فائل:فوٹو
اسلام آباد: انسداد دہشت گردی عدالت نے پی ٹی آئی کے کوآرڈینیٹر احمد وقاص جنجوعہ کا 7 دن کا جسمانی ریمانڈ منظور کرتے ہوئے 29 جولائی کو عدالت میں پیش کرنے کا حکم دے دیا۔
پی ٹی آئی کے لاپتا کوآرڈینیٹر کو انسداد دہشت گردی عدالت میں پیش کرکے 7 روزہ ریمانڈمنظور کرلیاگیا۔
پاکستان تحریک انصاف کے لاپتا کوآرڈینیٹر احمد وقاص جنجوعہ کو انسداد دہشت گردی کی عدالت یں پیش کردیا گیا، جہاں جج طاہر عباس سپرا نے کیس کی سماعت کی۔ احمد وقاص جنجوعہ کو تھانہ سی ٹی ڈی میں درج مقدمے میں اے ٹی سی میں پیش کیا گیا۔
دوران سماعت تفتیشی افسر نے عدالت کو بتایا کہ احمد وقاص جنجوعہ سے گرفتاری کے وقت دھماکا خیز مواد برآمد ہوا۔ کالعدم تنظیموں سے تعلقات، مزید تفتیش اور ریکوری کے لیے ملزم کا جسمانی ریمانڈ دیا جائے۔ تفتیشی کی جانب سے احمد وقاص جنجوعہ کے 15 روزہ جسمانی ریمانڈ کی استدعا کردی گئی۔
انسداد دہشت گردی عدالت نے پی ٹی آئی کے کوآرڈینیٹر احمد وقاص جنجوعہ کا 7 دن کا جسمانی ریمانڈ منظور کرتے ہوئے 29 جولائی کو عدالت میں پیش کرنے کا حکم دے دیا۔
قبل ازیں پی ٹی آئی کے انٹرنیشنل میڈیا کوآرڈینیٹر احمد جنجوعہ کے لاپتا ہونے کا مقدمہ تھانہ ہمک میں درج کردیا گیا جس کی کاپی پراسیکیوٹر جنرل آفس کے حکام کی جانب سے اسلام آباد ہائی کورٹ میں پیش کردی گئی ہے۔
یاد رہے کہ پی ٹی آئی کوآرڈینیٹر احمد وقاص جنجوعہ کے لاپتا ہونے کا کیس اسلام آباد ہائیکورٹ میں زیر سماعت ہے۔
Comments are closed.