میں اور میرے بچے آدھے پاکستانی ہیں ، جمائمہ

فائل:فوٹو

ٹورنٹو: ہالی ووڈ کی پروڈیوسر جمائمہ گولڈ اسمتھ نے کہا ہے کہ میں 10 سال پاکستان میں رہی ہوں میں اور میرے بچے آدھے پاکستانی ہیں ، جمائمہ کا کہنا تھا وہ بہت عرصہ پاکستان میں رہتی رہی ہیں۔

ٹورنٹو میں انٹرنیشنل فلم فیسٹیول میں عمران خان کی پہلی اہلیہ اور ہالی ووڈ کی معروف پروڈیوسر جمائمہ گولڈ اسمتھ کی فلم ’واٹس لو گوٹ ٹو ڈو وِد اِٹ‘ کا پریمیئر بھی کیا گیا۔

فلم فیسٹیول کے موقع پر غیر ملکی میڈیا سے گفتگو کرتے ہوئے جمائمہ نے بتایا کہ ان کی فلم میں پاکستان کی ثقافت رسم و رواج اور مغربی کلچر کا امتزاج دکھایا گیا ہے جو کہ بے حد دلچسپ ہے۔جمائمہ نے کہا کہ ’ میں دس سال پاکستان میں رہی ہوں میں اور میرے بچے آدھے پاکستانی ہیں۔

“All the characters in the film are definitely people I’ve met along the way.”

Writer and producer @Jemima_Khan shares what inspired her to write the film at the World Premiere of WHAT’S LOVE GOT TO DO WITH IT? #TIFF22 pic.twitter.com/HDlsJTRgJM

— TIFF (@TIFF_NET) September 10, 2022

انہوں نے کہا کہ میری فلم کی کہانی پاکستان کے لوگوں اور وہاں کے کلچر سے متاثر ہے جن سے میں ملی۔

واضح رہے کہ جمائمہ گولڈ اسمتھ کی فلم کے زریعے پاکستان کی خوبرو اداکارہ سجل علی نے ہالی ووڈ میں ڈیبیو کیا ہے جبکہ سجل بھی اس فلم کا حصہ بننے پر بیحد خوش ہیں۔

سجل نے ٹورنٹو انٹرنیشنل ایوارڈز کی تقریب میں غیر ملکی میڈیا سے گفتگو کرتے ہوئے کہا کہ شبانہ اعظمی اور ہالی ووڈ کے بڑے اداکاروں کے ساتھ کام کرنا ان کا خواب تھا جوکہ اب پورا ہوگیا ہے۔