فوٹو : اسکرین شاٹ
اسلام آباد : ن لیگ کے رہنما نے الیکشن کمیشن کے باہر میڈیا سے گفتگو کی ہے، کہتے ہیں، عمران خان اڈیالہ میں انجوائے کر رہا ہے، ہتھکڑی لگا کر سبی جیل پھینکیں، عابد شیر علی کا کہنا تھاوہ دیسی مرغے کھا رہا ہے.
عابد شیر علی جو کہ شریف فیملی کا حصہ ہیں گفتگو کرتے ہوئے خاصے برہم دکھائی دئیے ،ان کا کہنا تھا بانی پی ٹی عمران خان تو اڈیالہ جیل میں انجوائے کر رہے ہیں، انہیں سبی جیل میں پھینکیں، ہتھکڑی لگا کر اٹک قلعے کی چار دیوار میں رکھیں جیسے نواز شریف کو مہینوں رکھا گیا تو پتا چلے کہ جیل کسے کہتے ہیں۔
عابد شیر علی کا کہنا تھا کہ بانی پی ٹی آئی عمران خان سے ملاقات کے لیئے رات کے اندھیرے میں احتجاج کیا جاتا ہے،مجرموں سے دن میں ملاقات ہوتی ہے رات کو نہیں ہوتی ہے۔
انہوں نے کہا کہ اگر رات کے اندھیرے میں کوئی واقعہ ہوجائے تو حکومت کی ذمہ داری ہے اس کو روکے، دہشتگردی کا واقعہ اگر ہوتو کون ذمہ دار ہوگا؟۔
لنگڑے کو سبی جیل میں پھینکیں، ہتھکڑی لگا کر اٹک جیل کی چار دیواری میں رکھیں، اِسے پتہ لگے جیل کہتے کسی ہیں،سینیٹر عابد شیر علیpic.twitter.com/raCtixBR7x
— Pervaiz Sandhila (@chsandhilaa) December 18, 2025
عابد شیر علی نے کہا کہ ہر روز جیل کے قیدی سے ملاقات نہیں ہوسکتی، کبھی ملنے چیف منسٹر آجاتے ہیں کبھی کوئی کبھی کوئی ، عمران خان کے پاس جیل میں 5 کمرے ہیں مشقتی ہے کیا دیگر مجرم بھی دیسی مرغے کھا رہے ہیں اس مجرم کی طرح؟
انھوں نے مطالبہ کیا کہ سابق وزیراعظم عمران خان کو سبی جیل میں پھینکیں یا اٹک قلعے میں رکھیں، جیسے نوازشریف کو رکھا ویسے بانی پی ٹی آئی کو رکھا جائے تو جیل کا معلوم ہوگا۔
مسلم لیگ نون کے کے رہنما نے کہا کہ بھارت میں خواتین کا نقاب اتارنے کے واقعہ کی مذمت کرتے ہیں، بھارت میں درندہ صفت لوگ بیٹیوں بہنوں پر ہاتھ ڈالتے ہیں۔
Comments are closed.