صدر مملکت اور وزیراعظم سمیت اہم شخصیات نے نماز عیدالفطر کہاں کہاں ادا کی؟

فائل:فوٹو
اسلام آباد:صدر مملکت اور وزیراعظم سمیت اہم شخصیات نے نماز عیدالفطر کہاں کہاں ادا کی؟
ملک بھر میں عیدالفطر مذہبی عقیدت و احترام کے ساتھ منائی جا رہی ہے، اس مناسبت میں ملک بھر کے مختلف شہروں اور قصبوں میں نماز عید کے روح پرور اجتماعات منعقد ہوئے، اجتماعات میں امت مسلمہ، ملکی سلامتی اور امن کے لئے خصوصی دعائیں کی گئیں۔
صدر مملکت آصف علی زرداری نے زرداری ہاوٴس نواب شاہ میں عید نماز ادا کی، آصف علی زرداری کے ہمراہ ڈپٹی سپیکر قومی اسمبلی سید غلام مصطفیٰ شاہ، صوبائی وزیر جیل خانہ جات حاجی علی حسن زرداری نے بھی عید نماز ادا کی، نماز کے بعد فرداً فرداً سب سے عید ملی، صوبائی وزیر صحت ڈاکٹر عذرا فضل پیچوہو، ایم پی اے فریال تالپور بھی نواب شاہ میں عید منا رہی ہیں۔
وزیراعظم شہباز شریف نے ماڈل ٹاوٴن لاہور میں نماز عید ادا کی، حمزہ شہباز اور دیگر پارٹی رہنما بھی شریک ہوئے، صدر مسلم لیگ (ن) نواز شریف نے جاتی امراء میں نماز عید پڑھی، 
چیئرمین سینیٹ یوسف رضا گیلانی نے ملتان میں نماز عید پڑھی، سابق چیئرمین سینٹ صادق سنجرانی نے عید الفطر کی نماز اپنے آبائی علاقہ نوکنڈی میں ادا کی، نماز کے بعد صادق سنجرانی نے لوگوں سے عید بھی ملی۔
چیئرمین پاکستان پیپلزپارٹی بلاول بھٹو زرداری اور وزیر اعلیٰ سندھ مراد علی شاہ نے گڑھی خدا بخش لاڑکانہ میں نماز عید ادا کی، بلاول بھٹو زرداری نماز عید کے بعد شہریوں سے عید ملے اور عید کی مبارک باد دی۔
بلاول بھٹو زرداری کے ہمراہ قائم علی شاہ، آغا سراج درانی، جمیل سومرو، سہیل انور سیال و دیگر نے نماز عید ادا کی، چیئرمین پیپلزپارٹی نے نماز عید کے بعد شہید ذوالفقار علی بھٹو اور شہید محترمہ بینظیر بھٹو کے مزارات پر حاضری دی اور فاتحہ خوانی کی، انہوں نے بیگم نصرت بھٹو، شہید میر مرتضیٰ بھٹو اور شہید میر شاہنواز بھٹو کے مزارات پر بھی فاتحہ خوانی کی۔
اس موقع پر چیئرمین پیپلزپارٹی بلاول بھٹو زرداری نے ملک میں معاشی استحکام اور عوام کی خوشحالی کیلئے دعائیں کیں۔
اپوزیشن لیڈر عمر ایوب خان نے نماز عید ہری پور میں اپنے آبائی گاوٴں ریحانہ میں ادا کی، سابق صوبائی وزیر بلدیات یوسف ایوب خان نے بھی نماز عید ریحانہ میں پڑھی، نماز کے بعد عمر ایوب خان اور یوسف ایوب خان لوگوں سے عید بھی ملے۔
گورنر سندھ کامران ٹیسوری، وفاقی وزیر خالد مقبول صدیقی، فاروق ستار اور دیگر رہنماوٴں نے گورنر ہاوٴس کراچی میں نماز عید ادا کی جبکہ میئر کراچی مرتضیٰ وہاب، ڈپٹی میئر سلمان مراد، سابق میئر کراچی وسیم اختر، رکن قومی اسمبلی مرزا اختیار بیگ اور ارشد وہرا نے پولو گراوٴنڈ کراچی میں نماز عید پڑھی۔
وزیر اعلیٰ خیبر پختونخوا سردار علی امین خان گنڈاپور نے عید کی نماز اپنے آبائی ضلع ڈی آئی خان میں ادا کی، ملک کی سلامتی اور خوشحالی، قومی یکجہتی اور امت مسلمہ کے اتحاد کیلئے خصوصی دعائیں کی گئیں۔
وزیر اعلیٰ بلوچستان میر سرفراز بگٹی احمد بگٹی نے وزیر اعلیٰ ہاوٴس کوئٹہ میں نماز عید ادا کی، صوبائی وزراء نور محمد دمڑ، بخت کاکڑ نے بھی وزیر اعلیٰ ہاوٴس میں نماز عید پڑھی، رکن بلوچستان اسمبلی حاجی علی مدد جتک اور آئی جی پولیس بلوچستان نے بھی وزیر اعلیٰ ہاوس میں نماز عید ادا کی۔
سابق چیف جسٹس پاکستان افتخار چودھری، سپریم کورٹ کے آئینی بنچ کے سربراہ جسٹس امین الدین خان، سپریم کورٹ کے جسٹس شاہد بلال حسن، لاہور ہائیکورٹ کے جسٹس عابد عزیز شیخ، جسٹس ساجد محمود سیٹھی نے نماز عید جی او ا?ر ون کی مسجد میں ادا کی۔
ایڈیشنل چیف سیکرٹری پنجاب اور سابق میئر خواجہ احمد حسان نے بھی جی او ا?ر ون کی مسجد میں نماز عید ادا کی، نماز عید کی ادائیگی کے ملک اور قوم کی سلامتی کیلئے خصوصی دعا کی گئی۔
سپیکر پنجاب اسمبلی ملک محمد احمد خاں نے اپنے آبائی گاوٴں کھائی ہٹھاڑ قصور میں عید الفطر کی نماز ادا کی، سپیکر پنجاب اسمبلی نے عید کی نماز اپنے عزیز واقارب اوراہل دیہہ کیساتھ عید گاہ میں ادا کی، وہ نماز عید کے بعد بزرگوں، نوجوانوں اور بچوں کو گلے ملے اور عید کی مبارکباد دی۔