خواجہ آصف نے سمری وزیراعظم آفس کو موصول ہونے کی تصدیق کر دی

اسلام آباد : وزیر دفاع خواجہ آصف نے سمری وزیراعظم آفس کو موصول ہونے کی تصدیق کر دی، یہ تصدیق انھوں نے رات گئے ایک ٹویٹ کے ذریعے کی ہے.

اس سے قبل خواجہ آصف نے میڈیا پر خبریں چلنے کے بعد سمری وزیراعظم آفس کو ملنے کی تردید کی تھی ، اور کہا تھا کہ جب سمری کا وقت ہوا وصولی ہو گی.

سمری وزارت دفاع سے وزیراعظم آفس میں موصول ھو گئ. انشاءاللہ باقی مراحل بھی جلد طے ھو جائیں گے..

— Khawaja M. Asif (@KhawajaMAsif) November 22, 2022

اس سے قبل دو دن پہلے بھی جب نئے آرمی چیف کی تعیناتی کیلئے سمری وزیراعظم آفس کو ملنے کی خبریں چلی تھیں تو خواجہ آصف نے ہی تردید کی تھی.

وزیراعظم کو ابھی سمری موصول نہیں ھوئ.. انشاءاللہ
سمری کی PMO میں وصولی کنفرم وقت پہ کی جاۓ گی..

— Khawaja M. Asif (@KhawajaMAsif) November 22, 2022

ذرائع کے مطابق مطابق دوسری طرف وزیراعظم شہبازشریف نے اپنا دورہ ترکیہ ملتوی کر دیا ہے کیونکہ ان دنوں میں اہم تعیناتی کا عمل مکمل ہونا ہے.

دوسری طرف وفاقی وزیر اطلاعات مریم اورنگزیب نے بھی سمری ملنے کی تردید کر دی ہے اور کہا ہے کہ جب سمری ملی تو بتا دیا جائے گا.