آرمی چیف کےلئے سمری وزارت دفاع کو بھیج دی گئی ہے،آئی ایس پی آر

فوٹو: فائل

راولپنڈی: آرمی چیف کےلئے سمری وزارت دفاع کو بھیج دی گئی ہے،آئی ایس پی آر نے ایک ٹویٹ کے زریعے سمری بھیجنے کی تصدیق کردی ہے۔

افواج پاکستان کے شعبہ تعلقات عامہ آئی ایس پی آر نے منگل کی رات گئے بتایاگیا ہے کہ ’جی ایچ کیو نے آرمی چیف اور چیئرمین جوائنٹ چیفس آف سٹاف کمیٹی کے تقرر کے لیے چھ سینیئر ترین جرنیلوں کے ناموں کی سمری وزارت دفاع کو بھیج دی ہے۔

آئی ایس پی آراعلامیہ میں کہا گیا ہے کہ جی ایچ کیو نے چیئرمین جوائنٹ چیفس آف اسٹاف کمیٹی اور آرمی چیف کیلئے سمری وزارت دفاع کو بھیج دی ہے۔

آئی ایس پی آر کے مطابق سمری میں 6 سینیئر لیفٹیننٹ جنرلز کے نام شامل ہیں جو وزارت دفاع کو بھیجے گئے ہیں۔

اس حوالے سے ناموں کا ذکر نہیں ہے تاہم میڈیا پر اس سے پہلے چلنے والی سمری کی خبروں میں چھ ناموں کا اندراج شامل ہے۔

http://

GHQ has forwarded the summary for Selection of CJCSC and COAS, containing names of 6 senior most Lt Gens to MoD.

— DG ISPR (@OfficialDGISPR) November 22, 2022

میڈیا پر ذرائع کے حوالے سے چلتی ان خبروں میں کہا گیا تھا کہ سمری وزیراعظم آفس کو موصول ہو گئی ہے تاہم بعد میں وزیر دفاع نے سمری وزیراعظم آفس کو ملنے کی تردید کردی۔

دوسری طرف وفاقی وزیر اطلاعات مریم اورنگزیب نے بھی سمری ملنے سے لاعملمی کااظہارکرتے ہوئے کہاکہ جب سمری ملی تو بتایا جائے گا۔