پرویز الہٰی ودیگر کے نام پاسپورٹ کنٹرول لسٹ سے نکالنے کا حکم

فائل:فوٹو

لاہور: لاہور ہائیکورٹ نے سابق وزیراعلیٰ پنجاب پرویز الہٰی ، زارا الہٰی اور راسخ الہٰی کے نام پاسپورٹ کنٹرول لسٹ سے نکالنے کا حکم دیدیا۔
لاہور ہائیکورٹ کے جسٹس شمس محمود مرزا نے درخواست پر فیصلہ سنایا۔

ٓاٹھائیس جون کو وفاقی حکومت نے صدر تحریک انصاف پرویز الہٰی کا نام پی سی ایل میں ڈال دیا تھا جسے انہوں نے عدالت میں چیلنج کردیا تھا۔
درخواست میں وفاقی حکومت سمیت دیگر کو فریق بنایا گیا تھا ، درخواست میں موٴقف اختیار کیا گیا تھا کہ وفاقی حکومت نے پرویز الہیٰ، زارا الہی ٰکا نام غیر قانونی طور پر پی سی ایل میں شامل کیا ہے۔

درخواست میں استدعا کی گئی کہ لاہور ہائیکورٹ پرویز الہیٰ کا نام پاسپورٹ کنٹرول لسٹ سے نکالنے کا حکم دے۔
واضح رہے کہ وفاقی حکومت نے درخواستوں کی مخالفت کی تھی۔