آج یوم دفاعِ شہداء کی یاد،کشمیر بنے گا پاکستان کے سلوگن کیساتھ منایا جا رہا ہے

اسلام آباد (زمینی حقائق) ملک بھر میں آج یوم دفاعِ پاکستان ملی جوش و جذبے اور شہدائے وطن کے ساتھ محبت و عقیدت کے ساتھ منایا جائے گا۔

وزیراعظم کی اپیل پر قوم اس بار یوم دفاع و شہداء کے سنگ یوم یکجہتی کشمیر بھی ” کشمیر بنے گا پاکستان” کے نعرہ  کے ساتھ منائے گی.

وزیراعظم مظفرآباد میں خطاب کریں گے

وزیراعظم عمران خان مظفرآباد میں کشمیریوں سے اظہار یکجہتی کی تقریب سے خطاب کریں گے، شہداء کو خراج عقیدت پیش کرنے کیلئے جنرل ہیڈکوارٹرز (جی ایچ کیو) میں یوم دفاع کی مرکزی تقریب صبح ہوگی۔

پاکستان کے طول و عرض میں آج چھ ستمبر کو یوم دفاع و یوم شہدا ملی جوش، جذبے اور شہدا وطن کے ساتھ عقیدت و احترام کے ساتھ منایا جارہا ہے۔

مظلوم کشمیریوں سے اظہار ہمدردی کیلئے ملت پاکستان یوم یکجہتی کشمیر بھی منائے گی۔ دن کا آغاز 21 توپوں کی سلامی سے ہوگا، یوم دفاع کے حوالے سے مرکزی تقریب جی ایچ کیو راولپنڈی میں ہوگی، مساجد میں ملکی سلامتی اور کشمیریوں کی آزادی کی دعائیں کی جائیں گی۔

یوم دفاع پر وزیراعظم عمران خان آزاد کشمیر کے دارالحکومت مظفر آباد جائیں گے جہاں وہ کشمیری شہدا کے حوالے سے تقریب سے خطاب کریں گے۔

وزیر اعظم کی ہدایات کے مطابق صوبائی دارالحکومتوں میں خصوصی تقریبات ہوں گی جن میں کشمیریوں سے اظہار یکجہتی کیا جائے گا۔ وزیر اعظم نے پاکستانی عوام کو یوم دفاع پر شہدا کے خاندانوں کے پاس جانے اور شکریہ ادا کرنے کی بھی ہدایات دی ہیں۔

سرکاری دفاتر 3 بجے بند ہوجاہیں گے

وفاقی حکومت کے اعلان کے مطابق ملک بھر میں دفاتر دن تین بجے کے بعد بند کردیے جائیں گے، ملازمین یوم دفاع پاکستان منانے کے ساتھ ساتھ یوم یکجہتی کشمیر منائیں گے اور شہدا کے اہل خانہ کے گھر جائیں گے اور شہدا کی یادگار پر حاضری دیں گے۔

مظلوم کشمیریوں سے اظہاریکجہتی کیلئے اسلام آباد اور راولپنڈی میں ریلیاں نکالی جائیں گی اور سمینار منعقد ہوں گے۔تعلیمی اداروں میں بھی یوم دفاع تقریبات منائی جا رہی ہیں.

Comments are closed.