عمران خان مخالف مہم کی اگلی قسط، اہلیہ اوربہنوں میں اختلافات سے متعلق آڈیولیک

فوٹو: سوشل میڈیا

اسلام آباد: چیئرمین پی ٹی آئی عمران خان مخالف مہم کی اگلی قسط، اہلیہ اوربہنوں میں اختلافات سے متعلق آڈیولیک ہوئی ہے،آڈیو میں بشری بی بی اور وکیل لطیف کھوسہ کے درمیان ٹیلی فونک کال لائٹ موڈمیں باتیں کرنے کو اقتدار کی جنگ قرار دیا جارہاہے۔

میڈیا رپورٹس کے مطابق بشری بی بی اور وکیل لطیف کھوسہ کے درمیان ٹیلی فونک کال لیک ہوگئی۔ کال کے دوران کیس سے متعلق بشری بی بی اور لطیف کھوسہ آپس میں محو گفتگو ہیں تاہم میڈیا رپورٹس میں یہ نہیں بتا یا گیا کہ یہ کال لیک کس نے کی ہے؟

آڈیوکال میں بشری بی بی لطیف کھوسہ کو ہنستے ہوئے بتا رہی ہیں کہ کیس پر بات چیت کے دوران کہا کہ چیئرمین پی ٹی آئی کی بہنوں کی موجودگی کے باعث ہمارا وہاں کافی مسئلہ پڑگیا تھا۔

بشری بی بی نے کہا کہ وہ جس طریقے سے بول رہیں تھیں میں نے کہا آپ اس طریقے سے مت بولیں ،تووہ جی کافی بولیں اوربہت زیادہ بولیں، میں نے خان صاحب کو کہا جی نہیں بس میرے وکیل وہی ہیں ،تومیں پھر اٹھ کر آگئی۔

بشری بی بی نے کہا کہ وہاں پر کافی سارا ایشو کھڑا ہوگیا میں حیران رہ گئی تھی کہ لیکن پھر میں نے زیادہ مناسب سمجھا نہیں کہ میں زیادہ بہنوں سے بات کروں، بس میں نے خان صاحب کہ کہہ دیا جی کہ میرے سارے کیسز وہی کریں گے اورآپ کے جتنے اب ہوں گے جو میں نہیں سمجھوں گی کہ اب یہ لیٹ ہورہاہے تو وہ انہی کودوں گی۔

 انہوں نے کہا کہ جی اس نے ہمارے سے اتنی بدتمیزی کی ہے کہ ہم سوچ بھی نہیں سکتے تھے کہ کسی کی ہمت ہو اتنی، تو میں نے ان کو آگے سے یہ کہا میں نے کہا ۔۔ان کو کیاضرورت تھی کہ یہ تینوں اٹھ کر ان کے آفس چلی جائیں ؟ میں نے کہا کہ یہ کون ہوتی ہیں پوچھنے والی؟کہتی ہیں نہیں ہم پوچھنے گئے تھے کہ آپ نے یہ والی ،زہر والی لائن کیوں لکھی ہے ؟

لطیف کھوسہ جواب نے ہنستے ہوئے غیر سنجیدہ انداز میں کہتے ہیں۔۔۔۔برکیف ۔۔۔وہ پتا نہیں ا ن کو کیا پرابلم ہے؟۔

بشری بی بی نے کہا کہ وہ کہتی ہیں ہم نے جانا نہیں تھا ،کھوسہ صاحب کی وائف نے کہا کہ تم لوگ جاکر ملو،میں نے کہا ان کی آپس میں لڑائیاں شروع ہوجائیں گی ۔پھر میں خاموش ہوگئی۔

بشریٰ بی بی اور عمران خان کی بہنوں کے درمیان پارٹی اقتدار کی جنگ چھڑ گئی، بشریٰ بی بی کی عمران خان کی بہنوں کے خلاف مبینہ آڈیو لیک ہوگئی#ImranKhan #BushraBibi #WENews pic.twitter.com/fhepKvgZzj

— WE News (@WENewsPk) November 30, 2023

لطیف کھوسہ نے کہا کہ میں بدتمیزی کرنے والاہوں ہی نہیں ،میں ضرور یہ کہاکہ دیکھیں بابا آپ پلیز مت اس کو انسسٹ کریں ، مجھے آپ کرنے دیں جس طرح میں سمجھتاہوں مناسب ،اسی بات پہ انہوں نے کہا کہ جی بدتمیزی کی ہے ۔میں نے کیا بدتمیزی کرنی تھی۔

بشری بی بی نے کہا کہ نہیں جی ،اب میں آپ کو بتاتی ہوں ،انہوں نے یہ کہا کہ وہ اس پٹیشن کے لئے گئی ہیں، وہ کہتی ہیں یہ ہے ہی جھوٹ،ہم گئے تھے ان سے ویسے ملنے کے لئے ،ہاں آگے ان کارویہ، انہوں نے خان کوکہتی ہیں تمہارے بارے میں 9مئی کے حوالے سے ،سائفر کے حوالے میں اتنا برا بولا۔