مکہ مکرمہ:پاکستان کرکٹ ٹیم کے سابق فاسٹ باوٴلر شعیب اختر نے فریضہ حج کے دوران بڑے شیطان کو کنکریاں مارنے کی ویڈیو شیئر کردی ۔
شعیب اختر کی جانب سے فریضہ حج کی ادائیگی کے دوران شیئر کی گئی ویڈیو میں دیکھا جاسکتا ہے کہ احرام پہنے ہوئے شعیب اختر جمرہ کبریٰ یعنی بڑے شیطان کو کنکریاں مارہے ہیں۔
شعیب اختر نے شیطان کی جانب اشارہ کرتے ہوئے کہا کہ اس کو چھوڑنا نہیں۔ ویڈیو کے کیپشن میں شعیب اختر نے لکھا کہ رفتارکی پیمائش تو نہیں کی تاہم غصہ ضرور 100 میل فی گھنٹہ تھا۔
View this post on Instagram
واضح ہے کہ شعیب اختر بھی ان دس لاکھ خوش نصیب مسلمانوں میں شامل ہیں جنہوں نے رواں برس حجِ اکبر کی سعادت حاصل کی ہے۔ وہسعودی عرب کے سرکاری مہمان کی حیثیت سے فریضہ حج کی ادائیگی کے لیے مکہ میں موجود ہیں اور اس دوران ان کی جانب سے تصاویر اور ویڈیوز بھی شیئر کی جارہی ہیں۔
Comments are closed.