہ 5 وکٹیں باقی تھیں۔ پہلی تین گیندوں پر چوکے سمیت 6 رنز بنے جبکہ اگلی دو گیندوں پر 2 وکٹیں گر گئیں۔
بنگلہ دیش کی سنجیدہ اسلام کیچ آﺅٹ جبکہ رومانہ احمد سنگل کو ڈبل میں بدلنے کی کوشش میں رن آﺅٹ ہوئیں، آخری گیند پر جہاں آرا عالم نے 2 رنز بناتے ہوئے ٹیم کو فتح دلا دی۔
نگار سلطانہ نے27 رنز بنائے، رومانہ احمد 23، عائشہ رحمان 17 اور شمیمہ سلطانہ 16 رنز کیساتھ دیگر نمایاں اسکورر رہیں۔ پونم یادیو نے 9 رنز دیکر 4 وکٹیں حاصل کیں، ہرمن پرین کور نے 2 کھلاڑیوں کو آﺅٹ کیا۔ رومانہ احمد میچ جبکہ ہرمن پریت کور سیریز کی بہترین پلیئر قرار پائیں۔
