تحریک انصاف اور جے یو آئی کے سینیٹر نے 27ویں ترمیم منظوری کے حق ووٹ دیئے

فوٹو :سوشل میڈیا 

اسلام آباد: تحریک انصاف اور جے یو آئی کے سینیٹر نے 27ویں ترمیم منظوری کے حق ووٹ دیئے، ان میں تحریک انصاف کے رکن سیف اللہ ابڑو اور جمیعت علما اسلام کے سینیٹر احمد خان شامل تھے۔

 سینیٹ ذرائع کے مطابق دونوں اراکین کی جانب سے آئینی ترمیم کے حق میں ووٹ کاسٹ کیا جب کہ وزیر قانون اعظم نذیر تارڑ نے 27 ویں ترمیم منظوری کیلئے سینیٹ میں پیش کی۔

سینیٹ میں 27 ویں ترمیم کی منظوری کےلیے ہونے والے اجلاس کی صدارت چیئرمین سید یوسف رضا گیلانی نے کی اور آئینی ترمیم کی شق وار منظوری دی گئی۔

خیال رہے ایوان میں اِس وقت حکومت اور اتحادی جماعتوں کی دوتہائی اکثریت میں سے عرفان صدیقی اور ایک اور سینیٹر موجود نہیں تھے جن کی کمی اپوزیشن کے سینیٹرز نے پوری کی۔