فوٹو:سوشل میڈیا
نیو یارک: وزیراعظم شہباز شریف سے امریکی نمائندہ خصوصی برائے ماحولیاتی تبدیلی جان کیری نے نیویارک میں ملاقات کی ہے۔موسمیاتی تبدیلی کے اثرات اور دونوں ممالک کے مابین دلچسپی کے دیگر امور پر تبادلہ خیال کیاگیا۔
وزیراعظم آفس کی جانب سے جاری بیان کے مطابق اقوام متحدہ جنرل اسمبلی اجلاس کے موقع پر وزیراعظم شہبازشریف کی سائیڈلائن پر ملاقاتوں کاسلسلہ جاری ہے ۔
وزیراعظم سے امریکی نمائندہ خصوصی برائے ماحولیاتی تبدیلی جان کیری نے بھی ملاقات کی ۔ دونوں رہنماوٴں کے مابین سائیڈ لائن ملاقات نیو یارک میں جاری اقوام متحدہ کی جنرل اسمبلی کے 77 ویں اجلاس کے موقع پر ہوئی۔
وزیراعظم شہباز شریف اور امریکی نمائندہ خصوصی جان کیری نے موسمیاتی تبدیلی کے اثرات اور دونوں ممالک کے مابین دلچسپی کے دیگر امور پر بات چیت کی گئی ۔
Prime Minister Muhammad Shehbaz Sharif meets John Kerry, Special Envoy of the USA for Climate Change, on the sidelines of #UNGA77#PMPakatUNGA pic.twitter.com/bfUtHUonR2
— Prime Minister's Office (@PakPMO) September 21, 2022
امریکی نمائندہ خصوصی برائے ماحولیاتی تبدیلی جان کیری نے ایک ٹویٹ میں بتایا کہ وزیراعظم شہباز شریف اور میں نے پاکستان میں آنے والے سیلاب اور اس کی تباہ کاریوں سے متعلق تبادلہ خیال کیا ہے۔ انہوں نے کہا کہ امریکا کی جانب سے بحران سے نمٹنے کے لیے 55 ملین ڈالر کی انسانی امداد روانہ کی جا چکی ہے۔
.@CMShehbaz and I discussed Pakistan’s devastating floods, the $55 million in US humanitarian assistance thus far, and the urgent need to work together to fight the climate crisis and prevent future tragedies. My heart goes out to the affected communities and the Pakistani people pic.twitter.com/tLMX1xK1gm
— Special Presidential Envoy John Kerry (@ClimateEnvoy) September 21, 2022
جان کیری نے مزید کہا کہ موسمیاتی تبدیلیوں اور اس کے نتیجے میں درپیش چیلنجز سے نمٹنے کے لیے مشترکہ جدوجہد کرنے کی ضرورت ہے۔ انہوں نے پاکستانی عوام اور سیلاب متاثرین کے لیے نیک تمناوٴں کا اظہار کرتے ہوئے سیلاب کی تباہ کاریوں پر افسوس کا اظہار بھی کیا۔
Comments are closed.