فوٹو: فائل
لاہور( ویب ڈیسک) بھارتی فلم پروڈیوسر کرن جوہر نے گانا چور ی کرلیا، ابرار الحق سیخ پا ہو گئے، گانا فلم میں شامل کرنے کی صورت میں قانونی کارروائی کی دھمکی دیدی ۔
دھرما پروڈکشن نے اتوار کو اپنے سوشل میڈیا اکاؤنٹ پر فلم، جگ جگ جیو کا ٹریلر ریلیز کیا جس میں ابرارالحق کا 2002 میں ریلیز ہونے والا مشہور گانا نچ پنجابن چوری کیا گیا ہے
معروف پاکستانی گلوکار ابرارالحق نے بھارتی فلم میں اپنا مشہور گانا نچ پنجابن اکاپی کیے جانے پر بالی ووڈ کے نامور پروڈیوسر کرن جوہر پر اظہارِ برہمی کیا ہے۔
ابرار الحق کا مشہور گانا نچ پنجابن بالی ووڈ کی آنے والی ایک نئی فلم میں کاپی کیا گیا ہے تو گلوکار نے فلم کے پروڈیوسر کرن جوہر کو آڑے ہاتھوں لیتے ہوئے ٹوئٹر پر احتجاج ریکارڈ کرایا ہے۔
پاکستانی سیاستدان و گلوکار ابرار الحق نے لکھا ہے کہ میں نے کسی بھی بھارتی فلم کو اپنے گانے کے حقوق فروخت نہیں کیے، میں اپنے گانے کو بھارتی فلم میں استعمال کیے جانے پر ہرجانے کے لیے کورٹ جانے کا حق محفوظ رکھتا ہوں۔
انھوں نے مزید کہا کہ کرن جوہر جیسے پروڈیوسر کو میرا گانا کاپی نہیں کرنا چاہیے تھا، یہ میرا چھٹا گانا کاپی کیا جارہا ہے، جس کی ہرگز اجازت نہیں دوں گا۔
I have not sold my song “ Nach Punjaban” to any Indian movie and reserve the rights to go to court to claim damages. Producers like @karanjohar should not use copy songs. This is my 6th song being copied which will not be allowed at all.@DharmaMovies @karanjohar
— Abrar Ul Haq (@AbrarUlHaqPK) May 22, 2022
ابرار الحق کا بیان سامنے آنے پر سوشل میڈیا صارفین کی یاداشت بھی تازہ ہو گئی اور انھوں نے بھی پاکستانی گانے کاپی کرنے پر بالی ووڈ کو تنقید کا نشانہ بناتے ہوئے ردِعمل دیاہے۔
اسی تناظر میں ایک صارف نے لکھا کہ حال ہی میں حدیقہ کیانی کا گانا بوہے باریاں اوراب یہ، بالی وڈ موسیقاروں کے لیے اصل دھنیں نکالنا اتنا مشکل کیوں ہے۔
واضح رہے کہ کرن جوہر کے پروڈکشن ہاؤس کے بینر تلے بننے والی فلم جگ جگ جیو میں ورن دھون،انیل کپور، کیارہ ادوانی اور نیتو سنگھ اداکاری کرتے نظر آئیں گے۔
گانا کاپی ہونا کوئی نئی خبر بھی نہیں ہے بھارت اور پاکستانی کی فلم و ڈرامہ انڈسٹریز اکثر ایک دوسرے کے گانے ہی نہیں بلکہ فلم و ڈرامہ کی کہانیاں بھی کاپی کرتے رہتے ہیں کیونکہ دونوں ممالک کی زبان اور کلچر ایک ہے۔
Comments are closed.