فائل:فوٹو
راولپنڈی :بانی پی ٹی آئی اور بشری بی بی کے خلاف توشہ خانہ ٹو کیس کی سماعت وکلاء صفائی کی عدم حاضری کے باعث 23 جنوری تک ملتوی کر دی گئی، عدالت کا ملزمان کے وکلاء کی عدم حاضری پر شدید اظہار برہمی آئندہ سماعت پر ہر صورت حاضری یقینی بنانے کا حکم دیا۔
توشہ خانہ ٹو کیس کی سماعت اسپیشل جج سینٹرل شاہ رخ ارجمند نے اڈیالہ جیل میں کی، سماعت وکلا صفائی کی عدم حاضری کے باعث بغیر کاروائی ملتوی کردی گئی۔
آج ہونے والی سماعت کے موقع پر وکلا صفائی کی عدم حاضری پر عدالت نے شدید اظہار برہمی کرتے ہوئے وکلاء صفائی کو آئندہ سماعت پر انہیں اپنی حاضری یقینی بنانے کا حکم دیا۔
سماعت کے موقع پر ایف ائی اے کے سپیشل پبلک پراسیکیوٹر اور گواہان عدالت پیش ہوئے جبکہ ملزمان بانی پی ٹی آئی اور بشری بی بی کو بھی کمرہ عدالت میں پیش کیا گیا۔
بعدازاں عدالت نے سماعت 23 جنوری تک ملتوی کردی۔
Comments are closed.