فوٹو: فائل
اسلام آباد( زمینی حقائق ڈاٹ کام )کورونا ویکسین لگوانے والے دوسال کے اندر انتقال کر جائیں گے یہ خبر سوشل میڈیا پر کئی دن تک چلنے کے بعد اب وزارت صحت کو وضاحت کرنا پڑ گئی ہے۔
ویکسین لگوانے والے افراد کی موت کی خبر ایک فرانسیسی نوبل انعام یافتہ سائنسدان کی پیش گوئی پر مبنی ہونے کے باعث کورونا ویکسین لگوانے والوں میں تشویش کی لہر دوڑ گئی تھی۔
زیادہ تر لوگ اس پیش گوئی پر اس لئے سنجیدہ سوچنے لگے کیونکہ جس سے یہ پشین گوئی منسوب ہے وہ کوئی اور نہیں ایک نوبل انعام یافتہ سینئر ترین سائنسدان ہے۔
کسی اخبار میں شائع شدہ خبر کا تراشاسوشل میڈیا پرگزشتہ کئی روز سے وائرل ہورہا ہے جو فرانسیسی نوبل انعام یافتہ سائنسدان سے منسوب کیا گیا ہے۔
وفاقی وزارت صحت کی طرف سے جاری وضاحت میں کہا گیاہے کہ کورونا ویکسین لگوانے سے 2 سال میں موت کی خبر محض ایک افوا ہ اور من گھڑت خبر ہے۔
وزارت صحت کے مطابق نوبل انعام یافتہ سائنسدان نے اپنے انٹرویو میں ایسی کوئی بات نہیں کی ہے کہ ویکسین لگوانے والے 2 سال میں مرجائیں گے۔
تمام ویکسین تحقیق اور ٹیسٹنگ کے مراحل سے گزر کر عام عوام تک پہنچتی ہیں۔ اور کوئی سائنسی تحقیق یہ ثابت نہیں کرتی کے ویکسین لگوانے سے دو سال بعد موت واقعہ ہو سکتی ہے۔ pic.twitter.com/9H9m3X9RZS
— Ministry of National Health Services, Pakistan (@nhsrcofficial) May 28, 2021
وزارت کا کہنا ہے کہ تمام ویکسین تحقیق اور ٹیسٹنگ کے مراحل سے گزر کر عام عوام تک پہنچتی ہیں، کوئی سائنسی تحقیق یہ ثابت نہیں کرتی کہ ویکسین لگوانے سے دو سال بعد موت واقع ہو سکتی ہے۔
Comments are closed.