کراچی(ویب ڈیسک)نامور پاکستانی اداکار عابد علی کی بیٹی راحمہ علی نے اپنے والد کی موت کی تردید کرتے ہوئے کہا ہے کہ میرے والد زندہ ہیں ان کی موت سے متعلق جھوٹی افواہیں پھیلائی جارہی ہیں جب تک وہ زندہ ہیں انہیں زندہ رہنے دیاجائے۔
لیجنڈ اداکار عابد علی ان دنوں شدید علیل ہیں اور اسپتال میں زیرعلاج ہیں۔ ان کی بیٹیوں ایمان علی اورراحمہ علی نے سوشل میڈیا پر لوگوں سے درخواست کرتے ہوئے کہا تھا کہ ان کے والد کی حالت تشویشناک ہے لہٰذا ان کی جلد صحت یابی کی دعا کریں۔
سوشل میڈیا پرعابد علی کی موت کی جھوٹی افواہیں گردش کرنے لگیں جس پر عابد علی کی چھوٹی بیٹی راحمہ نے والد کی موت کی جھوٹی افواہیں پھیلانے والوں کو شدید تنقید کا نشانہ بنایا۔
انھوں نے کہا ہے کہ میرے والد زندہ ہیں ان کی موت سے متعلق جھوٹی افواہیں پھیلائی جارہی ہیں، ان کی موت کی خبر میں کوئی صداقت نہیں، جب تک وہ زندہ ہیں ان کو زندہ رہنے دیا جائے۔
راحمہ نے مزید کہا میں نے پہلے بھی قوم سے دعاؤں کی اپیل کی تھی، اب بھی قوم سے ان کی زندگی اور صحت کے لئے دعاؤں کی اپیل کرتی ہوں، کچھ دیر قبل ہی اسپتال انتظامیہ نے والد کا چیک اپ کیا وہ خیریت سے ہیں۔
Comments are closed.