لاہور: سندھ نے خیبرپختونخوا کو ہرا کر نیشنل ٹی 20 کپ کا ٹائٹل جیت لیا، دفاعی چیمپئن خیبر پختونخوا کو فائنل میں 8 وکٹوں سے شکست کا سامنا کرنا پڑا.
ملتان کے انٹر نیشنل کرکٹ سٹیڈیم میں نیشنل ٹی 20 کے کھیلے جانے والے فائنل میں سندھ نے دفاعی چیمپئن خیبر پختونخوا کو 8 وکٹوں سے شکست دے کر ٹائٹل اپنے نام کیا
فائنل میں خیبرپختونخوا کی ٹیم نے ٹاس جیت کر پہلے بیٹنگ کرنے کا فیصلہ کیا اوردفاعی چیمپئن ٹیم آخری اوور میں 140 رنز بنا کر آل آؤٹ ہوگئی۔
21 wickets in 10 innings at 14.47 ☝️
Sohail Khan is the best bowler of the tournament 👏#KPvSINDH | #NationalT20 | #GharWaliBaat pic.twitter.com/GgUxSq6b47
— Pakistan Cricket (@TheRealPCB) September 19, 2022
سندھ کی جانب سے 4 وکٹیں لینے والے سہیل خان نے جیت میں اہم کردار ادا کیا، انہوں نے 4 اوورز میں 18 رنز دے کر 4 وکٹیں حاصل کیں جبکہ میر حمزہ اور آصف محمود 2، 2 وکٹیں لے کر نمایاں رہے۔
خیبرپختونخوا کی جانب سے ریحان آفریدی 43 اور محمد سرور 30 رنز کے ساتھ نمایاں رہے، ہدف کے تعاقب میں سندھ کے اوپنرز شرجیل خان اور صائم ایوب نے جارحانہ کھیل پیش کیا۔
A remarkable spell in the grand finale 👏
Sohail Khan registers figures of 4️⃣-1️⃣8️⃣ against Khyber Pakhtunkhwa 🔥#KPvSINDH | #NationalT20 | #GharWaliBaat pic.twitter.com/946bShgiR8
— Pakistan Cricket (@TheRealPCB) September 19, 2022
شرجیل خان نے 53 اور صائم ایوب نے 36 رنز کی اننگز کھیلی جبکہ کپتان سعود شکیل 18 اور عمر یوسف 21 رنز کے ساتھ ناقابلِ شکست رہے۔
سندھ نے 15ویں اوور کی چوتھی گیند پر ہدف حاصل کرکے پہلی مرتبہ نیشنل ٹی ٹوئنٹی چیمپئن بننے کا اعزاز حاصل کر لیا سہیل خان کو بہترین بولنگ پرفارمنس پر میچ کا بہترین کھلاڑی قرار دیا گیا.
Comments are closed.