اسلام آباد( زمینی حقائق ڈاٹ کام) تحریک انصاف کے حقیقی آزادی مارچ میں ہر طبقہ فکر کے لوگ موجود ہیں ایسے میں ڈرامہ انڈسٹری کی ممتاز اداکارہ مریم نفیس بھی کراچی سے اسلام آباد پہنچی ہیں۔
مریم نفیس نے کراچی سے روانگی کے وقت بھی اپنی مختصر ویڈیو شیئر کرتے ہوئے کہا تھا کہ وہ اسلا م آباد جارہی ہیں حقیقی آزادی مارچ میں شرکت کرنے کیلئے ۔
• We here!
Air full of tear gas but spirits high as ever 🇵🇰#حقیقی_آزادی_مارچ@PTIofficial pic.twitter.com/VvIgrvWnZt
— Mariyam Nafees Amaan (@MariyamNafeees) May 25, 2022
آج جب ڈی چوک اسلام آباد میں زبردست شیلنگ ہو رہی تھی تواداکارہ مریم نفیس شیلنگ کے باوجود ڈی چوک میں موجود رہیں ، انھوں نے تصاویر شیئر کرتے ہوئے لکھا کہ شدید شیلنگ ہے مگر جذبہ موجود ہے۔
آزادی مارچ پر پولیس کے تشدد اور گرفتاریوں پر ان کا کہنا تھا کہ لوگ احتجاج کرنے آئے ہیں اور غیر مسلح ہیں ان میں بچے اور خواتین بھی شامل ہیں لیکن اس کے باوجود ان پر شیلنگ کی جارہی ہے۔
انھوں نے لوگوں سے سوال کیا کہ اب ان پر تنقید کیوں نہیں ہو رہی ہے؟ دوسری طرف کراچی میں نمائش چورنگی کراچی میں بھی پی ٹی آئی کے رہنماوں ، کارکنوں اور عام شہریوں کی بڑی تعداد دھرنا دیئے بیٹھی ہے۔
?Ab kyun chup ho •
#حقیقی_آزادی_مارچ pic.twitter.com/OijlERjUOm
— Mariyam Nafees Amaan (@MariyamNafeees) May 25, 2022
نمائش چورنگی پر دن بھر پولیس اور مظاہرین میں جھڑپیں بھی جاری رہیں اور پولیس نے مظاہرین پر بے رحمانہ تشدد کیا اس دوران کئی گاڑیوں کے شیشے بھی ٹوٹ گئے ایک پولیس وین کو آگ لگادی گئی۔
نمائش چورنگی میں اس وقت لوگ پر امن بیٹھے ہیں اور علی زیدی سمیت پی ٹی آئی کے دیگر مقامی رہنما موجود ہیں اور وہ ڈی چوک اسلام آباد پہنچنے کے بعد عمران خان کے خطاب کے منتظر ہیں۔
Comments are closed.