فوٹو : سوشل میڈیا
اسلام آباد: وزیراعظم شہباز شریف نے عرب اسلامک سربراہی اجلاس کے موقع پر امیر قطر شیخ تمیم بن حمد الثانی سے ملاقات میں 9 ستمبر کو دوحہ پر اسرائیلی حملے کی شدید مذمت کی۔
وزیراعظم نے کہا کہ یہ کارروائی قطر کی خودمختاری اور عالمی قوانین کی کھلی خلاف ورزی ہے۔
وزیراعظم ہاؤس سے جاری اعلامیے کے مطابق ملاقات میں ڈپٹی وزیراعظم اسحاق ڈار اور آرمی چیف جنرل عاصم منیر بھی موجود تھے۔
شہباز شریف نے قطر کی جانب سے سربراہی اجلاس بلانے کے فیصلے کو سراہتے ہوئے کہا کہ پاکستان مشکل وقت میں قطر کے ساتھ کھڑا ہے اور دونوں ممالک کے برادرانہ تعلقات مزید مضبوط ہوں گے۔
اعلامیے کے مطابق دونوں رہنماؤں نے خطے کی بدلتی صورتحال پر قریبی رابطے میں رہنے پر اتفاق کیا۔ اس موقع پر امیر قطر نے وزیراعظم شہباز شریف کی سمٹ میں شرکت پر شکریہ ادا کیا۔
وزیراعظم نے کہا کہ مشرق وسطیٰ میں اسرائیلی جارحیت فوری طور پر روکی جائے، آج مسلم امہ کے اتحاد کی پہلے سے کہیں زیادہ ضرورت ہے۔
شہباز شریف کا امیر قطر سے اظہار یکجہتی، اسرائیلی حملے کو عالمی قوانین کی خلاف ورزی قرار
Comments are closed.