بلاول بھٹواورلطیف کھوسہ کی سپریم کورٹ میں اچانک ملاقات،پھر کیا ہوا؟

فائل:فوٹو

اسلام آباد: پاکستان پیپلز پارٹی کے چیئرمین بلاول بھٹواورلطیف کھوسہ کی سپریم کورٹ میں اچانک ملاقات،پھر کیا ہوا؟ یہ ملاقات سپریم کورٹ کے گیٹ پر اچانک ملاقات ہو ئی ۔

چیئرمین پیپلزپارٹی وسابق وزیرخارجہ بلاول بھٹو زرداری سابق وزیراعظم ذوالفقار علی بھٹو صدارتی ریفرنس کی سماعت کیلئے آصفہ بھٹو اور صنم بھٹو کے ہمراہ سپریم کورٹ کے داخلی دروازے پر پہنچے تو ان کی ملاقات پی ٹی آئی رہنما لطیف کھوسہ سے ہوئی۔

بلاول بھٹو نے اپنے پرانے پارٹی رہنما اور وکیل لطیف کھوسہ کو دیکھتے ہی کہا کہ دیکھو دیکھو مجھے کون نظر آیا۔اس کے بعد لطیف کھوسہ اور بلاول بھٹو نے مصافحہ کیا اور بغل گیر ہوئے۔

بلاول بھٹو زرداری اور لطیف کھوسہ کی سپریم کورٹ گیٹ میں اچانک ملاقات۔۔ بلاول بھٹو نے لطیف کھوسہ کو دیکھ کر نعرہ لگا دیا
دیکھو دیکھو مجھے کون نظر آیا، بلاول بھٹو زرداری کی لطیف کھوسہ سے گفتگو !! pic.twitter.com/xJs3jetHdQ

— Maryam Malik (@MaryamMalikPK) January 8, 2024

بلاول بھٹو زرداری اور لطیف کھوسہ نے ایک دوسرے کا مختصراً حال احوال پوچھا، اس موقع پر پی ٹی آئی رہنما لطیف کھوسہ بھی بلاول بھٹو کر دیکھ کر مسکراتے رہے۔

مختصراً ملاقات کے بعد لطیف کھوسہ سپریم کورٹ سے باہر اور بلاول بھٹو اندر چلے گئے۔

خیال رہے کہ 17 دسمبر 2023ء کو پیپلز پارٹی کے سابق رہنما لطیف کھوسہ نے پاکستان تحریک انصاف میں شمولیت کا اعلان کیا تھا۔