حیدر آباد میں انڈس ہائی وے پر مسافر کوچ اور ٹرک میں تصادم سے گیارہ افرادجاں بحق اور تیرہ سے زائد زخمی ہو گئے

فائل:فوٹو

سہون: حیدر آباد میں انڈس ہائی وے پر مسافر کوچ اور ٹرک میں تصادم سے گیارہ افرادجاں بحق اور تیرہ سے زائد زخمی ہو گئے۔

ایس ایس پی جامشورو جاوید بلوچ کے مطابق مسافر کوچ بھاولپور سے کراچی اور ٹرک جامشورو سے سہون جارہا تھا۔ حادثہ انڈس ہائی وے پر مانجھند کے قریب ٹوڑھی پھاٹک کے مقام پرپیش آیا۔
جاں بحق مسافروں میں ڈیڑھ سالہ خدیجہ بنت ذوالقرنین سمیت دو بچے اور تین خواتین بھی شامل ہیں۔

زخمیوں میں محمد اشرف، عتیق الرحمن، محمد ظفر، جاوید احمد ، محمد حسنین، نورین، راشد محمود، محمد طارق اور محمد وسیم اور دیگر شامل ہیں۔زخمیوں کو طبی امداد کے لئے ہسپتال منتقل کردیاگیاہے ۔