اللہ کیسا تھ کسی کو شریک نہ کرو، یہی دعوت تمام انبیاکرام نے دی، خطبہ حج

فوٹو: ٹوئٹر حرمین شریفین

مکہ مکرمہ: خطبہ حج دیتے ہوئے ڈاکٹرشیخ محمد بن عبدالکریم العیسیٰ نے کہا ہے کہ اللہ تعالیٰ نے تقویٰ اختیار کرنے کی بار بار تعلیم دی، ہمیں چاہیے کہ ہم تقویٰ اختیار کریں اور تقویٰ توحید سے آتا ہے جس کی دعوت نبی اکرمﷺسمیت تمام انبیا کرام لے کر آئے۔

مسجد نمرہ میں خطبہ حج کے دوران ڈاکٹر شیخ محمد بن عبدالکریم العیسیٰ کا کہنا تھا کہ اللہ رب العلامین سے ڈرتے رہو جس طرح اس سے ڈرنے کا حق ہے، تمہارے سب معاملات اللہ کے علم میں ہیں ۔

انھوں نے کہا یہ بات ذہن نشین رکھو کہ اگر تم اللہ کا ڈر اور خوف اپنے دل و دماغ میں قائم رکھو گے تو اللہ ڈرنے والوں کے ساتھ ہے، قرآن مجید میں اللہ تعالیٰ نے تقویٰ اختیار کرنے کی بار بار تعلیم دی، ہمیں چاہیے کہ ہم تقویٰ اختیار کریں اور تقویٰ توحید سے آتا ہے۔

ڈاکٹرشیخ محمد بن عبدالکریم العیسیٰ توحید اسلامی عقائد میں بنیادی جزو ہے، اے لوگوں اللہ رب العزت کی عبادت کرو کہ وہ تمہارا پروردگار اور تمہارا پیدا کرنے والا ہے اور تمہیں رزق دینے والا ہے۔

اللہ کیسا تھ کسی کو شریک نہ کرو، یہی دعوت تمام انبیاکرام نے دی، خطبہ حج نے کہا، ہر نبی نے یہی دعوت دی کہ اللہ کی عبادت کی جائے اور اسی کی طرف رجوع کیا جائے۔

http://

🔴 HAJJ 2022 LIVE | Khutba e Hajj Live from Masjid-e-Nimrah Arafat Makkah with Urdu Translation
Watch Live : https://t.co/UFh2pWSxwu pic.twitter.com/kyixSjp2ed

— BOLNetwork (@BOLNETWORK) July 8, 2022

ڈاکٹر شیخ محمد بن عبدالکریم العیسیٰ نے کہا کہ حقیقت یہ ہے کہ تمہیں دنیا کی کوئی بھی تکلیف پہنچے، وہ تکلیف بھی اللہ کی طرف سے ہے وہی تکلیف سے تجات دلاتا ہے، جب تم اس تکلیف میں پڑ جاتے ہو تو اللہ رب العزت ہی تمہیں اس تکلیف سے نجات دلاتا ہے۔

اللہ کے سوا کوئی اور نہیں جو تمہاری تکالیف کو دور کر سکے، خطبہ حج میں کہا نبی اکرمﷺنے خود فرمایا کہ اسلام کی بنیاد پانچ باتوں پر ہے، اللہ تبارک و تعالیٰ کی وحدانیت کی گواہی دینا، کلمہ طیبہ پڑھنا، نماز پڑھنا، ذکوٰة دینا،، حج کرنا اور روزہ رکھنا ۔

انھوں نے کہا کہ حقیقت یہ ہے کہ نماز اسلام کا بنیادی رکن ہے، قرآن مجید میں اللہ تعالیٰ نے ارشاد فرمایا کہ بے شک نماز بے حیائی اور برے کاموں سے روکتی ہے۔

انھوں نے کہا رمضان کا مہینہ پاؤ تو روزے رکھا کرو، جب حج کا مہینہ آئے تو حج کریں کیونکہ اللہ تبارک و تعالیٰ نے پاک کلام میں ارشاد فرمایا کہ اللہ نے استطاعت رکھنے والے تمام اہل ایمان پر حج فرض کیا ہے، اللہ تعالیٰ نے ارشاد فرمایا کہ حج جاتے ہوئے میہنوں میں ادا کیا جاتا ہے، کوئی فسق و فجور کی بات نہ کی جائے، حقیقت یہ ہے کہ حج کا زاد راہ تقویٰ ہے۔

خطبہ حج دیتے ہوئے انہوں نے مزید کہا کہ اللہ تعالیٰ کی عبادت ایسے کرو کہ گویا تم اللہ تعالیٰ کو دیکھ رہے ہو اور اگر ایسا نہ ہو تو تمہیں اتنا احساس ہونا چاہیے کہ اللہ تمہیں دیکھ رہا ہے۔

http://

May Allah accept the Hajj of all Muslims and grant us all the pilgrimage to the Kaaba#HajjMubarak #Kaaba #Makkah #SaudiArabia #BreakingNews pic.twitter.com/ATw6XsUrKm

— Amir Khan (@the_amirkhan) July 8, 2022

واضح رہے کہ عازمین کرام آج حج کا رکن اعظم وقوف عرفہ ادا کر رہے ہیں،عزام کرام نے رات منیٰ میں قیام کیا، عبادات، تلاوت اور استغفار میں مصروف رہے اور نماز فجر کے بعد عازمین میدان عرفات روانہ ہوئے۔

رواں سال 10 لاکھ افراد کو حج ادا کرنے کی اجازت دی گئی ہے، ان 10 لاکھ افراد میں بیرون ملک سے آنے والے 8 لاکھ 50 ہزار عازمین حج بھی شامل ہیں، یہ تعداد اب بھی وبائی مرض کووڈ 19 سے قبل 2019 میں حج کرنے والے 25 لاکھ لوگ شامل تھے۔