مصطفیٰ نواز کھوکھر کے ٹویٹ کرنے پر پیپلز پارٹی نے ان سے استعفیٰ مانگ لیا

فوٹو: فائل

اسلام ٓباد: مصطفیٰ نواز کھوکھر کے ٹویٹ کرنے پر پیپلز پارٹی نے ان سے استعفیٰ مانگ لیا، ذرائع کا کہنا ہےپارٹی اعظم سواتی کی ویڈیو پر مصطفیٰ نواز کی ٹویٹ پر ناخوش تھی۔

ذرائع کے مطابق مصطفیٰ نواز کو پیپلز پارٹی کی طرف سے بتایا گیاہے کہ قیادت آپ کے نقطہ نظر سے متفق نہیں ہے اس لئے سینیٹر شپ چھوڑ دیں۔

مصطفیٰ نواز نے خود بھی تصدیق کردی ہے کہ وہ سینیٹرشپ سے مستعفی ہورہے ہیں اور وہ اپنا استعفیٰ چیئرمین سینیٹ کے حوالے کردیں گے۔

واضح رہے مصطفیٰ نواز کھوکھر نے پہلے شہبازگل پر تشدد کے حوالے سے بھی سخت ردعمل دیا تو اوراس کی شدید الفاظ میں مذمت کی تھی۔

As a political worker, I cherish my right to express my opinions on matters of public interest. Thankful to the party leadership for giving me the senate seat from Sindh. Differences aside, It’s been a wonderful journey with them and wish them the best.

— Mustafa Nawaz Khokhar (@mustafa_nawazk) November 8, 2022

اب جب اعظم سواتی کی مبینہ ویڈیوکا معاملہ سامنے آیا اور خود اعظم سواتی نے ویڈیو میں روتےہوئے بتایا کہ ان کی اور ان کی اہلیہ کی ویڈیو بنا کران کی بیٹی کو بھیجی گئی ہے تو اس پر بھی مصطفیٰ نواز کھوکھر نے سخت ردعمل دیا تھا۔

واضح رہے پیپلز پارٹی آزادی اظہار رائے کی علمدار ہونے کی دعویدار رہی ہے تاہم اس دفعہ ایک سینیٹر کے الفاظ کو سنبھال نہیں سکی اور سینیٹر سے استعفیٰ مانگ لیا ہے۔