لاہور(سپورٹس ڈیسک) 6 سالہ گوہر لیاقت کی بیٹنگ کی ویڈیو نے شائقین کرکٹ تو متاثر کیا ہی تھا سابق اسٹائلش بیٹسمین وکپتان محمد یوسف گوہر لیاقت سے ملنے پہنچ گئے.
گوہریاقت المعروف بابراعظم جونیئر کی بیٹنگ کرتے ویڈیو نے ہلچل مچائی ہوئی ہے، محمد یوسف ننھے بابراعظم جونیئر کی حوصلہ افزائی کے لیے میدان پہنچ گئے۔
Mashalla kon hai ye bhy v good https://t.co/Jka7u0ZuIN
— Mohammad Yousaf (@yousaf1788) April 1, 2021
سابق کپتان گوہر کی نیٹ پریکٹس دیکھنے میدان میں پہنچے اور گوہر لیاقت سابق کپتان کو اپنے سامنے دیکھ کر حیران رہ گیا۔ اس موقع پر سابق کپتان نے ننھے بیٹسمین کی تکنیک کو کمال کا قرار دیتے ہوئے محنت جاری رکھنے کا کہا۔
محمد یوسف کا کہنا تھا کہ تم مکمل پیکیج ہو، مجھے بھی تم سے سیکھنے کا موقع ملا، خوب کھاﺅ ، پیو، اپنا قد بڑا کرو اور پاکستان کا نام روشن کرو۔
گوہر لیاقت سے ملاقات کےبعد انہوں نے ٹویٹ میں کہا کہ ’کل اس بچے کی ویڈیو دیکھی دل خوش ہوگیا تو آج اس سے ملنے آگیا، بہت چھوٹی عمر ہے اس کی، مجھے 6 سال سے بھی کم عمر لگا.
کل اس بچہ کی ویڈیودیکھی تھی،آج اس سےملنےگیا،بہت چھوٹی عمرہے اسکی مجھے6 سال سےبھی چھوٹا لگااور اللہ نےاس کوبےپناہ ٹیلنٹ سےنوازا ہے،دیکھ کردل خوش ہوگیا۔اللہ اسکوکامیاب کرے pic.twitter.com/LyNwRfVTKO
— Mohammad Yousaf (@yousaf1788) April 2, 2021
انھوں نے کہا کہ اللّٰہ تعالیٰ نے گوہر لیاقت کو بے پناہ ٹیلنٹ سے نوازا ہے، دل خوش ہوگیا میری دعا ہے کہ اللّٰہ اسے کامیاب کرے یہ ملک کیلئے اثاثہ ثابت ہوں گے۔
