فوٹو : فائل
کراچی:کور کمانڈر کوئٹہ کے ہیلی کاپٹر کا ملبہ ملنے کی پولیس نے تصدیق کردی،ڈی آئی جی خضدار مطابق آرمی ایوی ایشن کے گزشتہ روز لاپتہ ہونے والے ہیلی کاپٹر کا ملبہ مل گیاہے۔
ڈی آئی جی خضدار پرویز عمرانی کا کہنا ہے کہ ہیلی کاپٹر کا ملبہ سسی پنوں مزار کے قریب موسیٰ گوٹھ سے ملا ہے،ملبہ کراچی سے 45 کلو میٹر دورعلاقے سے ملا ہے جو موسیٰ گوٹھ کے قریب درے گئی پہاڑی سلسلہ ہے۔
اس سے قبل آئی ایس پی آر کی طرف سے بتایا گیا تھا کہ پاک آرمی کا ہیلی کاپٹر لاپتہ ، کور کمانڈر کوئٹہ، ڈی جی کوسٹ گارڈ سمیت 6آفیسر سوار تھے، کوئٹہ سے کراچی کیلئے اڑان بھرنے والا ہیلی کاپٹر لاپتہ ہواہے.
آئی ایس پی آر سے جاری اعلامیہ کے مطابق پاکستان آرمی ایوی ایشن کے لاپتہ ہونے والے ہیلی کاپٹر میں کمانڈر 12 کور کوئٹہ سرفراز علی سمیت 6 افسران ہیلی کاپٹر میں سوار تھے۔
A Pakistan army aviation helicopter which was on flood relief operations in Lasbela, Balochistan lost contact with ATC. 6 individuals were on board including Commander 12 Corps who was supervising flood relief operations in Balochistan. Search operation is underway.DTF
— DG ISPR (@OfficialDGISPR) August 1, 2022
آئی ایس پی آر کے اعلامیہ میں کہا گیا ہے کہ لاپتہ ہونے والے ہیلی کاپٹر کی تلاش جاری ہے
یہ ہیلی کاپٹر بلوچستان کے علاقے لسبیلہ میں سیلاب سے متعلق امدادی کارروائیوں پر تھا۔
ہیلی کاپٹر میں کور کمانڈر 12 کور لیفٹیننٹ جنرل سرفراز علی، ڈائریکٹر جنرل (ڈی جی) پاکستان کوسٹ گارڈ میجر جنرل امجد اور 12 کور کے انجینیئر بریگیڈیئر خالد سوار ہیں۔
ہیلی کاپٹر میں سوار افراد میں پائلٹ میجر سعید، معاون پائلٹ میجر طلحہٰ اورکریو میں چیف نائیک مدثر بھی شامل ہیں
Comments are closed.