ڈیرہ اسماعیل خان میں پولیس وین کے قریب دھماکا، 5 افراد جاں بحق ، 20 زخمی

فائل:فوٹو

ڈی آئی خان :ڈیرہ اسماعیل خان میں ٹانک اڈہ پر پولیس وین کے قریب دھماکے کے نتیجے میں 5 افراد جاں بحق اور 20 زخمی ہوگئے ۔

ڈیرہ اسماعیل خان میں ٹانک اڈہ پر پولیس وین کے قریب دھماکا ہوا ہے۔ پولیس حکام کاکہناہے کہ دھماکے کے نتیجے میں 5 افراد جاں بحق اور 20 زخمی ہوئے ہیں جنہیں ہسپتال منتقل کر دیا گیا ہے۔زخمیوں میں پولیس اہلکار بھی شامل ہیں، کئی زخمیوں کی حالت تشویش ناک ہے۔

پولیس کے مطابق دھماکے سے کئی موٹر سائیکلوں کو بھی نقصان پہنچا ہے۔ جبکہ دھماکے کے بعد فائرنگ کی آوازیں بھی سنی گئیں۔

پولیس کا کہنا ہے کہ ابتدائی معلومات کے مطابق پولیس وین کو ٹارگٹ کیا گیا ہے۔