اسلام آباد(شکیل تنولی) انڈیا کے شہر لدھیانہ میں پاکستانی کپڑوں کے برانڈ کی شاپ کھل گئی ہے جہاں مقامی خواتین کیلئے پاکستانی برانڈ کے کپڑے سستے داموں دستیاب ہیں.
یہ دکان لدھیانہ کی خاتون پنیت کور نے کھولی ہے اور وہ اس بات پر بہت خوش ہیں کہ 70 فیصد گاہک خواتین خریداری کرتے پاکستانی کپڑوں کی ڈیمانڈ کرتی ہیں.
پنیت کور( Puneet kaur) نےبیورو چیف زمینی حقائق ڈاٹ کام سے دکان کے حوالے سے خصوصی گفتگو کرتے ہوئے بتایا کہ بتایا کہ وہ خود بھی پاکستانی کپڑے پہننا پسند کرتی ہیں.
لدھیانہ میں پاکستانی کپڑوں کی دکان کھل گئی pic.twitter.com/uxlsmQ7JPY
— Zameeni Haqaiq (@zameenihaqaiq) July 13, 2021
پنیت کور کا کہنا ہے کہ وہ شروع سے ہی پاکستانی کپڑے پہنتی ہیں اور وہ کپڑوں کا آن لائن کاروبار کرتی ہیں اس دوران ان کے دل میں خیال آیا کہ پاکستانی کپڑوں کی شاپ کھولی جائے.
انھوں نے اپنی شاپ کا نام (Pakistani Attire) یعنی ” پاکستانی لباس” رکھا ہے اس نام کو اور پاکستان کے کپڑوں کو خواتین نے بہت پسند کیا ہے.
انھوں نے بتایا کہ ان کی دکان پر خواتین کی پسند کے مطابق رنگا رنگ کپڑے ہر ڈیزائن میں پاکستان کے تمام مشہور اور کپڑوں کی ورائٹی دستیاب ہے جس کو انڈیا میں خواتین نے کافی پسند کیا ھے.
انھوں نے کہا کہ جوں جوں پاکستانی کپڑوں کی مانگ بڑھتی جائے گی میں گاہک خواتین کی چوائس کو مد نظر رکھتے ہوئے پاکستانی کپڑوں، فیشن اور ڈیزائن کی دستیابی ممکن بناوں گی.
