اسلام آباد( ویب ڈیسک )وفاقی حکومت اور صوبہ سندھ کی چین سے الگ الگ کورونا ویکسین خریدنے تیاریاں کی جارہی ہیں وفاقی حکومت چینی کمپنی سے لاکھوں کورونا ویکسین کا معاہدہ طے پایا گیا ہے۔
پاکستان نے چین سے مجموعی طور پر ستر لاکھ ویکسین کا معاہدہ کیا ہے جس کی تصدیق وفاقی وزیر اسد عمر نے بھی کردی ہے، ان ستر لاکھ ویکسین میں چالیس لاکھ سائینوفارم کی ڈوز ہیں۔
We will be getting bulk vaccine by mid april from cansino from which 3 million vaccine doses can be made. The bulk vaccine recieved will be formulated, sterilized and packed in Pakistan. For this purpose special equipment has been procured and manpower is being trained
— Asad Umar (@Asad_Umar) March 30, 2021
ذرائع کے مطابق تیس لاکھ کین سائینو کی سنگل ڈوز ہیں، چینی کمپنیز پاکستان کو کرونا سے بچاؤ کی ویکسین آئندہ ماہ سے پاکستان کو مرحلہ وار ویکسین فراہمی کا آغاز کریں گی۔
اس سے قبل این سی او سی کے سربراہ اسد عمر نے بھی ٹوئٹر پر بیان میں تصدیق کی تھی کہ پاکستان کو اپریل سے کین سائنو ویکسین بڑی تعداد میں ملنا شروع ہوجائے گی، کین سائنو ویکسین کی بڑی تعداد ملنیپر30لاکھ خوراکیں بنائی جائیں گی۔
First batch of cansino vaccine procured being recieved today. This is the vaccine in which Pakistan participated in phase 3 trials, which was the first time ever that Pakistan had done so for any vaccine.
— Asad Umar (@Asad_Umar) March 30, 2021
اسد عمر نے اپنے ٹوئٹ میں لکھا کہ ویکسین پاکستان میں ہی پیک کی جائیگی اور بڑی تعداد میں ویکسین رکھنے سے متعلق انتظامات اور عملے کی تربیت کردی گئی ہے۔
ادھر کراچی میںآ ج نیوز کانفرنس میں صوبائی وزیر صحت ڈاکٹر عذراپیچوہو نے بتایا کہ این سی او سی نے صوبوں کو ویکسین خریدنے کی اجازت دیدی ہے، جس کے بعد سندھ حکومت نے چینی ویکسین کین سائینو کی پچاس لاکھ ڈوز خریدنے کا فیصلہ کیا ہے۔
انھوں نے بتایا کہ چین سے یہ سنگل ڈوزویکسین براہ راست لی جائیگی، واضح رہے حکومت پہلے ہی نجی طور پر ویکسین کی خریداری کی اجازت دے چکی ہے، اس بات کاامکان موجود ہے کہ وافر مقدار میں ویکسین کی موجودگی سے قیمت کم رہے گی۔
