آصفہ بھٹو زرداری کو ڈرون کیمرا لگنے سے زخمی ہونے کی ویڈیو

فوٹو: اسکرین گریب

خانیوال (زمینی حقائق ڈاٹ کام) پاکستان پیپلزپارٹی کے عوامی مارچ میں آصفہ بھٹو زرداری کو ڈرون کیمرا لگنے سے زخمی ہونے کی ویڈیو سوشل میڈیا پر وائرل ہو رہی ہے،گئیں،کوریج کرنے والا ایک ڈرون کیمرہ اڑتا ہوا آصفہ بھٹو سے جا ٹکرایا ۔

آصفہ بھٹو زرداری سے جب ڈرون کیمرا ٹکرایا اس وقت وہ کنٹینر پر کھڑی تھیں اور ان کے ہمراہ چیئرمین پیپلز پارٹی بلاول بھٹو بھی تھے ڈروان کیمرہ اچانک اڑتا ہوا ان سے آ ٹکرایا۔

آصفہ بھٹو ڈرون ٹکرانے کے بعدنیچے بیٹھ گئیں اور ان کو بلاول بھٹوزرداری اور ساتھ کھڑے اور شخص نے پکڑا اور پھر انھیں طبی امداد کیلئے کنیٹنر کے اندر لے گئے۔

http://

پیپلز پارٹی کے لانگ مارچ میں ڈرون کیمرہ آصفہ بھٹو کا جا لگا pic.twitter.com/uL9CGgxLzB

— Mehboob ur Rehman Tanoli (@MehboobTanoli) March 4, 2022

اس دوران چیئرمین پاکستان پیپلز پارٹی بلاول بھٹوزرداری کی سکیورٹی پر مامور سٹا نے ڈرون آپریٹر کو پکڑ لیا ہے جبکہ آصفہ بھٹو کو مزید چیک اپ کیلئے ملتان بھیجا جارہا ہے۔

بعد میں بلاول بھٹو زرداری نے خطاب کرتے ہوئے کہا کہ آصفہ آگے بھی ہمارے ساتھ ہوگی، پتا نہیں جان بوجھ کر یا غلطی سے کسی چینل کا ڈرون آصفہ کو لگا ہے۔

انہوں نے بتایا کہ ڈاکٹرز نے کہا ٹانکے لگیں گے لیکن آصفہ نے کہا پٹی لگادیں میں اوپر جاؤں گی، شہید بی بی کی بیٹی تو بہت بہادر ہے۔

بعدازاں آصفہ بھٹو کو ملتان بلاول ہاؤ س منتقل کردیا گیا جہاں ڈاکٹرز اور ماہرین کی ٹیم ان کا طبی معائنہ کرے گی ، بعد میں وہ دوبارہ لانگ مارچ کو شامل ہو جائیں گی۔