خیبرپختونخوا اسمبلی امن جرگے کا 15 نکاتی اعلامیہ ،21 ممبرز نے دستخط کئے

فوٹو : کے پی حکومت

پشاور : خیبرپختونخوا اسمبلی امن جرگے کا 15 نکاتی اعلامیہ ،21 ممبرز نے دستخط کئے ہیں، جرگہ میں پاکستان تحریک انصاف، عوامی نیشنل پارٹی، پیپلزپارٹی اور جماعت اسلامی سمیت مختلف جماعتوں کے وفود نے شرکت کی۔

اعلامیہ کے مطابق امن جرگہ متفقہ طورپرضم اضلاع سمیت صوبے میں جاری دہشت گردی کی مذمت کرتاہے اور دہشت گردی کے خاتمے کیلئے صوبائی اسمبلی کواعتماد میں لیکر ہر قانونی راستہ اپنایا جائے گا۔

اعلامیہ میں کہا گیا ہے کہ امن وامان سے متعلق صوبائی اسمبلی کی متفقہ قراردادوں پر فوری عمل درآمد کیاجائے۔ صوبے میں پولیس اور سی ٹی ڈی داخلی سلامتی کی قیادت کریں گی.

پولیس ضرورت کے مطابق آئینی طور پرباقی اداروں سے معاونت طلب کرسکتی ہے، حکومت صوبے میں امن وامان کی مخدوش صورتحال میں پولیس اور سی ٹی ڈی کوخصوصی مالی معاونت فراہم کرے گی۔

اعلامیہ میں کہا گیا ہے کہ بھتہ خوری اور غیر قانونی محصولات کے خاتمے کیلئے ایک مربوط پالیسی بنائی جائے، صوبائی سطح پرامن کے فورم قائم کیےجائیں جن میں اکثریت غیرسرکاری اراکین کی ہو۔

مقامی حکومتوں کے استحکام اور مالی تحفظ کیلئے آئینی ترمیم کی جائے، صوبائی فنانس کمیشن کو قومی فنانس کمیشن کےساتھ منسلک کیا جائے، امن جرگہ یہ تجویز کرتا ہےکہ وفاق اور صوبائی حکومت کےدرمیان تناؤ کو کم کیا جائے اور مشترکہ مفادات کونسل کا اجلاس آئینی مدت کے مطابق بلایا جائے۔

جرگہ یہ تجویزکرتا ہے صوبائی حکومت اوراسمبلی صوبائی ایکشن پلان مرتب کرے اور پاک افغان بارڈر کو تجارت کے لیے فی الفور کھولا جائے، پاک افغان خارجہ پالیسی میں وفاق صوبائی حکومت سےمشاورت کرے۔

https://https://x.com/BabarSaleemSwat/status/1988618457659916718?t=Cz3mGmC5zuHmKYV9OxdvBA&s=19

خیبرپختونخوا اسمبلی میں امن جرگہ ہوا جس میں پاکستان تحریک انصاف، عوامی نیشنل پارٹی، پیپلزپارٹی اور جماعت اسلامی سمیت مختلف جماعتوں کے وفود نے شرکت کی۔

اس سے قبل امن جرگے کے شرکا کیلئے ریڈ کارپٹ بچھایا گیا، شرکا کا استقبال اسپیکر بابرسلیم سواتی اور اپوزیشن لیڈر ڈاکٹرعباد اللہ نے کیا۔ جرگہ کے شرکاگورنرفیصل کریم کنڈی، سابق گورنرغلام علی کوپولیس نےسلامی پیش کی جبکہ سابق وزیراعلیٰ خیبرپختونخوا محمود خان کو پولیس کے دستے نے سلامی پیش کی۔

جرگہ میں شرکت کرنے والے سیاسی رہنماؤں
میاں افتخار، سراج الحق، آفتاب شیرپاؤ اور سینیٹرمولاناعطا الرحمان کو بھی گارڈ آف آنرپیش کیاگیا۔