فوٹو: فائل
اسلام آباد(زمینی حقائق ڈاٹ کام) سابق صدر آصف زرداری کی صاحبزادی بختاور بھٹو زرداری نے ایک بار پھر واضح کیا ہے کہ میں مردوں کے اکیلے عوامی مقامات میں داخلے پر پابندی کے بیان پر قائم ہوں ۔
بختاور بھٹو زرداری نے نئے بیان میں وضاحت ضرور کی ہے لیکن وہ اپنے اسی مطالبے پر قائم ہیں کہ عوامی مقامات پر مردوں کو اکیلے آنے پر پابندی ہونی چایئے ۔
بلاول بھٹو زرداری کی بہن کا کہنا ہے کہ مردوں کو بہنوں، ما بیٹیوں اور بیویوں کے بغیر اکیلے عوامی مقامات پر جانے کی اجازت نہیں دینی چاہیے، ہوسکتا ہے وہ اس طرح پھر سے خواتین پر حملہ کرنے سے پہلے سوچیں گے۔
Re my tweet banning men from public. I stand by it. Single men should not be allowed out without being escorted by sisters, mothers, wives or daughters – perhaps then they will think twice before assaulting women. With repeated & increasing incidents of assault no better option.
— Bakhtawar B-Zardari (@BakhtawarBZ) August 23, 2021
پہلے بیان میں بھی بختاور بھٹو نے مردوں کے عوامی مقامات میں داخلے پر مکمل پابندی کا مطالبہ کیا تھا بعض لوگوں کی طرف سے بیان پر حیرت اور مخالفت اور کچھ کے ابہام کودور کرنے کیلئے انھوں نے وضاحت کی ہے کہ وہ مردوں کے داخلے پر پابندی کے مطالبے پر ابھی بھی قائم ہیں۔
سابق صدر آصف زرداری کی بڑی بیٹی بختاور بھٹو نے مزید لکھا کہ خواتین پر پے در پے بڑھتے ہوئے اس طرح کے واقعات کو روکنے کا اور کوئی بہتر آپشن نہیں۔
واضح رہے یہ مطالبہ اس پیپلزپارٹی کی قیادت کے گھر سے سامنے آیاہے اس پیپلز پارٹی کی طرف سے جسے عموماً زیادہ آزاد خیال سمجھا جاتاہے اور اس آواز کو خواتین کے تحفظ کیلئے موثر قرار دیا جارہاہے۔
