شہباز شریف نےنواز شریف کے خلاف کھڑے ہونے کے بجائے جیل کو ترجیح دی،مریم نواز

لاہور(ویب ڈیسک) مسلم لیگ ن کی نائب صدر مریم نوازنےکہا کہ شہباز شریف نے اپنے بھائی کے خلاف استعمال ہونے سے انکار کر دیا تھا اس لیے انہیں گرفتار کیا گیا۔

اگر اس ملک میں احتساب اور انصاف ہوتا تو شہباز شریف نہیں، عاصم سلیم باجوہ اور اس کا خاندان گرفتار ہوتا۔

— Maryam Nawaz Sharif (@MaryamNSharif) September 28, 2020

قومی اسمبلی میں اپوزیشن لیڈر شہباز شریف کی گرفتاری پر ردعمل دیتے ہوئے مریم نواز نے اپنے ٹوئٹ میں کہا شہباز شریف نے اپنے بھائی نواز شریف کے خلاف کھڑے ہونے کے بجائے جیل جانے کو ترجیح دی، شہباز شریف آپ کو سلام۔

نائب صدر مسلم لیگ ن نے کہا کہ اگر ملک میں احتساب اور انصاف ہوتا تو شہباز شریف نہیں عاصم سلیم باجوہ گرفتار ہوتے۔

شہباز شریف کا صرف یہ قصور ہے کہ اس نے نواز شریف کا ساتھ نہیں چھوڑا۔ اس نے جیل جانے کو ترجیح دی مگر اپنے بھائی کو ساتھ کھڑا رہا۔ یہ انتقامی احتساب نواز شریف اور اس کے ساتھیوں کا حوصلہ پست نہیں کر سکتے۔ اب وہ وقت دور نہیں جب اس حکومت اور ان کو لانے والوں کا احتساب عوام کرے گی۔

— Maryam Nawaz Sharif (@MaryamNSharif) September 28, 2020

مسلم لیگ ن کی ترجمان مریم اورنگزیب نے بھی شہباز شریف کی گرفتاری کی مذمت کرتے ہوئے کہا کہ ہر مخالف آواز کو بند کیا جا رہا ہے، نیب نے عمران خان کے حکم پر شہباز شریف کو گرفتار کیاگیا ، شہباز شریف کی گرفتاری اے پی سی کو مفلوج کرنے کے لیے ہے۔

مریم اورنگزیب نے الزام عائد کیا کہ پی ٹی آئی حکومت نے گلگت بلتستان الیکشن میں دھاندلی کا فیصلہ کر لیا ہے، لیکن ہم ڈرنے والے نہیں ایک ایک چیز کا مقابلہ کریں گے۔

ان کا کہنا تھا کہ اے پی سی پروگرام کی شروعات آج سے ہو گئی ہے، آج سے اے پی سی کے لائحہ عمل پر عملدرآمد شروع ہوگیا ہے۔

سینیٹ میں قائد حزب اختلاف سینیٹر راجا ظفرالحق نے اپنے مذمتی بیان میں کہا کہ صدر مسلم لیگ ن شہباز شریف کی گرفتاری انتہائی افسوسناک ہے۔ حزب اختلاف کے ساتھ یہ سلوک ملک کو ایک نئی آزمائش میں گرفتار کر سکتا ہے