کھیل

نیوزی لینڈ کیخلاف قومی ٹیم کااعلان، سرفراز احمد اور صہیب مقصود آوٹ

By admin

فوٹو: پی سی بی ، فائل


لاہور( سپورٹس ڈیسک)نیوزی لینڈ کے خلاف قومی کرکٹ ٹیم کے ایک روزہ میچز کے اسکواڈ کا اعلان کردیا گیا ہے، سابق کپتان سرفراز احمد اور صہیب مقصود شامل نہیں ہیں۔

چیف سلیکٹر محمد وسیم نے نیوزی لینڈ کیخلاف ایک روزہ میچز کی ہوم سیریز کیلئے ٹیم کااعلان کیاہے ، جس میں افتخار احمد اور خوشدل شاہ تو شامل ہیں تاہم سرفراز احمد اور صہیب مقصود کو ٹیم سے باہر کردیاگیاہے۔

چیف سلیکٹر محمد وسیم کا کہنا ہے کہ پہلے ون ڈے سیریز ہوگی اس لیے ون ڈے اسکواڈ پر مشاورت مکمل کی ہے، ٹی ٹوئنٹی سیریز اور ورلڈ کپ کے لیے اسکواڈ کا اعلان آئندہ ہفتے ہوگا۔

قومی ٹیم کے 20 رکنی اسکواڈ کی قیادت کپتان بابراعظم کریں گے، جبکہ مڈل آرڈر بیٹسمین افتخار احمد اور خوشدل شاہ سمیت زاہد محمود، شاہنواز دھانی، محمد وسیم جونیئر، محمد حارث، شاداب خان، عبداللہ شفیق شامل ہیں۔

امام الحق، حارث رؤف، حسن علی، فخر زمان، فہیم اشرف، محمد حسنین، محمد نواز، وسیم جونیئر، سعود شکیل، شاہین شاہ آفریدی اور عثمان قادر بھی کیوی ٹیم کے خلاف ایک روزہ میچز کی سیریز کیلئے اسکواڈ کا حصہ ہیں۔

چیف سلیکٹرز محمد وسیم کی طرف سے ٹیم کے انتخاب کے حوالے سے وضاحت کے ساتھ کھلاڑیوں کے انتخاب اور آوٹ کرنے کی وجوعات کا بھی ذکر کیاگیاہے ۔

admin 11758 posts 0 comments
You might also like More from author

Comments are closed.