شاہد آفریدی سے راولپنڈی کرکٹ اسٹیڈیم میں ملاقات کرنے والی بزرگ خاتون کچھ دیر بعد چل بسیں

فوٹو:سوشل میڈیا

قومی ٹیم کے سابق کپتان شاہد آفریدی سے راولپنڈی کرکٹ اسٹیڈیم میں ملاقات کرنے والی بزرگ خاتون دم توڑ گئیں

سماجی رابطے کی ویب سائٹ ٹویٹر پر سابق کرکٹر شاہد آفریدی نے میگا اسٹار لیگ کے اکاوٴنٹ پر جاری ویڈیو شیئر کی اور پیغام میں کہا کہ یہ افسوسناک خبر سن کر میرا دل ٹوٹ گیا کہ ایم ایس ایل کے میچ میں ہم سے ملنے کے فوراً بعد ماں جی کا انتقال ہوگیا۔

ویڈیو میں دیکھا جاسکتا ہے کہ خاتون شاہد آفریدی سے محبت کے ساتھ ملتی ہیں جب کہ سابق کپتان بھی ان کے ساتھ بہت ہی احترام اور عزت کے ساتھ پیش آئے۔

I am so heartbroken to hear the sad news that Ma Gee passed away right after meeting us in MSL match. She came to see us and said that she was very happy.
May Allah grant her the highest rank in Jannat. https://t.co/Nh9hK1hbNb

— Shahid Afridi (@SAfridiOfficial) December 21, 2022

شاہد آفریدی نے بتایا کہ خاتون ان کے پاس آئیں اور کہا کہ وہ بہت خوش ہیں، ساتھ ہی کرکٹر نے ان کی مغفرت کی دعا بھی کی۔

ویڈیو میں دیکھا گیا کہ خاتون ناصرف شاہد آفریدی بلکہ قومی کرکٹ ٹیم کے سابق اسپنر سعید اجمل سے بھی ملاقات کرتی ہیں۔

علاوہ ازیں شاہد آفریدی نے راولپنڈی اسٹیڈیم میں معذور مداح سے بھی ملاقات کی اور شائقین میں چیزیں بھی تقسیم کیں۔