اسلام آباد( زمینی حقائق ڈاٹ کام) وزیر داخلہ شیخ رشید احمد نے کہا ہے کہ تحریک لبیک پاکستان کے ساتھ مزاکرات کامیاب ہو گئے ہیں اور وہ دھرنے ختم کرنے پر آمادہ ہوگئے ہیں۔
سوشل میڈیا پر جاری ویڈیو پیغام میں وزیر داخلہ شیخ رشید احمد نے کہا ہے کہ حکومت آج ہی قومی اسمبلی میں فرانسیسی سفیر کی ملک بدری کی قرارداد پیش کرے گی۔
اسلام آباد۔ 20 اپریل
— Sheikh Rashid Ahmed (@ShkhRasheed) April 20, 2021
حکومت اور تحریک لبیک پاکستان کے درمیان مذاکرات کامیاب۔
وزارت داخلہ کی جانب سے اہم ویڈیو پیغام جاری.https://t.co/imkNgbg2d0 pic.twitter.com/pHaxAaztSS
انھوں نے کہا کہ ٹی ایل پی کے گرفتار کارکنوں کورہا کردیں گے اس حوالے سے مزید تفصیل کااعلان پریس کانفرنس میں کروں گا۔
آج ہی بعد میں وزیراعظم عمران خان سے وزیر داخلہ شیخ رشید نے ملاقات کی اور انہیں کالعدم تحریک لبیک کے ساتھ ہونے والے مذاکرات کی تفصیلات سے آگاہ کیا ۔
اس موقع پر وزیراعظم عمران خان نے مذاکرات کی کامیابی پر شیخ رشید کو مبارکباد دی اور کہا کہ آپ نے بہترین کام کیا، معاملات خوش اسلوبی سے حل ہو گئے۔
