فوٹو: اے ایف پی
اسلام آباد( زمینی حقائق ڈاٹ کام) اسلام اباد ایئر پورٹ کے رن وے پر پی آئی اے کا ایک مسافر طیارہ اچانک ٹریکٹر سے ٹکرا گیا، پی آئی اے حکام نے واقعہ کی تصدیق کی ہے۔
موصولہ اطلاع کے مطابق جس وقت یہ حادثہ پیش آیا ہے اس وقت پی آئی اے کے طیارے کو ٹگ بس کے ذریعے کھینچ کر رن وے کی طرف لایا جا رہا تھا۔
دوسری طرف پی آئی اے حکام نے واقعہ کی تصدیق کرتے ہوئے بتایا ہے کہ یہ حادثہ پیر کو پیش آیا جب کارگو ٹریکٹر آپریٹر کو دل کا دورہ پڑا جس کے باعث کارگو ٹریکٹر طیارے سے جا ٹکرایا۔
پی آئی اے حکام نے واقعے کی تصدیق کرتے ہوئے بتایا کہ ٹگ آپریٹر طیارے کو رن وے کی طرف کھینچ کر لا رہا تھا جس دوران آپریٹر کو اچانک دل کا دورہ پڑا اور طیارہ کی کارگو ٹریکٹر سے جا ٹکرہو گئی۔
حکام کے مطابق حادثے کے دوران طیارے کا وی ایچ ایف انٹینا ٹوٹ گیا ہے جس کی مرمت کا کام جاری ہے جبکہ کارگو ٹرک آپریٹر کو فوری طور پر پمز ہسپتال منتقل کر دیا گیا تھ۔
واضح رہے پی آئیاے کے طیاروں سے پرندے ٹکرانے کے بھی18سے زائد واقعات ہو چکے ہیں ، جب کہ طیارہ کا پھسل کر رن وے سے باہر چلے جانے کے واقعات بھی رونما ہوئے ہیں۔
